चैत्र ७, २०७९, Diktelrupakotmajhuwagadi
–––तीर्थराज भट्टराई
ससुरा वुवा रत्नप्रसाद सिग्देलको स्वर्गारोण भएपछि १३ दिनको सुद्दाईं कर्म सकेर विराटनगरबाट ५ गते राति हामी काठमाडौ आयौंँ, काकीसासु आमा र पत्नी कुमारीजी सहित । चालक निश्चलजीले कुशलतापूर्वक हामीलाई गन्तव्यमा पुर्याउनु भयो ।
६ गते विहानै ५ बजे फोनको घण्टी बज्यो आदरणीय दाजु डाक्टर तोयानाथ खनालको । नगरपालिकामा शिक्षा सुधारका लागि सोच भए श्रोत जुट्छ भनेर मलाई नियमित उत्साहित गराई रहनुहुन्छ उहाँ । यही भावना सहित काठमाडौं नयाँबानेश्वर थापा गाउँस्थित नमुना विद्यालयको रूपमा संचालित पाठशाला भ्रमणको लागि समय लिनु भएको रहेछ त्यहाँका सिइयो ईश्वर अधिकारीज्यूसँग । हिजो चैत ६ गते अर्थात् सोमबार नगरपालिकाको महत्वपूर्ण कामले सिंहदरबारमा श्रम, रोजगार तथा सामाजिक सुरक्षा मन्त्रालय र शहरी विकास मन्त्रालय २ बजे पुग्नैपर्ने कार्यतालिका थियोे । श्रममा रेमी सम्बन्धि योजनाको विषयमा छलफल थियो भने शहरीमा पुग्नुपर्ने उद्देश्य दिक्तेल बजार ढलान , दिक्तेल– दुम्ली – साप्सु सडक र दिक्तेल– पाथेका – खार्मी लगायतका ठाउँमा बजेट सुनिश्चितता गराउने । साथमा हुनुहुन्थ्यो उपसचिव द्वय भूमिराज आचार्य , बोलराज आचार्य र शंकरदेव क्याम्पसका उपप्राध्यापक सन्तोष राई ।
अर्कोतर्फ दिरूमनपामा रहेका सामुदायिक विद्यालयमा कसरी शिक्षामा सुधार गर्ने ? आधुनिक प्रविधि र भौतिक सामग्रीको व्यवस्थापन कसरी गर्ने ? हाम्रो सिमित श्रोत र साधनको सदुपयोग गर्दै मनका धनी शुभेच्छुकलाई कसरी नगरसँग जोड्ने ? र केही बुझ्ने र सिक्ने उद्देश्यले हाम्रो गन्तव्य बनेको थियोे पाठशाला ।
पेन्सन पाकेको तर नथाकेको शैक्षिक अभियान्ता हुँ भन्न रूचाउने डाक्टर तोयानाथ खनाल र स्वयं रूपान्तरित भएर मात्रै समाजलाई रूपान्तरण गर्न सकिन्छ भन्ने मान्यता राख्नुहुने मित्र सन्तोष राई र म समयमा नै पुग्यौं पाठशाला । करिब डेढ घण्टा बस्यौं सार्थक शिक्षा ः सार्थक जीवन भन्ने मुल दृष्टिकोणले संचालित पाठशालामा । हामीलाई ईश्वर अधिकारी . र पुण्डरिक फुँयल सरले विद्यालयमा विद्यार्थीलाई पढाउने तरिका, अनुशासन, विद्यालयको विशेषता, सरसफाइ, मौलिक संस्कृति र नयाँ प्रविधिमा फड्को मार्न प्रोत्साहित गर्ने विधिको विषयमा आफुले जाने अनुसार जानकारी गराउनुभयो।
हामीले सोधेनौँ— उहाँहरूले विद्यार्थीसँग लिने शुल्कको विषयमा । किनकी अविभावकले पक्कै पनि पाठशालाको नियम र सिकाई अभ्याससँग पूर्ण सन्तुष्टि भएर नै संभवत १–१२ मा १,७४० विद्यार्थी भएका । उहाँहरूले जानकारी गराए अनुसार कक्षा १ देखि १२ सम्मका सबै कक्षा कोठामा ३० जना भन्दा बढी विद्यार्थी राखिदैन । त्यहाँको नियम बमोजिम कक्षा १ र ११ मा भन्दा अरू कक्षामा भर्ना पनि लिईदैन । कसैकसैको मनमा हुन सक्छ—पाठशालाले धेरै शुल्क लिएर अत्यधिक रकम असुल्यो भन्ने तर अधिकांशको मनमा पाठशालाको व्यवस्थापनबाट मेरो सन्तानले सार्थक शिक्षा र सार्थक जीवन पाएको छ भन्ने होला र सन्तुष्टि पनि । जे होस्, यी सबै पाठशाला र त्यहाँ पढाउने दुबै पक्षको सन्तुष्टि र समझदारीमा हुने