हलेसीन्युजडेस्क, खोटाङ

खोटाङमा फेरि डढेलोबाट फैलिएर आगलागी हुँदा दुई घरपरिवार वेघर बन्न पुगेको दुःखद समाचार प्राप्त भएको छ । हलेसीतुवाचुङ नगरपालिका वडा नं.१ बाहुनीडाँडाका दुई परिवारको घर आइतवार साँझ डढेलोबाट फैलिएको लप्कोले भेटेर आगलागी हुँदा दुवै परिवारका सदस्यहरु वेघर बन्न पुगेका हुन् ।

गाउँ नजिकै अररे सामुदायिक वनबाट शुरु भएको डढेलो फैलदै बस्तिका घरहरुलाई क्षति पुराउने क्रममा बाहुनीडाँडास्थित मैतुङ गाउँका लम्बर बहादुर अधिकारीको घर तथा खर्कटारका अम्बर बहादुर अधिकारीको घर र गोठलाई क्षति पुराएको स्थानीय बताउछन् । डढेलो अनियन्त्रित रुपमा फैलदै वडा नं. ३ च्यास्मीटार दाल्फुका भलाराज राईको तीनवटा गोठ समेत जल्न पुगेको थाहा भएको छ ।

अररे सामुदायिक वनमा केहीदिनदेखि लागेको डढेलोले सुख्खा तथा हावाहुरीको कारण नजिकैका रुख वुट्यानहरु सल्किैदै आसपासका वस्तिहरु समेत जोखिममा पारेको बताइन्छ ।

[ यो पनि-च्यास्मीटारमा एउटा घर तथा गोठमा आगलागी हुँदा क्षति }