चैत्र १९, २०८०, Khotang
हलेसीन्युजडेस्क, खोटाङ
खोटाङमा पनि पहिलो रक क्लाइम्बिङ स्पोर्ट निर्माणको काम शुरु गरिएको छ । दिक्तेल रुपाकोट मझुवागढी नगरपालिका–५ मझुवाकालिका देविस्थान नजिकै २२, २३ मिटर उचाइ रहेको ढुंगाको पहरोमा रक क्लाइम्बिङका लागि स्थान छनौट गरी दिक्तेल रुपाकोट मझुवागढी नगरपालिकाको पहलमा चैत्र १८ देखि काम शुरु गरिएको दिक्तेल रुपकोट मझुवागढी नगरपालिकाका प्रमुख तीर्थराज भट्टराईले जानकारी दिनुभयो ।
डोरीको सहायताले भीर तथा चट्टानमा खेलिने रक क्लाइम्बिङ साहसिक खेलमध्येको एक मानिन्छ । विदेशमा धेरै खेलिने भएपनि पछिल्लो समय नेपालको विभिन्न स्थानमा यो खेलको प्रवद्र्धनमा मानिसहरुको ध्यान जान थालेको पाईन्छ ।
यस्तो साहसिक खेलको लागि खोटाङमा यसको सम्भावनाका वारेमा कसरी सोँच बनाइयो भन्ने सम्बन्धमा नगरप्रमुख भट्टराई भन्नुहुन्छ–‘मझुवाकालिका देविस्थान वरिपरि फूलै फूल रोपेर आकर्षक बनाउने अभियानमा मझुवागढी कालिका देविथान वरिपरि सरसफाई तथा फूलका वृक्षारोपण गर्ने क्रममा यहाँको भू-प्राकृतिक बनावटलाई नजिकैबाट अध्ययन/अवलोकन गर्ने अवसर मिल्यो । फूल रोप्ने, झाँडी-बुट्यान सफा गर्ने अभियानमा स्थानीयवासीहरु, राजनैतिक दलहरु, जनप्रतिनिधिहरु, विभिन्न संघ, संस्था तथा सरकारी कार्यालयका राष्ट्रसेवक कर्मचारीहरु, सुरक्षा निकायका तर्फबाट पनि सहभागिता भैरहेको थियो । त्यसै क्रममा सशस्त्र प्रहरी हलेसी गुल्मका प्रहरी नायव उपरिक्षक कृष्णबहादुर बमले देविस्थान नजिकैको २२, २३ मिटर उचाइ रहेको चट्टानी भीरलाई रक क्लाइम्बिङका लागि उपयुक्त स्थानका रुपमा सुझाव दिदै यसबाट खेलसँगै पर्यटनलाई समेत जोड्न सकिने सल्लाह दिनुभयो । प्रारम्भमा उहाँको यो सुझावकै आधारमा हामीले रक क्लाइम्बिङ सँग सम्बन्धित संस्थाहरुसँग सम्पर्क ग-यौँ, उहाँहरुको सकारात्मक सुझाव प्राप्त भएपछि यसको लागि नगरपालिका तयार भएको हो ।’
गत पौष महिनामा पर्वतारोहण प्रशिक्षक संघका निवर्तमान अध्यक्ष लाक्पा सेर्पा मझुवागढी कालिका देविस्थानको दर्शन गर्दै रक क्लाईम्बिङका लागि सोचिएको स्पोर्टको पनि स्थलगत निरिक्षण गर्नुभएको नगरप्रमुख भट्टराई बताउनुहुन्छ । शेर्पाले ६ पटक विश्वको सर्वाच्च शिखर सगरमाथा आरोहण गरिसक्नुभएको छ । उहाँको भनाईमा देविस्थान नजिकको उक्त भिर रक क्लाइम्बिङका लागि अत्यन्त उपर्युक्त रहेको छ ।
यतिखेर रक क्लाईम्बिङ स्पोर्ट निर्माणका सिलसिलामा ६ पटक सगरमाथा आरोहणका साथ नेपाल लगायत विश्वका अग्ला र महत्वपूर्ण हिमाल आरोहण गर्नु भएका पर्वतारोहण प्रशिक्षक संघका निवर्तमान अध्यक्ष लाक्पा सेर्पा, १२ पटक सगरमाथा, १९ पटक ८ हजार मिटर भन्दा अग्लो हिमाल तथा विश्वका बिभिन्न हिमाल आरोहण गर्नु भएका ग्याल्जेन सेर्पा, सन् २०१२/२०१४ मा ‘रक क्लाइम्बिङ’राष्ट्रिय च्याम्पियन प्राप्त तथा विश्वका विभिन्न मुलुकमा रक क्लाइम्बिङ’ च्याम्पियन सिपमा भाग लिनु भएका निरज कार्की र इक्वीपमेन्ट इन्चार्ज वुद्ध रिसाल चैत्र १७ गते नै दिक्तेल आइपुग्नुभएको छ ।
