हलेसीन्युजडेस्क, खोटाङ

नेपाली कांग्रेस खोटाङको प्रदेशसभा  निर्वाचन क्षेत्र नं.(क) का क्षेत्रीय सभापति एवं तरुण दल खोटाङका पूर्व सभापति राजेन्द्र राइलाई पितृ शोक परेको छ । क्षेत्रीय सभापति राईका पिता शेखर प्रसाद राईको दिक्तेलरुपाकोट मझुवागढी नगरपालिका वडा नं. ३ वाम्राङ सामातुङस्थित आफ्नै घरमा आइतवार निधन हुँदा क्षेत्रीय सभापति राईलाई पितृशोक परेको हो ।

विक्रम सम्वत २०१० साल कार्तिक १७ गते पिता पदमबहादुर राई र माता हर्कलक्ष्मी राईको जेठा छोराका रुपमा जन्मिनुभएका स्वर्गीय शेखरप्रसाद राई गाउँका अग्रज अभिभावकका रुपमा समाजमा स्थापित हुनुहुन्थ्यो । सामाजिक काममा रुचि राख्नुहुने स्व. राई समुदायमा अभिभावकीय भूमिका निभाउदै आउनुभएको थियो । उहाँ घाँटीको रोगबाट केही समयदेखि विरामी रहँदै आउनुभएको र उपचार भैरहेको पारिवारिक श्रोतले जनाएको छ । उहाँको दुखद निधनले परिवार र समुदाय गहिरो शोकमा डुवेको छ । 

आज उहाँको पार्थिव शरीरलाई किराँत परम्परा अनुसार अन्तिम सँस्कार गरिने नेपाल विध्यार्थी संघका महाधिवेशन प्रतिनिधि स्थानीय भरत राईले बताउनुभयो ।

स्वर्गीय राईका एक धर्मपत्नि, १ छोरा र एक छोरी हुनुहुन्छ ।