मंसिर २९, २०८०, खोटाङ
हलेसीन्युजडेस्क, खोटाङ /
खोटाङको साकेला गाउँपालिकामा जिल्लाकै पहिलो पटक सञ्चालन गरिएको अन्तर विद्यालयस्तरीय अतिरिक्त क्रियाकलापमा सरस्वती माध्यमिक विद्यालय मात्तिम प्रथम भएको छ । विभिन्न ९ वटा विधामा सञ्चालन गरिएको प्रतियोगितात्मक अतिरिक्त क्रियाकलापमा अन्य विद्यालयहरुलाई पछि पार्दै सरस्वती मावि प्रथम भएको हो । उक्त मावि अध्ययनरत छात्रछात्राहरुले तीन स्वर्ण, दुई रजत र एक काँस्य गरि छ वटा विधामा अब्बल प्रतिस्पर्धा गरि विजय हाँसिल गरेसँगै प्रथम स्थान ओगट्न सफल बनेको हो ।
त्यस्तै साकेला माध्यमिक विद्यालय रतन्छाले दुई स्वर्ण, दुई रजत र एक काँस्य गरि जम्मा पाँच पदक प्राप्त गरेर दोश्रो बन्न सफल भएको छ भने एक स्वर्ण, दुई रजत र एक काँस्य गरि सिद्देश्वरी माध्यमिक विद्यालय खिदिमा तेश्रो भएको छ । पठनपाठनसँगै अतिरिक्त क्रियाकलापमा पनि विद्यार्थिलाई सहभागि गराई चौतर्फी ज्ञान हाँसिल गराउने उदेश्यका साथ साकेला गाउँपालिकाको शिक्षा शाखाले बुधबारदेखि प्रतियोगितात्मक अतिरिक्त क्रियाकलाप सञ्चालन गरेको थियो ।
विद्यार्थीहरुमा शैक्षिक चेतनाको विकाससँगै अतिरिक्त क्रियाकलापमा पनि सहभागि गराई वाह्य ज्ञान हाँसिल गराउने उद्देश्यका साथ यो कार्यक्रम सञ्चालन गरिएको गाउँपालिका प्रमुख रविप्रकाश राईले बताउनुभयो । हरेक वर्ष सञ्चालन गरिँदै आएको राष्ट्रपति रनिङशिल्ड प्रतियोगिता भन्दा फरक ढँगबाट गाउँपालिकाले कार्यक्रमको आयोजना गरेको छ –अध्यक्ष राईले भन्नुभयो, सम्भवत यसरी अतिरिक्त क्रियाकलाप गराउने पालिकामध्ये खोटाङ जिल्लामा साकेला गाउँपालिका पहिलो हो । आगामी दिनमा अझ व्यवस्थित तरिकाबाट विद्यालय स्तरीय अतिरिक्त क्रियाकलापहरु सञ्चालन गर्दै लगिनेछ उहाँको भनाई छ ।
कार्यक्रमको प्रमुख अतिथिको रुपमा बोल्नुहुँदै अध्यक्ष राईले साकेलाको शैक्षिक गुणस्तरलाई सुधार गर्नका लागि हालसम्म तयार गरिएको शैक्षिक नीतिलाई कार्यान्वयनको पाटोमा लैजान सुरु गरिएको पनि बताउनु भएको छ । व्यवहारिक र वैज्ञानिक शिक्षाले मात्र विकास सम्भव हुने भन्दै उहाँले आफूले सिकेका ज्ञान र सीपको प्रयोग गर्न सके साकेलाको भावि सपना र उदेश्य पुरा हुने कुरामा आफू विश्वस्त भएको उल्लेख गर्नुभएको छ ।
गाउँपालिका उपाध्यक्ष बिर्सिका राईको विशेष आथित्यता, निमित्त प्रमुख प्रशासकीय अधिकृत दुर्ग बहादुर राईको सभापतित्वमा सम्पन्न भएको कार्यक्रममा कक्षा ९–१२ बीच हाजिरी जवाफ, कक्षा ९–१२ बीच वकृत्वकला, कक्षा ६–८ बीच निवन्ध लेखन, कक्षा ६–८ बीच चित्रकला, कक्षा ४–५ बीच चित्रकला, कक्षा ४–५ बीच हिसाबदौड, कक्षा ६–ड बीचको म्युजिकल चेयर, कक्षा १–३ को बेलुन सेभ र कक्षा १–३ बीच भित्र–बाहिर खेलको प्रतिस्पर्धा गराएको थियो ।