खालका परे यी खुद्रा विषय । हामीले त बुझ्नु र बुझाउनु थियोे हाम्रो विषय बस्तु । त्यहाँ हेर्दा विद्यार्थीको पढाइ प्रतिको लगाव, कक्षा कोठा र परिसरको सरसफाइ र वातावरण, प्रविधिमैत्री कक्षाकोठा प्रशंसनीय र लोभलाग्दो थियो । विद्यालयको नाम छनौट पनि लोभलाग्दो पाठशाला । काठमाडौं जो नेपालको राजधानी र अंग्रेजी लगायतको आधुनिक शिक्षा सिक्ने सिकाउने केन्द्र । सिइयो ईश्वर अधिकारीले सुनाउनुभयो—अंग्रेजी नाम राख्ने होडबाजी भन्दा बाहिर निक्लिएर जनजिब्रोमा भिज्ने नयाँ नाम पाठशाला न्वारान गरेको । उहाँले भन्नुभयो– संस्कार, संस्कृति, व्यवहारिक र जीवनोपयोगी पठनपाठनको केन्द्रविन्दु बनाउने पाठशालालाई । नाम मात्रै नयाँ होइन, व्यवहार र संस्कृति पनि नयाँ पायौं हामीले त्यहाँ ।
अमेरिका लगायतका देश, विभिन्न दुतावास र शिक्षा सम्बन्धि काम गर्ने दातृ निकायसँग समन्वय गरेर विभिन्न १० वटा जिल्लाका सामुदायिक विद्यालयमा अध्ययनरत विद्यार्थीलाई ताजगी गराउँदै अंग्रेजी– नेपाली – गणित – विज्ञान र भाषा लगायतका विषयमा शिक्षक–विद्यार्थीलाई सिकाई अभ्यास गराइ रहेको कुरा NEHA का महासचिव समेत रहनु भएको पाठशालाका सिइओ ईश्वर अधिकारीले जानकारी गराउनुभयो हामीलाई । मैले पाठशाला परिवारलाई शिक्षा सुधारमा सहयोग र सहजिकरण गर्दै अध्ययन भ्रमणका लागि हाम्रो नगरपालिकामा निम्तो गरें । निम्तो सहज ढंगबाट स्विकार्दै भ्रमणको लागि छिट्टै कार्यक्रम बनाउने सिइओ ईश्वर अधिकारीले विश्वस्त पार्नुभयो । सहयोग आदानप्रदान एवम् नगरपालिका र पाठशाला वीच सहकार्यको कार्य योजना बनाउने र मध्यस्थता गर्ने जिम्मेवारी डाक्टर तोयानाथ खनाललाई दियौंँ, दुबै तर्फबाट । नेल्टामा विश्वविद्यालयका प्राध्यापकदेखि आधारभूत तहका समेत गरेर ७,००० सदस्य रहेको जानकारी पायौं । विशेषतः शिक्षा क्षेत्रमा केही न केही गरौँ भनेर मलाई सधैं उत्साह थप्नुहुने आदरणीय दाजु तोया खनालले आजको भेटको वातावरण मिलाउनु भएकोमा हामी उहाँ प्रति सधैं ऋणि रहने छौँ । मेरो मित्र सन्तोष राईको गहिराइमा पुगेर हरेक तहको अनुसन्धान गर्ने स्वभावले मलाई सधैं प्रभावित गराउँछ । त्यहाँ पनि उहाँले आफ्नो असल कर्मलाई निरन्तरता दिनुभयो । तोया दाज, सन्तोषजी, ईश्वर अधिकारी, पुण्डरिक फुँयल, आदरणीय इन्जिनियर विदुर अधिकारी र आदरणीय पूर्ण कुँवर दाजु लगायत पाठशाला परिवारले नगरपालिकाको हितका निमित्त महत्वपूर्ण समय उपलब्ध गराउनु भएकोमा हार्दिक आभार प्रकट गर्दछु ।
भेटको अर्को महत्वपूर्ण उपलब्धि भनेको पाठशालामा भेटिनु भएको इन्जिनियर विदुर अधिकारी पनि स्थानीय साधन र श्रोतको अधिकतम सदुपयोग गर्ने उद्देश्य बोक्ने अभियन्ता हुनुभएकोले आपसी सहयोग बढाएर जाने निश्कर्ष निकालेर विदा भयौंँ । हामीलाई विद्यालयका विभिन्न कक्षा कोठा र ल्याब लगायतका विषयमा प्रत्यक्ष अवलोकन र जानकारी गराउनु हुने अधिकारी र फुँयल दुबै सर प्रति हार्दिक धन्यवाद ।
(लेखक भट्टराई हाल दिक्तेल रुपाकोट मझुवागढी नगरपालिकाका नगरप्रमुख हुनुहुन्छ ।)
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकाका सबै वडाहरुमा तोकिएको...