नगरपालिकाको मझुवागढी शौन्दर्यकरण गुरुयोजना अन्तर्गत कालिका देविस्थान नजिक निर्माण गरिने रक क्लाइम्बिङ स्पोर्ट पनि पर्दछ । मझुवागढी कालिका देविस्थान शौन्दर्यकरणका लागि यो आर्थिक वर्षमा रु १ करोड बाउन्न लाख वजेट विनियोजन भएको नगरप्रमुख भट्टराईले बताउनुभयो । जसमा ७० प्रतिशत प्रदेश सरकारको र ३० प्रतिशत नगरपालिकाको सहभागिता रहने छ । त्यही बजेट भित्र रक क्लाइम्बिङका लागि चट्टानीभिरमा आवश्यक पूर्वाधार निर्माण लगायत क्लाइम्बिङमा चाहिने सामाग्रीहरुको व्यवस्थापन गरिने जनाइएको छ । रक क्लाम्बिङ स्पोर्टको निर्माण कार्य आगामी आषाढ भित्रमा सम्पन्न गरि सक्ने लक्ष्य रहेको नगरप्रमुख भट्टराई बताउनुहुन्छ ।
रक क्लाइम्बिङ स्पोर्ट निर्माणको पहिलो दिन निर्माण टोलिका साथमा स्थानीय युवाहरुको समेत उल्लेख्य सहभागिता रहेको थाहा भएको छ । जिल्लामै पहिलोचोटि रक क्लाइम्बिङ स्पोर्ट बन्न लागेकोमा यो अत्यन्त महत्वपूर्ण काम रहेको उहाँहरुको धारणा छ । युवाहरुको शारीरिक व्यायामका साथ प्राकृतिक प्रकोपका समयमा पनि यो खेलका कारण शारीरिक दक्षता बढ्ने उनीहरुको भनाई छ ।
मझुवागढी कालिका भगवती क्षेत्रमा ‘रक क्लाइम्बिङ’सगै भ्यू प्वाइन्ट, शौचालय, ग्यालरी पनि निर्माण हुने नगरप्रमुख भट्टराईको कथन छ ।
नयाँ प्रजिअ शिवकुमार कार्की तथा रक क्लाइबिङ स्पोर्ट निर्माणका लागि आउनुभएका टोलिलाई नगरपालिकाको तर्फबाट स्वागत कार्यक्रम
खोटाङमा प्रमुख जिल्ला अधिकारीको कार्यभार सम्हाल्न आउनुभएका प्रमुख जिल्ला अधिकारी शिव कुमार कार्कीलाई आईतवार एक कार्यक्रमका वीच दिक्तेल रुपकोट मझुवागढी नरपालिकाको तर्फबाट स्वागत गरिएको छ । नयाँ प्रजिअ कार्कीको कार्यकालमा खोटाङमा शान्तिसुरक्षाको थप प्रत्याभूति नागरिकले गर्न पाउन भन्दै उहाँको सफलताको कामना गरिएको छ । सोही अवसरमा ६ पटक सगरमाथा आरोहणका साथ नेपाल लगायत विश्वका अग्ला अग्ला हिमाल आरोहण गर्नु भएका पर्वरोहण प्रशिक्षण संघका निवर्तमान अध्यक्ष लाक्पा शेर्पा, १२ पटक सगरमाथा र १९ पटक ८ हजार मिटर भन्दा अग्लो हिमाल तथा विश्वका बिभिन्न हिमाल आरोहण गर्नु भएका ग्याल्जेन सेर्पा, ‘रक क्लाइम्बिङ’ राष्ट्रिय च्याम्पियन सन् २०१२ / २०१४ र विश्वका विभिन्न मुलुकमा र रक क्लाइम्बिङ’ च्याम्पियन सिपमा भाग लिनु भएका निरज कार्कीका साथै इक्विपमेन्ट इन्चार्ज बुद्ध रिसाललाई दिक्तेल रुपाकोट मझुवागढी नगरपालिकाले आइतवार एक कार्यक्रम वीच स्वागत गरेको छ । उहाँहरु मझुवागढी देविस्थान नजिकै रक क्लाइम्बिङ स्पोर्ट पूर्वाधार निर्माणका क्रममा दिक्तेल आउनुभएको हो ।
उहाँहरुलाई नगरप्रमुख तीर्थराज भट्टराई, उपप्रमुख वीशन राई, वडाध्यक्षहरु लगायतले राष्ट्रिय फूल गराँसको माला लगाइदिएर स्वागत गर्नुभएको थियो ।
रक क्लाइम्बिङ स्पोर्टका केही तस्विरहरु
p
सैयौँ भक्तजनहरुलाई आशिवर्चन प्रदान हलेसीन्युजडेस्क, खोटाङ / विश्वचर्चित स्वामी १००८...