गाउँपालिकाभित्रका २८ वटै सामुदायिक विद्यालयका विद्यार्थीहरु सहभागि बनेको प्रतियोगिता अन्तर्गत हाजिरी जवाफमा सिद्देश्वरी माध्यमिक विद्यालय साकेला–३ खिदिमा प्रथम, साकेला माध्यमिक विद्यालय रतन्छा द्धितीय र बालबालिका मावि साकेला–४ मात्तिम तृतीय भएका छन् ।
त्यस्तै विद्यालयको शैक्षिक गुणस्तर सुधार सम्बन्धि वकृत्वकला प्रतियोगितामा साकेला माध्यमिक विद्यालयमा अध्ययनरत छात्रा भोजना फुयल प्रथम, सिद्देश्वरी माध्यमिक विद्यालय खिदिमामा अध्यनरत छात्रा सुरक्षा तामाङ द्धितीय र राधाकृष्ण माध्यमिक विद्यालय बाँझेच्यानडाँडामा अध्ययनरत छात्रा करुणा बस्नेत तृतीय भएका छन् । उता, कक्षा ६–८ को निबन्ध लेखन प्रतियोगितामा सहभागि बनेका सरस्वती माध्यमिक विद्यालय मात्तिमका छात्र दिपेश रोकाय प्रथम, सिद्देश्वरी माध्यमिक विद्यालयका छात्रा रोजिना तामाङ द्धितीय र चण्डेश्वरी आधारभूत विद्यालय डाँडागाउँमा अध्ययनरत छात्र दिप्सुहाङ राई तृतीय बन्न सफल भएका छन् ।
त्यस्तै कक्षा ४–५ बीच सञ्चालन गरिएको हिसाब दौड प्रतियोगितामा प्रतिभा आधारभूत विद्यालय मात्तिम–५ मा अध्ययनरत छात्र हिमाल राई प्रथम, साल्मे आधारभूत विद्यालय रतन्छामा अध्ययनरत छात्र अदित राई द्धितीय र पञ्चकन्या आधारभूत विद्यालय मात्तिम–५ मा अध्ययनरत छात्रा किया राई तृतीय भएका छन् । कक्षा ४–५ को चित्र लेखन प्रतियोगितामा साकेला माध्यमिक विद्यालय रतन्छामा अध्ययनरत छात्र आशिष लिम्वु प्रथम, सरस्वती माध्यमिक विद्यालय मात्तिममा अध्ययनरत छात्रा आरोशी रोकाय र साकेला माध्यमिक विद्यालयमा अध्ययनरत छात्रा दिपिना राई तृतीय भएका छन् भने कक्षा ६–८ को चित्र लेखन प्रतियोगितामा सरस्वती माध्यमिक विद्यालय मात्तिममा अध्ययनरत छात्र निहाङ राई प्रथम, सोही माविमा अध्ययनरत छात्र आरोन यादव द्धितीय र बालबालिका माध्यमिक विद्यालयमा अध्ययनरत छात्रा प्रिया तामाङ तृतीय बनेका छन् ।
अतिरिक्त क्रियाकलाप अन्तर्गत नै कक्षा १–३ को भित्र बाहिर खेलमा साकेला आधारभूत विद्यालयका मनोज कटवाल प्रथम, पञ्चकन्या आधारभूत विद्यालय सुर्केमा अध्ययनरत छात्रा सोफिया खत्री र पञ्चकन्या आधारभूत विद्यालय मात्तिममा अध्ययनरत छात्रा मुना राई तृतीय भए भने कक्षा १–३ बीच सञ्चालन गरिएको बेलुन सेभ प्रतियोगितामा पञ्चकन्या आधारभूत विद्यालय सुर्केमा अध्ययनरत छात्र एकराज खत्री प्रथम, बालबालिका माविमा अध्ययनरत छात्र मिन कुमार चाहार दोश्रो र सरस्वती मावि मात्तिममा अध्ययनरत छात्र दिनेश राई तृतीय भए । कक्षा ६–८ बीच सञ्चालन गरिएको म्यूजिकल चेयर प्रतियोगितामा सरस्वती माध्यमिक विद्यालयका सुजन वि.क. प्रथम, साकेला माध्यमिक विद्यालयका अभिषेक राई द्धितीय र सिद्देश्वरी माध्यमिक विद्यालय खिदिमाका छात्रा शान्तिकला राई तृतीय भए ।