हलेसीन्युजडेस्क, खोटाङ खोटाङका स्थानीय तहमा गठित न्यायिक समितिका पदाधिकारी र सरोकारवालाबीच...
हलेसीन्युजेस्क, खोटाङ खोटाङको हलेसी तुवाचुङ नगरपालिका–९ सल्लेमा डढेलोका कारण वस्तिका केही...
हलेसीन्युजडेस्क, खोटाङ नयाँ वर्ष २०८१ को सुरुवात संगै डिशहोमले आफ्ना ग्राहकहरुको...
हलेसीन्युजडेस्क, खोटाङ खोटाङको बाराहापोखरी गाउँपालिका वडा नं. १ बाराहापोखरीमा भिषण डढेलोका...
हलेसीन्युजडेस्क, खोटाङ खोटाङको रावावेशी गाउपालिका वडा नं.४ डुम्रे धारापानीस्थित देउराली माविमा...
वि.सं. २०८१ बैशाख
मेषराशीका लागि बैशाख महिना आम्दानी बढ्ने र उठ्नुपर्ने रकम हातलागी हुने समय छ । ज्ञान सिक्ने मौका मिल्नुका साथै नयाँ कार्यको योजना बन्नेछ । श्रम र इमानदारिताको उचित मूल्याङ्कन हुनेछ । सामाजिक र राजनैतिक क्षेत्रबाट सफलता मिल्नेछ । नयाँ आफन्तहरूसँग भेटघाट, रमणीय र सुखद् यात्राको योग पनि रहेको छ । यो महिनाको लागि शुभ अङ्क ३, १० र शुभरङ्ग रातो वा गुलाबी हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको दर्शन गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
वृष राशीका लागि बैशाख महिनाको सुरुका दिन त्यति राम्रो देखिँदैन, कार्यमा बाधा आउनसक्छ । व्यर्थको सास्ती खेप्नु पर्ला । सपना पनि नराम्रो देखिन सक्छ । मध्य महिनाबाट भने सद्विचारले अभिप्रेरित हुनेहरूलाई बिस्तारै बढी लाभ हुनेछ । साथी भाइको भेटघाटले मन प्रसन्न रहने र मन मिल्ने साथीको सहयोग पाइनेछ । प्रतिष्ठित काम गर्ने मौका छ । नाम, दाम, इनाम र प्रतिष्ठा कमाउने बेला छ । यो महिनाको लागि शुभ अङ्क २,९ र शुभ रङ्ग पहेँलो वा नीलो हो । कुनै शुभकर्म गर्नु अघि हनुमानजीको स्मरण गरि कार्य आरम्भ गर्नाले सफलता मिल्नेछ ।
वि.सं. २०८१ बैशाख
मिथुन राशीका लागि बैशाख महिनामा लामो समयदेखि रोकिएका अधुरा कामहरू पूरा हुनेछन् । स्वादिष्ट भोजनको आनन्द समेत पाइएला । पढाई लेखाइमा उल्लेख्य सुधार आउनेछ । शत्रु र रोगबाट छुटकारा मिल्नेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । विशेषगरि विदेशिएका विद्यार्थीहरूले सफलता हासिल गर्नेछन् । मुद्दामामिलामा पनि विजयी भइनेछ । यो महिनाको लागि शुभ अङ्क ४,५ र शुभ रङ्ग सेतो वा केशरी हो । कुनै शुभकर्म गर्नु पूर्व वा यात्रामा जानु अघि विष्णु भगवानको दर्शन गरि कार्य आरम्भ गर्दा लाभ मिल्नेछ ।
वि.सं. २०८१ बैशाख
