हलेसीन्युजडेस्क, खोटाङ  

खोटाङको दिक्तेल रुपकोट मझुवागढी नगरपालिका वडा नं.५ लफ्याङस्थित श्रीमावि वाँसवोटेमा आज ६३ औँ वार्षिकोत्सव तथा तेह्रौँ अक्षय कोष दिवसको उद्घाटन भएको छ । आजदेखि ३ दिन सम्म मनाईने विध्यालयको ६३ औँ वार्षिकोत्सव तथा तेह्रौँ अक्षय कोष दिवसको आज मध्यान्ह १२.१५ वजे जिल्ला समन्वय समितिका प्रमुख सनबहादुर राईले उद्घाटन व्यानर पढेर कार्यक्रमको उद्घाटन गर्नु भयो ।

२०१७ सालमा स्थापना भई सञ्चालनमा आएको श्रीमावि वाँसवोटेको २०६८ सालमा स्वर्ण महोत्सव मनाइएको थियो । सोही वर्ष स्थापना भएको अक्षय कोषमा हाल रु १६ लाख वढी रकम जम्मा भएको शिक्षक तथा विध्यालयका लेखापाल गोपाल श्रेष्ठले बताउनुभयो । अक्षय कोषको स्थापना भएपछि हरेक वर्ष विध्यालयको वार्षिकोत्सवसँगै अक्षयकोष स्थापना दिवस समेत मनाइदै आएकोछ ।

आजको उद्घाटन कार्यक्रममा उपस्थित प्रमुख अतिथि, अतिथि लगायत अभिभावक तथा विध्यार्थीहरुलाई निवर्तमान प्रधानाध्यापक जसराज किराँतीले स्वागत मन्तव्यबाट स्वागत गर्नुभयो । त्यस्तै अतिथिहरुका स्वागतमा श्रीमाविका विध्यार्थी भाइबहिनीहरुले आकर्षक नृत्य समेत प्रस्तुत गरेका थिए ।
शुभकामना मन्तव्यका क्रममा विध्यालयको भौतिक÷शैक्षिक अवस्था अझ सुदृढ र नमूनायोग्य बन्न सकोस भन्दै त्यस्का लागि आफ्नो तर्फबाट समेत कर्म र व्यवहारले यथासक्दो सहयोग पुराउने आजका प्रमुख अतिथि जिल्ला समन्वय प्रमुख राईले बताउनुभयो ।

शुभकामनाकै क्रममा दिक्तेल रुपकोट मझुवागढी नगरपालिकाका सामाजिक विकास समितिका संयोजक तथा वडा नं. १२ जाल्पाका अध्यक्ष दानबहादुर राईले नगरपालिकाभित्रका विध्यालयहरुको शैक्षिक सुधारमा नगरपालिका गम्भिरताका साथ लाग्ने बताउनुभयो ।

विध्यालय व्यवस्थापन समिति पूर्वअध्यक्ष राजेन्द्र राईले पनि श्रीमावि वाँसवोटेको सुदृढिकरणमा स्थानीयवासी र विध्यालयका कर्मचारी अभिभावकहरुको ठूलो भूमिका रहेको उल्लेख गर्दै अझ सबै मिलेर यसको थप प्रगतिमा लाग्निु पर्ने बताउनुभयो ।

आजको उद्घाटन कार्यकममा यस विध्यालयका संस्थापक एवं समाजसेवी स्वर्गीय इश्वरधन चाम्लिङ, अर्का सस्थापक तथा शिक्षासेवी एवं तहविलदार चक्रप्रसाद पोखरेलको तस्विरमा माल्यार्पण गरी उहाँहरुलाई स्मरण गरिएको थियो । त्यस्तै अक्षयकोषदाताहरुको तस्विरमा पनि फूलमाला अर्पण गरी स्मरण गरिएको थियो । 
उद्घाटन सत्रको अध्यक्षता गरिरहनुभएका विवयासका का.वा. अध्यक्ष प्रश्नराज राईबाट कार्यक्रमको समापन भएपछि पुनः दोश्रो चरणको कार्यक्रम अन्तर्गत नगरपालिकाभित्रका माविहरुकोवीच अन्तरमावि भलिवल प्रतियोगिता शुरु भएको थियो । राजनैतिक कर्मी र शिक्षकहरुकावीच प्रतिस्पर्धा गराई उद्घाटन भएको खेलमा राजनैतिक कर्मीको टिमले विजय प्राप्त गरेको थियो । त्यसपछि प्रतियोगी खेल अन्तर्गत जालपा मावि नुनथला र पंच मावि दिक्तेलवीच भएको खेलमा पहिलो र दोश्रो राउण्डमा जालपा माविले क्रमश २२ को विरुद्ध २५ र १७ का विरुद्ध २५ अंक ल्याई विजयी बनेको थियो । 

जम्मा १० वटा विध्यालयहरु भलिवल प्रतियोगितामा सहभागी रहने शिक्षक गोपाल श्रेष्ठले बताउनुभयो । बाँकी प्रतिस्पर्धा भोलि विहान ७.३० वजेबाट शुरु हुने जनाइएकोछ ।

pp