हलेसीन्युजडेस्क, खोटाङ / खोटाङको दिप्रुङचुइचुम्मा गाउँपालिका वडा नं. ४ मार्से बतासे...
हलेसीन्युजडेस्क, खोटाङ / खोटाङको रावाबेसी गाउँपालिका-२ खार्पामा जन्मनु भएका पूर्व प्रशासक...
हलेसीन्युजडेस्क, खोटाङ / खोटाङस्थित महुली सामुदायिक लघुबित्त शाखा कार्यालयले आफ्नो कार्यालयको...
हलेसीन्युडेस्क, खोटाङ / खोटाङको दिक्तेल रुपाकोट मझुवागढी नगरपालिकाले नगरप्रमुखसँग विध्यार्थी कार्यक्रम...
२०८१ माघ
माघ महिना मेष राशिका लागि फलदायी रहनेछ । योजना ठूलो बन्नेछ । समय अध्ययन र अनुभवका लागि सकारात्मक देखिन्छ । यध्यपि काममा चुनौती आउनसक्छन् ्। उपव्धि हात पार्न कठिन संघर्ष नै गर्नुपर्ने हुन्छ । तापनि, महत्वाकांक्षी काम प्रारम्भ गर्ने समय छ । मेहनतले अवसर प्रदान गर्नेछ र जीवनशैलीमा सुधार ल्याउन सकिनेछ । प्रयत्न गर्दा नोकरीमा प्रवेश वा पदोन्नति हुन सक्छ । व्यापारमा राम्रै फाइदा हुनेछ। लगनशीलताले सम्मानित स्थान दिलाउनेछ। शुभचिन्तकहरूले साथ दिए पनि आफ्नाबाट धोका हुन सक्छ। उद्योगतर्फ मर्मतसम्भारमा खर्च बढ्नेछ भने व्यवसायमा लगानी बढाउनुपर्ने परिस्थिति आउन सक्छ । सामाजिक कामको जिम्मेवारी प्राप्त हुनेछ । महिनाको अन्ततिर अकस्मात खर्च बढ्नेछ, सजग हुनु वेश होला ।
२०८१ माघ
माघ महिनामा वृष राशिलाई आंशिक फलदायी रहनेछ । परिस्थिति धेरै अनुकूल नदेखिए पनि मेहनतले काम सम्पादन हुनेछ । अवसर, आवश्यकता र चुनौती नै कर्मयोगका प्रेरक बन्नेछन्। सहयोगी अभाव र कामको चापले लक्ष्यप्राप्तिमा केही विलम्ब होला। अध्ययनमा धेरै समय दिन नसकिए पनि बौद्धिक स्तरका काम सम्पादन हुनेछन्। प्रेम र मित्रताको बन्धन कसिनुका साथै रमाइलो यात्रा गर्ने अवसरसमेत प्राप्त हुनेछ। लगनशीलताले बिस्तारै लक्ष्यमा पुर्याउनेछ। पहिले गुमेको स्थान प्राप्त हुनुका साथै आफ्नो वर्चस्व बढ्नेछ। टाढिएका आफन्तहरू नजिकिनेछन्। ईष्र्या गर्नेहरूले दुःख दिए पनि हिम्मतले काम बन्नेछ। आयस्रोत सबल रहनेछ। सामाजिक जिम्मेवारी वहन गर्नुपर्ला। महिनाको अन्त्यतिर आम्दानी र स्वास्थ्यमा बाधा पर्नेछ।
२०८१ माघ
माघ महिनामा मिथुन राशिलाई केही चुनौति आउन सक्छ । संघर्ष गर्नुपर्ने हुन्छ । राजनीतिक तथा सामाजिक प्रभाव कमजोर बन्ने समय छ । अस्वस्थताका बाबजुद कामको बोझ बढ्न सक्छ। सोचेको लाभांश नउठ्नाले चिताएको काम रोकिन सक्छ। दुर्भावना राख्नेहरूले बिनाकारण दुःख दिनेछन्। सवारी एवं हातहतियारको उपयोग सावधानीसाथ गर्नुहोला। आफ्ना कमजोरीप्रति टिप्पणी वा गुनासो बढ्नेछ। आलोचकहरूले भड्काउने हुँदा सहयोगीहरू टाढिन सक्छन्। स्वास्थ्यमा पेटको समस्याले सताउन सक्छ। खर्च बढ्नेछ र आयस्रोत पनि अलि कमजोर बन्न सक्छ। नाम चलेका व्यक्तिले समेत धोका दिन सक्छन्। स्वाभिमानका लागि संघर्ष गर्नुपर्ला।