हलेसीन्युजडेस्क, खोटाङ

खोटाङमा यता केहीदिनदेखि दुर्घटनाजन्य घटनाका कारण अनाहकमा मानिसको ज्यान गएको छ । केही दिन अगाडि झगडाका कारण खार्मीमा एकजनाको ज्यान गएको छ भने बैशाख ३ गते ऐसेलुखर्कका एकजना र नुनथलाका एकजनाको मृत्यु भएको छ । यस्तै सुदुर दक्षिणी भेकस्थित  वराहपोखरी गाउँपालिका–४ फाक्टाङका ५८ वर्षीय रामबहादुर राईको बैशाख ५ गते भिरबाट लडेर मृत्यु भएको खवर प्राप्त भएको छ ।

वाराहापोखरी-५ पौवासेरास्थित नातेदारको घरमा पास्नी भोज खाई घर फर्कने क्रममा बुधवार अपरान्ह ३ बजे फाक्टाङ र पौवासेराको सिमाना बेतुवा खोलाको भिरबाट लडेर राईको मृत्यु भएको प्रहरीले जनाएको छ । 

राई लडेर मृत अवस्थामा रहेको खबर प्रहरी चौकी हुक्नाजोरमा प्राप्त भएसँगै हुक्नाजोर र इलाका प्रहरी कार्यालय खोटाङबजारबाट प्रहरीको एक टोलि घट्नास्थल पुगेको थियो ।

प्रहरीद्धारा थप अनुसन्धान र कानूनी प्रक्रिया पूरा गरी विहीवार विहान शवलाई पोष्टमार्टमको लागि उदयपुरको स्वास्थ्य चौकी बेलटार पठाएको थाहा भएको छ ।