कर्कट राशीका लागि बैशाख महिनामा आफ्नो क्षेत्रमा सफलता हासिल गर्न सहजता हुनेछ । विश्वास गरेकाले साथ दिनेछन् । मन पर्ने वस्त्र, अलङ्कार आदि उपहार पाइने योग छ । भ्रमण र तीर्थाटनको योग पनि रहेको छ । नजिकको व्यक्तिको सहयोगबाट कार्य पुरा हुनेछ । मध्य महिनामा धन र समयको नोक्सानी हुनेछ । प्रशंसकहरूले पनि आलोचना गर्नसक्छन् । यो महिनाको लागि शुभ अङ्क २,७ र शुभ रङ्ग सेतो वा पहेँले हो । कुनै शुभकर्म गर्नु पूर्व वा यात्रामा जानु अघि सूर्य भगवानको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ बैशाख
सिंह राशीका लागि बैशाख महिना उत्साहवर्दक नै रहनेछ । नयाँ ज्ञान प्राप्त हुने योग रहेको छ । पशुपालनमा त्यति लाभ नभए पनि व्यापारमा प्रशस्त फाइदा हुने योग छ । आफन्तहरू सँग भेटघाट हुनेछ । स्थानान्तरण र देश विदेशको भ्रमण हुनेछ । ठूला व्यक्तिले तपाईंको मेहनतलाई प्रशंसा गर्नेछन् । कृषि तथा तर अनावश्यक धन र परिश्रम पनि खर्च हुने र स्वास्थ्य बिग्रनसक्छ । यो महिनाको लागि शुभ अङ्क ५,८ र शुभ रङ्ग खैरो वा हरियो हो । कुनै शुभकर्म गर्नु पूर्व पितृ देवको स्मरण गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
कन्या राशिका लागि बैशाख महिनामा नयाँ योजना कार्यान्वयनमा ल्याउन मुस्किल पर्नसक्छ र विगतका समस्या बल्झिन सक्छन् । सवारीसाधनको प्रयोग गर्दा सावधानी अपनाउनु पर्नेछ । मध्य महिनाबाट भने समय उत्साहवर्द्धक रहनेछ । वैदेशिक क्षेत्रका अधुरा कार्य पूरा हुन सक्छ । नयाँ वस्त्र, अलंकार तथा धन सम्पत्ति समेत हात पर्ने योग रहन्छ । यो महिनाको लागि शुभ अङ्क २,७ र शुभ रङ्ग खैरो वा सेतो हो । शुभकर्म गर्नु पूर्व बगलामुखीको स्मरण गरि कार्य आरम्भ गर्दा राम्रो हुनेछ ।
वि.सं. २०८१ बैशाख
तुला राशीका लागि बैशाख महिनामा नयाँ कार्यको प्रारम्भ गर्न सकिनेछ । ठूला व्यक्तिले तपाईंको मेहनतलाई प्रशंसा गर्नेछन् र भेटघाटले मन प्रसन्न हुनेछ । स्थानान्तरण र लामो यात्राको सम्भावना छ । रोकिएको ठाउँबाट आकस्मिक धन लाभ हुनेछ । महिनाको अन्त्यमा बोलीको विपरीत अर्थ लाग्न सक्छ । सेयर बजारमा केही उतारचढाव हुनेछ । यो महिनाको लागि शुभ अङ्क १,८ र शुभ रङ्ग गुलाबी सेतो वा निलो हो । कुनै शुभकर्म गर्नु पूर्व वा यात्रामा जानु अघि महा लक्ष्मीजीको दर्शन गरि कार्य आरम्भ गर्दा अधिक सफलता प्राप्त हुनेछ ।
वि.सं. २०८१ बैशाख
वृश्चिक राशीका लागि बैशाख महिनामा जोशजाँगर र हिम्मत बढ्नेछ । चलाखीपूर्ण बोली र कामले कार्यहरू सफल हुनेछन् । शुभ र मङ्गल कार्यको योग पनि छ । वाहन लाभ हुने समय आएको छ । व्यापार तथा उद्योगतर्फ सामान्य फाइदाको योग छ । मध्य महिनामा भने प्रतिस्पर्धीहरूको चलखेल बढ्नाले केही चुनौती सामना गर्नुपर्ला । अनावश्यक आरोप लाग्ने र धनमाल हराउने योग भएकाले सजग रहनुहोला । यो महिनाको लागि शुभ अङ्क ५,८ र शुभ रङ्ग रातो वा नीलो हो । कुनै शुभकर्म गर्नु पूर्व शिवजीको स्मरण गरि कार्य आरम्भ गर्दा अधिक लाभ हुनेछ ।
