(12:15 PM - 01:00 PM)
(01:00 PM - 01:15 PM)
दोश्रो प्राथमिकतामा परेकाहरुलाई खोटाङमा भोलिदेखि दोश्रो चरणको कोभिड १९ विरुद्धको खोप दिइने
२०७७ फागुन १, हलेसीन्युजडेस्क //
स्वास्थ्य कार्यालय खोटाङले दोस्रो चरणको लागि कोभिड १९ विरुद्धको खोपको तयारी गरेको छ ।
कोरोना भाइरस कोभिड १९ विरुद्धको खोपका लागि दोश्रो प्राथमिकतामा परेका कर्मचारी, पत्रकार जनपथ प्रहरी तथा पहिलो चरणमा छुटेका ब्यक्तिहरुलाई फागुन २ गतेबाट खोप दिइने थाहा भएको छ ।
खोप सबैको पहुँचमा पुर्याउने उदेश्यले जिल्लामा जिल्ला अष्पताल सहित अन्य २ वटा खोप केन्द्रहरु तोकिएका छन् । फाल्गुण २ गतेदेखि एकहप्तासम्म जिल्ला अष्पतालबाट खोप सेवा दिइने छ भने खोटेहाङ स्वस्थ्य चौकी र ऐसेलुखर्क प्राथमिक स्वास्थ्य केन्द्रबाट फागुन ३ गतेदेखि एक हप्तासम्म खोप सेवा उपलव्ध गराइने स्वास्थ्य कार्यालय खोटाङका प्रमुख पुण्यप्रसाद सिग्देलले हलेसी एफएमलाई जानकारी दिनुभयो ।
कोरोना विरुद्धको खोप लगाउन सरकारले आह्वान गरिरहेको भए पनि खोटाङ जिल्लामा खोप कमै मात्रामा लगाएको देखिएको छ । जिल्लामा पहिलो चरणको लागि आएको ३,५६० डोज खोपमा जम्मा ७२० डोज मात्र खर्च भएको छ जसबाट ६९१ जनाले खोप पाएकाछन् । अब यो चरणको खोपलाई प्राथमिकतामा परेका सबै को पहुच मा पुर्याउने ध्येयका साथ खोप केन्द्रहरु स्थानीय तह सम्म पुर्याइएको स्वास्थ्य कार्यालय खोटाङका प्रमुख पुन्य प्रसाद सिग्देल ले बताउनु भयो । खोप लगाउएका व्यक्तिहरुलाई कसैकसैलाई सामान्य ज्यरो आउन सक्ने, थकान महसुस हुन सक्ने, रिंगटाको अनुभव लागे पनि सिटामल खाएपछि दुइदिन भित्रमा ठीक हुने जनाइएको छ । पहिलो पटक खोप लगाएपछि दोश्रो मात्राका लागि चार हप्तादेखि आठ हप्ताभित्रमा खोप लगाउनुपर्नेहुन्छ । तर १८ बर्ष भन्दा कम उमेरका व्यक्ति, स्तनपान गराइरहेका आमा, गर्भवती महिला।, गर्भवती हुन चाहने महिला, औषधि वा कुनै कारण एलर्जी भएका ब्यक्तिहरु र ज्वरो आइरहेको भए कोभिड १९ विरुद्धको खोप लगाउन नमिल्ने जनाइएको छ ।
सोलु एफएममा आगलागीबाट ठूलो क्षति २०७७ फागुन १७, हलेसीन्युजडेस्क // सोलुखुम्वुस्थित सोलु...
वुलापन्थे माविमा Talent Hunt कार्यक्रम अन्तर्गत नृत्य प्रतियोगिता सम्पन्न २०७७ फागुन...