मिहिनेतले काम बन्नेछ। शुभचिन्तकहरूको सहयोगले अप्ठ्यारो परिस्थितिलाई अनुकूल बनाउन सकिनेछ।
२०८१ माघ
माघ महिनामा कर्कट राशिलाई केही उतारचढाव आउनेछन् । पतिपत्नीबीच मतभेद बढ्नेछ भने प्रेम सम्बन्धमा खटपटि आउन सक्छ । अस्थिर मनोवृत्तिले अरूको विश्वास गुम्न सक्छ । घरखर्च बढ्नेछ भने आयआर्जनमा केही कमी आउने सम्भावना छ। अरूका विषयमा चासो राख्ने बानीले आत्मसम्मानमा चोट पुर्याउन सक्छ, सजग रहुनुहोला। तापनि अध्ययनको सफलताले विदेश जाने अवसर दिलाउन सक्छ। सोखले खर्च बढाए पनि भौतिक सुविधाका वस्तुहरू जुटाउन सकिनेछ। विवादास्पद काममा जुट्नुपरे पनि मिहिनेतको फल प्राप्त हुनेछ। दोहोर्याएर प्रयत्न गर्दा रोकिएको काम बन्नेछ। पेसा–व्यवसायमा फाइदा हुनेछ। व्यापारबाट आर्थिक स्थितिमा सुधार आउनेछ। आस मारेको काम सम्पादन हुनाले नयाँ कामतर्फ आकर्षित भइनेछ।
२०८१ माघ
माघ महिना सिंह राशिलाई विशेष उपलब्धिमूलक रहनेछ । शत्रुबाधा वा कामका विविध झमेलाहरूको माहोलबाट अघि बढ्नुपरे पनि लक्ष्यमा पुग्न सकिनेछ । आँटले काम लिँदा विभिन्न स्रोत प्राप्त हुनेछन्। सहयोगीहरूको साथ जुट्नेछ। भौतिक साधनहरू प्राप्त हुनाले महत्त्वाकांक्षी योजना प्रारम्भ हुन सक्छ। दिगो फाइदा हुने कामको जग बसाउने समय छ। खर्च बढे पनि आर्थिक समस्या समाधान हुनेछ। रोकिएका काम बन्नाले उत्साह जाग्नेछ। लगनशीलताले जीवनशैलीमा परिवर्तन ल्याउन सक्छ। सानो प्रयत्नले दिगो फाइदा दिलाउन सक्छ। ईष्र्या गर्नेहरूले काममा बाधा पुर्याउनेछन्। आम्दानी बाहिरिनाले बेलाबेला अर्थ अभाव सामना गर्नुपर्ला। दोस्रो सातादेखि काममा प्रगति हुनेछ। कर्मसाधना गर्नेहरूलाई फाइदा हुने समय छ।
२०८१ माघ
माघ महिना कन्या राशिलाई सामान्य फलदायी रहनेछ । स्वास्थ्यबाधा र पारिवारिक असमझदारीले केही समस्या निम्त्याए पनि पेसा–व्यवसायमा फाइदा उठाउन सकिनेछ। चिताएका काममा केही विलम्ब भए पनि सहयोगीहरूको साथ जुट्नेछ। टाढिएका आफन्तसँग भेटघाट तथा मेलमिलाप हुनेछ। गुरुजनको प्रेरणाले अध्ययनमा हौसला प्राप्त हुनेछ। बौद्धिक क्षमता बढ्नेछ। पढाइलेखाइतर्फ राम्रो नतिजा प्राप्त हुनेछ। परिस्थितिले साथ दिनेछ भने मनको डर उत्साहमा रूपान्तरित हुनेछ। सानो प्रयत्नले आर्थिक स्थितिमा सुधार आउनेछ। पहिले अड्किएका काम पनि पुनः प्रारम्भ हुनेछन्। क्षमता प्रदर्शन गरेरै स्वरोजगार बन्न सफल भइनेछ। प्रयत्न गर्दा देश–विदेशको यात्रा गर्ने अवसर जुट्नेछ। स्वास्थ्यका लागि खानपानमा सजग रहनुहोला।
