Halesi FM 102.4 MHz

खोटाङमा जिल्ला स्तरीय खेलाडी छनौट प्रतियोगिता आगामी पुस ११

कार्तिक २५, २०७५, Khotang

ताराचन्द्र बस्नेत हलेसी एफएम ।
खोटाङमा आगामी पुस ११ गतेदेखी १३ गतेसम्म जिल्ला स्तरीय खेलाडी छनौट प्रतियोगिता हुने भएको छ । १ नम्बर प्रदेश स्तरीय छनौट प्रतियोगितामा सहभागिता जनाउनका लागि विभिन्न ११ विधामा खेलाडी छनौट हुने भएको हो ।
टिम व्यवस्थापक र प्रशिक्षक सहित करातेमा २३, फुटबलमा ३४, उसुमा ३, ब्याडमिन्टनमा ६, टेवल टेनिसमा ५, बक्सिङमा ४, भलिबलमा २२,कबड्डठीमा २०, एथ्लेटिक्समा १६, तेक्वान्दोमा १८ र बुद्धिचाल (चेस)मा २ जना खेलाडी छनौट गरिनेछ ।
तीन दिवसीय छनौट प्रतियोगिता अन्तरगत केपीलासगढी गाउँपालिका–४ बाक्सिलामा तेक्वान्दो, भलिबल, एथ्लेटिक्स ,दिक्तेल रुपाकोट मझुवागढी नगरपालिका–१३ नुनथलामा टेवल टेनिस र अन्य बाँकी सबै खेलहरु दिक्तेलस्थित रत्नपार्कमा रहेको माटिकोरे खेलमैदानमा आयोजना गरिनेछ । खोटाङबाट छनौट भएर गएका खेलाडीहरुले पुनः माघ १० गतेदेखि हुने १ नम्बर प्रदेश स्तरीय प्रतियोगितामा खेल्नुपर्नेछ । प्रदेश स्तरीय प्रतियोगितामा समेत छनौट भएका खेलाडीले मात्रै आठौं राष्ट्रिय खेलकुद प्रतियोगितामा खेल्न पाउनेछन् । प्रदेश स्तरीय खेलको स्थान भने हाल सम्म तोकिएको छैन । आठौं राष्ट्रिय खेलकुद प्रतियोगिता माघ २५ देखी फागुन ३ गते सम्म हुने जिल्ला खेलकुद विकास समिति खोटाङका कार्यालय प्रमुख लिलाभक्त केसीले जानकारी दिनुभयो ।

Comment Box

अरु समाचारहरु

देम्बाडाँडा पुग्ने पदमार्ग निर्माण कार्य

दावा जाङ्बु शेर्पा- असार २३-ओखलढुङ्गा -खिजीदेम्बा नेपाल सरकाले घोषणा...