–----------दिलकुमार घमाल

धन, सम्मान र शक्ति
यी सबै कुरा साँचो छैन ।
राजा–महाराजा नभए पनि
शान्ति पाउने छौँ हामी ।
विवाह बिना पाउने प्रेम,
व्यवसाय बिना आउने समृद्धि,
राजनीति बिना पनि
समाजले दिने सम्मान,
साँचो सुख र शान्ति भनेको
आत्म सन्तुष्ट हुनु हो ।

धन कमाएर के गर्नु,
जब मनभित्र शान्ति छैन ?
सपना पूरा गरेर के गर्नु,
जब खुशीको अर्थ थाहा छैन ?
जसले आफ्नो मनलाई बुझ्यो
उसलाई संसारले सम्मान दिन्छ ।
जीवनको राजमार्गमा,
आत्मसन्तुष्टि नै साँचो रत्न हो  ।
खुशी हुनु नै जीवनले सार्थकता पाउनु हो ।

आकाशमा बादलझैं भौतारिएको मनलाई 
एकत्रित गरेर राख्न सक्नु नै शान्ति हो । 
यही मनका कारण, 
मान्छेले सुख, दुःखको महसुस गर्छ । 
यदि जसले मनलाई सधैँ
आफ्नो नियन्त्रणमा राख्न सक्छ 
उसले नै वास्तविक सुख र शान्तिको 
महसुस गर्छ । 
ऊ नै संसारको सबैभन्दा सुखी र खुशी हुन्छ !!

[यो पनि---इन्स्ब्रुकको शुन्दरता ! ]