२०८१ माघ
माघ महिनामा तुला राशिलाई घरेलु समस्या सुल्झाउन जुट्नुपर्ने समय छ। उच्च महत्त्वाकांक्षाले समस्या निम्त्याउने हुँदा बुद्धि–विवेकले काम लिने चेष्टा गर्नुहोला। भूमिबाट लाभ मिले पनि घर–जग्गा वा स्थायी सम्पत्तिमा वादविवाद आउन सक्छ। परिस्थितिवश मातापिता र परिवारजनबाट टाढा भइनेछ। अरूको भरपर्दा चिताएको काम रोकिन सक्छ। असंयम व्यवहारले समस्या निम्त्याउनेछ भने निकटजनहरूसँग बिनाकारण वादविवाद हुन सक्छ। तापनि, साथीभाइ र बन्धुबान्धवको सहयोगले परिस्थिति अनुकूल बनाउन सफल भइनेछ। मिहिनेत गर्दा व्यवसायमा फाइदै हुनेछ। लगनशीलताले अप्ठ्यारा काम पनि सम्पादन हुनेछन्। कृषि र व्यापारतर्फ पछि फाइदा हुने काम थालनी हुनेछ। भाग्यले मन मिल्ने प्रेमपात्र जुराउन सक्छ।
२०८१ माघ
माघ महिना वृश्चिक राशिलाई केही संघर्षमय रहनेछ। तापनि विभिन्न अवसर जुट्नाले काममा उत्साह जाग्नेछ र प्रशस्त फाइदा उठाउन सकिनेछ। सुरुमा रोकिएका काम दोस्रो सातादेखि सम्पादन हुनेछन्। उद्योग–धन्दामा विशेष सफलता पाइनेछ। नोकरीमा पदोन्नति वा विशेष लाभ मिल्नेछ। राजनीतिक क्षेत्रमा पनि पद–प्रतिष्ठा प्राप्त हुने ग्रहयोग छ। प्रतिस्पर्धीहरूले हार खानेछन्। शत्रु र रोगबाट छुटकारा मिल्नेछ। प्रतिष्ठित व्यक्तिहरूको सहयोग जुट्नाले प्रतिष्ठित काम शुभारम्भ गर्न सकिनेछ। मिहिनेत गर्दा जीवनशैलीमा राम्रै परिवर्तन आउनेछ। घरमा सुख–समृद्धि बढ्नेछ। भूमिलगायत स्थायी सम्पत्तिको विषयमा केही विवाद निस्कन सक्छ। सगोलको सम्पत्तिमा भागबन्डा लाग्न सक्छ। पेट र कब्जियतको समस्याले सताउने सम्भावना छ।
२०८१ माघ
माघ महिनामा धनु राशिलाई कामको चाप बढ्ने सम्भावना छ । अवसरका लागि केही दौडधुप गर्नुपरे पनि तपाईंको गन्तव्य लक्ष्य नै हुनेछ। काममा चुनौती देखिए पनि आशा गरिएको फल बिस्तारै प्राप्त हुनेछ। पढाइ, लेखन, संगीत र कलामा रुचि बढ्नुका साथै प्रतिभाको उचित कदर हुनेछ। मिहिनेतले प्रतिद्वन्द्वीलाई पछि पार्न सकिनेछ। आँटले काम सम्पादन हुनेछ। व्यवसाय र उद्योगधन्दामा सामान्य फाइदा हुनेछ। केही धनमाल हराउने वा ठगीमा परिने सम्भावना देखिएकाले सजग रहनुहोला। स्वास्थ्यमा शिर तथा पेटको समस्याले सताउन सक्छ। आवश्यक पर्दा आफन्त र साथीभाइसँगको सहयोग नजुट्न सक्छ। घर–गृहस्थी, प्रेम सम्बन्ध आदिमा समय दिन नसकिएला। जिम्मेवारी पूरा गरे पनि सम्बन्धमा उतारचढाव आउन सक्छ।