वि.सं. २०८१ बैशाख
धनु राशी भएकाहरुलाई बैशाख महिनामा विद्या, बुद्धि र सन्तान सुख मिल्नेछ । नयाँ सवारी साधन प्राप्तिको योग छ । दाम्पत्य जीवन सुखद तथा समृद्ध बन्ने देखिन्छ । आम्दानी प्रशस्तै बढ्नेछ । आफ्नो पेशामा बढुवा तथा सरुवाको योग पनि रहेको छ । महिनाको अन्त्यमा अनावश्यक झन्झट तथा झमेलाको सामना गर्नुपर्नेछ । प्रेम र मित्रताको बन्धनमा मनमुटाव बढ्न सक्छ, बोल्दा विचार पुर्याउनु पर्छ । यो महिनाको लागि शुभ अङ्क ४,७ र शुभ रङ्ग सेतो हो । कुनै शुभकर्म गर्नु पूर्व भैरवजीको दर्शन गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मकर राशी हुनेहरुका लागि बैशाख महिनामा मान र सम्मानमा आघात पर्न सक्छ । स्वस्थ प्रतिकूल हुन सक्छ । शैक्षिक क्षेत्रबाट इच्छित प्रतिफल नमिल्ला । प्रशंसकहरूले पनि आलोचना गर्नसक्छन् । महिनाको उत्तरार्धमा भने रमाइलो यात्रा हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । शेयर बजार र वैदेशिक कार्यमा विशेष सफलता मिल्नेछ । यो महिनाको लागि शुभ अङ्क ३, ९ र शुभरङ्ग हल्का पहेँलो वा हरियो हो । शुभकर्म गर्नु पूर्व महाकालीजीको स्मरण गरि कार्य आरम्भ गर्दा अधिक शुभ फल प्राप्त हुनेछ ।
वि.सं. २०८१ बैशाख
कुम्भ राशीका लागि बैशाख महिनामा इच्छा र आकांक्षा पूर्ण हुने भएको छ । गरेको कार्यमा सफलता पाइनेछ । साथीभाइको सहयोगले हिम्मत दिलाउनेछ । मन पर्ने वस्त्र, अलंकार आदि उपहार पाइनेछ । रोकिएका काम सम्पादन हुने र नयाँ काम पाइने योग पनि छ । शुभ, मङ्गल र नयाँ कार्यको योग छ । स्वादिष्ट भोजनको आनन्द समेत पाइएला । प्रेम सम्बन्धमा मधुरता मिल्नेछ । यो महिनाको लागि शुभ अङ्क ३,८ र शुभ रङ्ग सेतो वा नीलो हो । कुनै शुभकर्म गर्नु अघि आफ्नो कुलदेवताको आरधना गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मीन राशीका लागि बैशाख महिनामा पारिवारिक जमघटमा मन रमाउनेछ । विशिष्ट व्यक्तित्वसँग भेटघाट हुनेछ । छरछिमेकमा सम्पन्न हुने धार्मिक र शुभ कार्यमा संलग्न हुनु पर्नेछ । न्यायिक कार्यमा सफलता मिल्नेछ । मध्य महिनाबाट पारिवारिक स्वास्थ्यमा समस्या आई औषध उपचारमा खर्च बढ्नेछ, अतः ऋण र रोगको भय हुनेछ । तपाईँका प्रतिद्वन्दी पनि बढ्न सक्छन् । यो महिनाको लागि शुभ अङ्क ३, ७ र शुभ रङ्ग हरियो वा गुलाबी हो । कुनै शुभकर्म गर्नु पूर्व महादेवको आरधना गरि कार्य आरम्भ गर्दा अधिक लाभ मिल्नेछ ।