सबै विद्यामा सहभागि भई विजेता हुने विद्यार्थी र विद्यालय परिवारलाई गाउँपालिका प्रमुख रवि प्रकाश राईले पठन पाठन सँगै अतिरिक्त क्रियाकलापमा पनि विद्यार्थीहरु अब्बल भएको प्रति गौरव गर्नुहुँदै बधाई ज्ञापन गर्नुभएको छ । विजेता विद्यार्थीहरुलाई गाउँपालिका प्रमुख राई सहित उपाध्यक्ष बिर्सिका राई, साकेला गाउँपालिकाका प्रवक्ता तथा ५ नम्बर वडाका वडाध्यक्ष जीवन खत्री, साकेला माविका प्रधानाध्यापक शिवेन्द्र कुमार राई, सरस्वती माविका प्रधानाध्यापक शितल राई, सिद्देश्वरी माविका प्रधानाध्यापक युवराज कटवाल, बालबालिका माविका प्रधानाध्यापक कुमार ढकाल लगायतले पुरस्कार र प्रमाणपत्र प्रदान गर्नुभएको थियो ।
हलेसीन्युजडेस्क, खोटाङ / खोटाङको साकेला गाउँपालिकाबाट बैंकमार्फत सामाजिक सुरक्षा भत्ता वितरण...
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकाले प्रदेश सरकार, करुणा...
हलेसीन्युजडेस्क, खोटाङ / खोटाङ जिल्लाको सदरमुकाम दिक्तेलवजारमा कृषि उध्यम तथा व्यवसाय...
हलेसीन्युजडेस्क, खोटाङ / खोटाङको सदरमुकाम दिक्तेलवजारमा भ्रष्टाचार नियन्त्रण तथा सुशासन प्रवर्द्धन...
हलेसीन्युजडेस्क, खोटाङ / नेपाल तामाङ घेदुङ खोटाङको नयाँ नेतृत्व चयन गर्दै...
हलेसीन्युजडेस्क, खोटाङ / खोटाङ जिल्लाको सदरमुकाम दिक्तेलवजारमा सञ्चालित पुरानो शैक्षिक संस्था...
वि.सं. २०८१ बैशाख
मेषराशीका लागि बैशाख महिना आम्दानी बढ्ने र उठ्नुपर्ने रकम हातलागी हुने समय छ । ज्ञान सिक्ने मौका मिल्नुका साथै नयाँ कार्यको योजना बन्नेछ । श्रम र इमानदारिताको उचित मूल्याङ्कन हुनेछ । सामाजिक र राजनैतिक क्षेत्रबाट सफलता मिल्नेछ । नयाँ आफन्तहरूसँग भेटघाट, रमणीय र सुखद् यात्राको योग पनि रहेको छ । यो महिनाको लागि शुभ अङ्क ३, १० र शुभरङ्ग रातो वा गुलाबी हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको दर्शन गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
वृष राशीका लागि बैशाख महिनाको सुरुका दिन त्यति राम्रो देखिँदैन, कार्यमा बाधा आउनसक्छ । व्यर्थको सास्ती खेप्नु पर्ला । सपना पनि नराम्रो देखिन सक्छ । मध्य महिनाबाट भने सद्विचारले अभिप्रेरित हुनेहरूलाई बिस्तारै बढी लाभ हुनेछ । साथी भाइको भेटघाटले मन प्रसन्न रहने र मन मिल्ने साथीको सहयोग पाइनेछ । प्रतिष्ठित काम गर्ने मौका छ । नाम, दाम, इनाम र प्रतिष्ठा कमाउने बेला छ । यो महिनाको लागि शुभ अङ्क २,९ र शुभ रङ्ग पहेँलो वा नीलो हो । कुनै शुभकर्म गर्नु अघि हनुमानजीको स्मरण गरि कार्य आरम्भ गर्नाले सफलता मिल्नेछ ।
वि.सं. २०८१ बैशाख
मिथुन राशीका लागि बैशाख महिनामा लामो समयदेखि रोकिएका अधुरा कामहरू पूरा हुनेछन् । स्वादिष्ट भोजनको आनन्द समेत पाइएला । पढाई लेखाइमा उल्लेख्य सुधार आउनेछ । शत्रु र रोगबाट छुटकारा मिल्नेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । विशेषगरि विदेशिएका विद्यार्थीहरूले सफलता हासिल गर्नेछन् । मुद्दामामिलामा पनि विजयी भइनेछ । यो महिनाको लागि शुभ अङ्क ४,५ र शुभ रङ्ग सेतो वा केशरी हो । कुनै शुभकर्म गर्नु पूर्व वा यात्रामा जानु अघि विष्णु भगवानको दर्शन गरि कार्य आरम्भ गर्दा लाभ मिल्नेछ ।
