• तीर्थराज‘भाषित’
   

हो पहिले–पहिले कविहरू
कवितावाट पंचायतका विरूद्ध
कलम चलाउँथे र ..
प्रतिगमनका विरूद्ध 
सडक आन्दोलन गर्थे
कविको कलमको तापले
शासकको मुटु हल्लिन्थ्यो
सत्ता पल्टन्थ्यो र डराउँथे कविसँग ।

तर अहिलेका कविहरू
कोही कर्मचारीका नेता भएका छन्
र कोही भएका छन् झोले दलको झोले
कविले घटाए कलमको ओज 
र घटाए मर्यादा पनि
न कलम भ्रष्टाचारका विरूद्ध चल्छ 
न विकृतिका विरूद्ध चल्छ 
अहिले कविको कलम
ख्वामितको स्तुतिगान 
र जयजयकारका लागि मात्रै चल्छ ।

त्यसैले ,
आऊ कवि जन्माऊ कविता
तोड आस्थाका बाँधहरू,
आँधिहुरी भएर आऊ
चलाऊ निश्पक्ष कलम र 
जन्माऊ स्वतन्त्र कविताहरू
कविको मर्यादा बचाऊ 
र नघटाऊ कविताका ओजहरूलाई ।

हो,
अहिले 
कविता कविबाट हराए
कवि आस्थासँग डराए 
वस् दोबाटोमा अल्मलिए कवि  ।।

       00000000

[ तलका सिर्जनाहरु पनि पढ्नुहोस -

 कविता कहाँ छौ ?

तिमी फूल जस्तीकी, फूल तिमी जस्ती प्रिय ? }