हलेसीन्युजडेस्क, खोटाङ

  खोटाङको  दिक्तेल रुपाकोट मझुवागढी नगरपालिका वडा नं   ५ लफ्याङमा खुला पुरुष भलिवल प्रतियोगिता  सम्पन्न भएको छ । स्वर्गीय जागिरमान राई परिवार उत्थान समितिको आयोजनामा वडा नं ५ लफ्याङ साविक वडा नं  ३ माझगाउमा पोष २८ गते  नगरपालिका प्रमुख तीर्थराज भट्टराईबाट उद्घाटन भएको वडास्तरीय खुला पुरुष भलिवल प्रतियोगिता आज सम्पन्न भएको हो ।
भलिवल प्रतियोगितामा वडाभित्रका १२ टिम सहभागी रहेको आयोजकले जनाएको छ । पौष २८, २९ र माघ १ गते तीन दिन आयोजना भएको प्रतियोगितामा साविक वडा नं ५ वी दुवेले प्रथम उपाधी हासिल गर्न सफल भएको थियो । त्यस्तै साविक वडा नं ४ सीले द्वितीय उपाधी हासिल गर्न सफल भएको थियो । आयोजक टिम ए साविक वडा नं ३ ले तृतीय र साविक वडा नं ४ वीले सान्त्वना स्थान प्राप्त गरेको थियो । प्रथम, द्वितिय, तृतीय र सान्त्वना विजयीहरुलाई मापन कार्यक्रमका प्रमुख अतिथि तथा दिक्तेल रुपाकोट मझुवागढी नगरपालिकाका नगर उपप्रमुख वीशन राईको हातबाट क्रमशस् रु ३० हजार, २० हजार, १२ हजार र ५ हजार रकम तथा मेडल र प्रमाणपत्र प्रदान गरिएको थियो ।
सोही अवसरमा अन्य विविध खेलहरुको पनि प्रतियोगिताको आयोजना भएको थियो । कार्यक्रम स्वर्गीय जागिरमान राई परिवार उत्थान समितिका अध्यक्ष तथा स्वर्गीय जागिरमान राइका माईला सुपुत्र व्रिटिश पूर्व क्याप्टेन रामप्रसाद राईको अध्यक्षतामा सम्पन्न भएको थियो