वि.सं. २०८१ बैशाख
कर्कट राशीका लागि बैशाख महिनामा आफ्नो क्षेत्रमा सफलता हासिल गर्न सहजता हुनेछ । विश्वास गरेकाले साथ दिनेछन् । मन पर्ने वस्त्र, अलङ्कार आदि उपहार पाइने योग छ । भ्रमण र तीर्थाटनको योग पनि रहेको छ । नजिकको व्यक्तिको सहयोगबाट कार्य पुरा हुनेछ । मध्य महिनामा धन र समयको नोक्सानी हुनेछ । प्रशंसकहरूले पनि आलोचना गर्नसक्छन् । यो महिनाको लागि शुभ अङ्क २,७ र शुभ रङ्ग सेतो वा पहेँले हो । कुनै शुभकर्म गर्नु पूर्व वा यात्रामा जानु अघि सूर्य भगवानको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ बैशाख
सिंह राशीका लागि बैशाख महिना उत्साहवर्दक नै रहनेछ । नयाँ ज्ञान प्राप्त हुने योग रहेको छ । पशुपालनमा त्यति लाभ नभए पनि व्यापारमा प्रशस्त फाइदा हुने योग छ । आफन्तहरू सँग भेटघाट हुनेछ । स्थानान्तरण र देश विदेशको भ्रमण हुनेछ । ठूला व्यक्तिले तपाईंको मेहनतलाई प्रशंसा गर्नेछन् । कृषि तथा तर अनावश्यक धन र परिश्रम पनि खर्च हुने र स्वास्थ्य बिग्रनसक्छ । यो महिनाको लागि शुभ अङ्क ५,८ र शुभ रङ्ग खैरो वा हरियो हो । कुनै शुभकर्म गर्नु पूर्व पितृ देवको स्मरण गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
कन्या राशिका लागि बैशाख महिनामा नयाँ योजना कार्यान्वयनमा ल्याउन मुस्किल पर्नसक्छ र विगतका समस्या बल्झिन सक्छन् । सवारीसाधनको प्रयोग गर्दा सावधानी अपनाउनु पर्नेछ । मध्य महिनाबाट भने समय उत्साहवर्द्धक रहनेछ । वैदेशिक क्षेत्रका अधुरा कार्य पूरा हुन सक्छ । नयाँ वस्त्र, अलंकार तथा धन सम्पत्ति समेत हात पर्ने योग रहन्छ । यो महिनाको लागि शुभ अङ्क २,७ र शुभ रङ्ग खैरो वा सेतो हो । शुभकर्म गर्नु पूर्व बगलामुखीको स्मरण गरि कार्य आरम्भ गर्दा राम्रो हुनेछ ।
वि.सं. २०८१ बैशाख
तुला राशीका लागि बैशाख महिनामा नयाँ कार्यको प्रारम्भ गर्न सकिनेछ । ठूला व्यक्तिले तपाईंको मेहनतलाई प्रशंसा गर्नेछन् र भेटघाटले मन प्रसन्न हुनेछ । स्थानान्तरण र लामो यात्राको सम्भावना छ । रोकिएको ठाउँबाट आकस्मिक धन लाभ हुनेछ । महिनाको अन्त्यमा बोलीको विपरीत अर्थ लाग्न सक्छ । सेयर बजारमा केही उतारचढाव हुनेछ । यो महिनाको लागि शुभ अङ्क १,८ र शुभ रङ्ग गुलाबी सेतो वा निलो हो । कुनै शुभकर्म गर्नु पूर्व वा यात्रामा जानु अघि महा लक्ष्मीजीको दर्शन गरि कार्य आरम्भ गर्दा अधिक सफलता प्राप्त हुनेछ ।
वि.सं. २०८१ बैशाख