२०८१ माघ
माघ महिना मकर राशिलाई सामान्य फलदायी रहनेछ । अप्ठ्यारा कामको नेतृत्व लिनुपरे पनि सफलताको यश प्राप्त हुनेछ। आँटले पुरुषार्थी काम सम्पादन हुनेछ। परिस्थिति संघर्षमय रहे पनि आर्थिक रूपमा फाइदा उठाउन सकिनेछ। बुद्धिको उपयोगले उल्झनहरू हटाउन सफल भइनेछ। प्रतिष्ठाको संघर्षमा विजय प्राप्त हुनेछ। दौडधुपमा खर्च बढे पनि आम्दानी प्रशस्त हुनेछ। आफन्तसँग असमझदारी बढे पनि साथीभाइले साथ दिनेछन्। शुभचिन्तकहरूलाई साथ लिएर अघि बढ्दा विशेष विशेष फाइदा हुनेछ। कृषि तथा पशुधनबाट फाइदा पुग्नेछ। देश–विदेशको यात्रा गर्ने अवसर जुट्नेछ । महिनाको मध्यतिर खर्च बढ्नाले अर्थअभाव देखा पर्न सक्छ । स्वास्थ्यमा टाउको दुखाइ तथा आँखाको कमजोरीले सताउने सम्भावना छ ।
२०८१ माघ
माघ महिना कुम्भ राशिलाई केही खर्चिलो रहने देखिन्छ । विवादास्पद काममा हात हाल्नाले अलि दुःख पनि पाइनेछ। आश्वासन बाँड्नेहरूले प्रतिज्ञा पूरा नगर्न सक्छन्। काम बने पनि पूर्वाद्र्धमा खर्च बढी हुनेछ। सहयोगको नाउँमा आफ्ना कमजोरीको फाइदा उठाउनेहरू सक्रिय हुनेछन्। अनावश्यक दौडधुपमा पनि समय बित्नेछ। आफन्तजन बिनाकारण टाढिने सम्भावना रहेकाले संयमतापूर्वक व्यवहार गर्नुहोला। वादविवाद र मुद्दा–मामिलाबाट टाढै बस्नु बुद्धिमानी हुनेछ । समस्या दर्साउँदा शुभचिन्तकहरूको सहयोग र सद्भाव प्राप्त हुनेछ । भविष्यका लागि विशेष काममा जग बसाउने अवसर जुट्नेछ। भूमि, वाहन र पैत्रिक सम्पत्तिको उपयोग गरी केही फाइदा उठाउन सकिनेछ । प्रयत्न गर्दा देश–विदेशको यात्रा गर्ने अवसर प्राप्त हुनेछ ।
२०८१ माघ
माघ महिना मीन राशिलाई उपलब्धिमूलक रहनेछ । रोकिएका काम बन्नुका साथै आयआर्जनका नयाँ स्रोत फेला पर्नेछन् । मानसम्मानका साथ प्रशस्त आम्दानी हुनेछ । समाजमा सम्मानित स्थान प्राप्त हुनेछ । नोकरीमा प्रवेश वा पदोन्नति हुन सक्छ । पढाइलेखाइमा पनि प्रगतिको समय छ। गरेका कामहरूको धेरैले प्रशंसा गर्नेछन्। उत्साहजनक समाचार सुन्न पाइनेछ। सोखले विलासी वस्तुहरू जुटाउन प्रेरित गर्नेछ। मिहिनेतले नाम, दाम र इनाम दिलाउनेछ । भाग्यले असल प्रेमपात्र जुराउनुका साथै घर–गृहस्थीमा मन रमाउनेछ। एकपछि अर्को गर्दै महत्त्वाकांक्षा पूरा गर्न सकिनेछ। दिगो काममा जग बसाउने अवसर जुट्नेछ। सोखले खर्च बढाए पनि विलासी वस्तुहरू जुटाउने समय छ यो महिना यात्राको सुयोग छ ।