हलेसीन्युजडेस्क, खोटाङ /

खोटाङका दुई प्रतिभाहरु टेम्के–तुवाचुङ पुरस्कारद्धारा पुरस्कृत हुनुभएको छ । टेम्के-तुवाचुङ प्रतिष्ठान खोटाङद्धारा खोटाङका कवि बम बानियाँ र चित्रकार सन्तोष राई ‘सन्जोस’ ‘टेम्के–तुवाचुङ पुरस्कार’ बाट आज पुरस्कृत हुनुभएको हो । 

दिक्तेल रुपाकोट मझुवागढी नगरपालिका वडा नं. १० पाथेका निवासी बम वानिया सानैदेखि कलम चलाउदै साहित्यको उन्नयन र विकासमा सकृय भूमिका निभाउदै आउनुभएकोले उहाँको साहित्यिक योगदानलाई कदर गर्दै ‘टेम्के तुवाचुङ पुरस्कार–२०७७/०७८ प्रदान गरिएको प्रतिष्ठानले जनाएको छ । त्यस्तै दिक्तेल रुपाकोट मझुवागढी नगरपालिका वडा नं. १४ बुइपा निवासी सन्तोष राईले पनि ललितकलामा उच्च शिक्षा हासिल गर्दै कला र संस्कृतिको क्षेत्रमा योगदान पु¥याउदै आउनुभएकोले ‘टेम्के तुवाचुङ पुरस्कार–२०७९/०८०’ प्रदान गरिएको प्रतिष्ठानका अध्यक्ष भोगेन एक्ले बताउनुहुन्छ ।

प्रतिष्ठानका तर्फबाट जिल्ला समन्वय समितिका प्रमुख सनबहादुर राईले उहाँहरुलाई पुरस्कार वापत जनही रु ११ हजार १११ नगद राशीका साथ ताम्रपत्र हस्तान्तरण गर्नुभएको थियो । 

आफ्नो छैठौँ वार्षिकोत्सवको अवसरमा टेम्के तुवाचुङ प्रतिष्ठानले मुढेस्थित मुन्दुम रिसोर्टमा कार्यक्रमको आयोजना गरेको थियो ।

[ यो पनि-“सहिद, मलाई माफ नदेऊ’’ }