वृश्चिक राशीका लागि बैशाख महिनामा जोशजाँगर र हिम्मत बढ्नेछ । चलाखीपूर्ण बोली र कामले कार्यहरू सफल हुनेछन् । शुभ र मङ्गल कार्यको योग पनि छ । वाहन लाभ हुने समय आएको छ । व्यापार तथा उद्योगतर्फ सामान्य फाइदाको योग छ । मध्य महिनामा भने प्रतिस्पर्धीहरूको चलखेल बढ्नाले केही चुनौती सामना गर्नुपर्ला । अनावश्यक आरोप लाग्ने र धनमाल हराउने योग भएकाले सजग रहनुहोला । यो महिनाको लागि शुभ अङ्क ५,८ र शुभ रङ्ग रातो वा नीलो हो । कुनै शुभकर्म गर्नु पूर्व शिवजीको स्मरण गरि कार्य आरम्भ गर्दा अधिक लाभ हुनेछ ।
वि.सं. २०८१ बैशाख
धनु राशी भएकाहरुलाई बैशाख महिनामा विद्या, बुद्धि र सन्तान सुख मिल्नेछ । नयाँ सवारी साधन प्राप्तिको योग छ । दाम्पत्य जीवन सुखद तथा समृद्ध बन्ने देखिन्छ । आम्दानी प्रशस्तै बढ्नेछ । आफ्नो पेशामा बढुवा तथा सरुवाको योग पनि रहेको छ । महिनाको अन्त्यमा अनावश्यक झन्झट तथा झमेलाको सामना गर्नुपर्नेछ । प्रेम र मित्रताको बन्धनमा मनमुटाव बढ्न सक्छ, बोल्दा विचार पुर्याउनु पर्छ । यो महिनाको लागि शुभ अङ्क ४,७ र शुभ रङ्ग सेतो हो । कुनै शुभकर्म गर्नु पूर्व भैरवजीको दर्शन गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मकर राशी हुनेहरुका लागि बैशाख महिनामा मान र सम्मानमा आघात पर्न सक्छ । स्वस्थ प्रतिकूल हुन सक्छ । शैक्षिक क्षेत्रबाट इच्छित प्रतिफल नमिल्ला । प्रशंसकहरूले पनि आलोचना गर्नसक्छन् । महिनाको उत्तरार्धमा भने रमाइलो यात्रा हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । शेयर बजार र वैदेशिक कार्यमा विशेष सफलता मिल्नेछ । यो महिनाको लागि शुभ अङ्क ३, ९ र शुभरङ्ग हल्का पहेँलो वा हरियो हो । शुभकर्म गर्नु पूर्व महाकालीजीको स्मरण गरि कार्य आरम्भ गर्दा अधिक शुभ फल प्राप्त हुनेछ ।
वि.सं. २०८१ बैशाख
कुम्भ राशीका लागि बैशाख महिनामा इच्छा र आकांक्षा पूर्ण हुने भएको छ । गरेको कार्यमा सफलता पाइनेछ । साथीभाइको सहयोगले हिम्मत दिलाउनेछ । मन पर्ने वस्त्र, अलंकार आदि उपहार पाइनेछ । रोकिएका काम सम्पादन हुने र नयाँ काम पाइने योग पनि छ । शुभ, मङ्गल र नयाँ कार्यको योग छ । स्वादिष्ट भोजनको आनन्द समेत पाइएला । प्रेम सम्बन्धमा मधुरता मिल्नेछ । यो महिनाको लागि शुभ अङ्क ३,८ र शुभ रङ्ग सेतो वा नीलो हो । कुनै शुभकर्म गर्नु अघि आफ्नो कुलदेवताको आरधना गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मीन राशीका लागि बैशाख महिनामा पारिवारिक जमघटमा मन रमाउनेछ । विशिष्ट व्यक्तित्वसँग भेटघाट हुनेछ । छरछिमेकमा सम्पन्न हुने धार्मिक र शुभ कार्यमा संलग्न हुनु पर्नेछ । न्यायिक कार्यमा सफलता मिल्नेछ । मध्य महिनाबाट पारिवारिक स्वास्थ्यमा समस्या आई औषध उपचारमा खर्च बढ्नेछ, अतः ऋण र रोगको भय हुनेछ । तपाईँका प्रतिद्वन्दी पनि बढ्न सक्छन् । यो महिनाको लागि शुभ अङ्क ३, ७ र शुभ रङ्ग हरियो वा गुलाबी हो । कुनै शुभकर्म गर्नु पूर्व महादेवको आरधना गरि कार्य आरम्भ गर्दा अधिक लाभ मिल्नेछ ।