हलेसीन्युजडेस्क, खोटाङ

यो वर्ष चैत्र महिनाको पहिलो हप्ता वितेपछि पानी पर्न शुरु भएको छ । लामो खडेरीका कारण जताततै डढेलो र आगजनीले मानव वस्तिलाई सन्त्रस्त र विचल्लि बनाइरहेको वेला पानी पर्नाले सबैमा खुशी छाएको छ । पश्चिम नेपालको तुलनामा पूर्वी नेपालमा मौसम सक्रिय देखिएको छ ।

हाल पश्चिमी न्यून चापीय प्रणाली तथा भारतको उत्तरपूर्वआसाम र आसपासका क्षेत्रको न्यून चापीय प्रणाली प्रभावले तीन दिनसम्म पानी पर्ने महाशाखाको पूर्वानुमान छ ।

मौसम पूर्वानुमान महाशाखाका अनुसार आज कोशी, बागमती र गण्डकी प्रदेशको थोरै स्थानहरु र मधेश प्रदेशका एक÷दुई स्थानमा मेघगर्जन/चट्याङ्ग सहित हल्का वर्षा भैरहेको छ ।

यो समयमा मेघ गर्जनसँगै चट्याङ र हावाहुरीको जोखिम हुनेगर्छ । कुनै पनि समयमा चट्याङ पर्न सक्ने हुँदा विध्युतीय उपकरणहरुको प्रयोगमा समेत सावधानी अपनाउनुपर्ने हुन्छ । मेघ गर्जन सहित पानी परिरहेको अवस्थामा ठूला रुखहरुको फेद या कुनै विध्युतको पोल छेउछाउ बस्न, उभिन समेत जोखिम ठानिन्छ ।