बैशाख २३, २०८१, Khotang
हलेसीन्युजडेस्क, खोटाङ
खोटाङको दिक्तेल रुपाकोट मझुवागढी नगरपालिकाले सामुदायिक विध्यालय अन्तर्गत पठन पाठनमा समग्र शैक्षिक सुधारका लागि प्रधानाध्यापक, शिक्षक तथा व्यवस्थापन समितिका अध्यक्षहरुको प्रतिनिधिमूलक सहभागितामा ९ दिन निरन्तर कार्यशालाको आयोजना गरी विविध विषयमा छलफल तथा कार्ययोजना तयार गरेको छ । नगरस्तरीय शैक्षिक सुधार दलको संयोजनमा बैशाख १४ गतेदेखि २२ गतेसम्म शैक्षिक विज्ञहरु समेत झिकाई नगरपालिकाभित्रका सामुदायिक विध्यालयहरुका प्रधानाध्यापक, शिक्षक र विव्यास अध्यक्षहरुको प्रतिनिधिमूलक सहभागितामा निरन्तर कार्यशाला सञ्चालन गरी विविध विषयहरुमा छलफल तथा कार्ययोजना तयार गरेको हो ।
शिक्षक तालिमले शिक्षण पेशालाई मर्यादित बनाउने, मनोवल बढाउने, कार्य शैलिमा प्रभावकारिता ल्याउने वैयक्तिक उन्नति गराउन, ज्ञान, सीपको अभिवृद्धि गरि धारणामा परिवर्तन ल्याउने, सिकाईका उद्देश्य पुरा गर्नमा सहयोग पु¥याउने नगर शिक्षा सुधार दलका संयोजक तथा शैक्षिक अभियन्ता सूर्यबहादुर राईले जानकारी दिनु भएको छ ।
विध्यालयका शिक्षक, व्यवस्थापन समितिका अध्यक्ष र प्रधानाध्यापकका प्रतिनिधिमूलक सहभागितामा कार्यक्रम अवधि भित्र स्थानीय पाठ्यक्रम परिमार्जन कार्यशाला, निरन्तर विद्यार्थी मूल्यांकन कार्यशाला, बार्षिक कार्ययोजना निर्माण कार्यशाला, शिक्षक निर्देशिका, पाठ्यक्रम पाठ्यपस्तक कार्यशाला, सूचना पविधि स्थापन कार्यशाला, लेखा व्यवस्थापन कार्यशाला, खेल तथा संगित तथा चित्रकला कार्यशाला, जीवनोपयोगि शिक्षा कार्यशाला , पाठ्यक्रमको निर्माण, यसको प्रभावकारिता र औचित्य सम्बन्धमा गहन छलफल गरिएको दिक्तेल रुपाकोट मझुवागढी नगरपालिकाका शिक्षा शाखाका कर्मचारी नानीराम आचार्यले बाताउनुभयो । उहाँका अनुसार बैशाख १४ गते देखि १८ गते सम्म मुख्य सहजकर्ताको भूमिकामा शिक्षा मन्त्रालयमा लामो समय जिम्मेवारी निर्वाह गरी त्यहाँबाट निवृत्त हुनुभएका पूर्वउपसचिव तथा शिक्षाविद भरत श्रेष्ठले निर्वाह गर्नुभएको थियो ।
नगरपालिकाद्धारा वि.सं. २०७८ सालमा पहिलोपटक प्रकाशनमा ल्याइएको स्थानीय पाठ्यक्रमलाई समयासापेक्ष परिमार्जन गर्दै लैजान मार्गदर्शन दिलाउने उद्धेश्यले यो कार्यशाला राखिएको जनाइएको छ ।
शुरुको कार्यशालामा विध्यालयहरुमा स्थानीय पर्यटन, संस्कृति धार्मिकस्थल लगायत जनजीवनसँग सम्बन्धित विषयवस्तुलाई समेटेर जीवनमूखी पाठ्यक्रम तयार गरिनुपर्नेमा जोड दिइएको थियो । त्यसैगरी स्थानीय जनजातिको प्रयोगमा आइरहेको विभिन्न भाषाभाषिहरुको प्रवद्र्धनमा सहयोग पुग्ने गरी पाठ्यक्रमलाई परिमार्जन गर्न सहभागीहरुको सुझाव प्राप्त भएको थियो ।
त्यस्तै अन्य प्रशिक्षकहरु लक्ष्मिप्रसाद खनाल, पदमकुमार राई, पञ्चकुमार रार्ईले निरन्तर विध्यार्थी मूल्यांकन कार्यशाला, वार्षिक कार्ययोजना निर्माण कार्यशाला, शिक्षक निर्देशिका, पाठ्यक्रम पाठ्यपुस्तक कार्यशालामा सहजिकरण गर्नु भएको थियो ।
सूचना प्रविधि कार्यशालामा पंचकन्या माविका कम्पयुटर शिक्षक टिकाप्रसाद भट्टरार्ई, जनजागृति माविका कम्प्युटर शिक्षक बाबुराम कार्की, शिक्षा शाखाका नानीराम आचार्य, समाविका कम्प्युटर शिक्षक प्रविण आचार्यले सहजीकरण गर्नु भएको थियो ।
लेखा व्यवस्थापन कार्यशालाको नगरपालिकाका लेखा अधिकृत राजकुमार रार्ईले, खेल तथा संगीतमा कार्यशालाका लागि शिक्षकद्धय भक्त बि.क र हेमविक्रम रार्ईले सहजिकरण गर्नुभयो भने चित्रकला कार्यशालामा दिरुम नगरपालिकाका सामीका प्रमुख ओजनबाबु आचार्यले गर्नुभएको थियो ।
अन्तिम दिन जीवनोपयोगी शिक्षा कार्यशालामा शैक्षिक अभियन्ता , नगरशिक्षा सुधार कार्यदलका संयोजक सूर्यबहादुर रार्ई, धुर्ब श्रेष्ठ, डा. निशान्त दाहाल, र दिरुम स्वास्थ्य शाखाका प्रमुख खेम आचार्यले सहजीकरण गर्नु भएको थियो ।
कार्यक्रमको समापन नगर प्रमुख तीर्थराज भट्टरार्ईको सभातित्वमा भएको थियो । समापन कार्यक्रममा बोल्दै यहाँ सिकाइएका सिपलाई आ-आफ्ना विध्यालयमा कार्यन्वयन नगरे यो कार्यशालाको महत्व नरहने उहाँले बताउनुभयो । यसका लागि विध्यालयमा गएर अनुगमन गरिने नगरप्रमुख भट्टराईले भन्नुभयो । शिक्षकहरुका तर्फबाट सविता ढकाल र राजकर्ण राईले कार्यशालामा तयार गरिएको कार्ययोजनालाई र सिकेको ज्ञानलाई सबैले आ-आफ्ना विध्यालयमा प्रयोग गर्ने प्रतिवद्धता व्यक्त गर्नुभयो ।
कार्यक्रममा नगरउपप्रमुख वीसन राई, प्रमुख प्रशासकीय अधिकृत दिनेशकुमार राई, शिक्षा सुधार दलका संयोजक तथा सदस्यहरु लगायतको उपस्थिति रहेको थियो ।
हलेसीन्युजडेस्क, खोटाङ / खोटाङको साकेला गाउँपालिकालाई जिल्लाकै पहिलो पूर्ण खोप सुनिश्चित...
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकाले वडास्तरमा स्थानीय पाठ्यक्रम...
खोटाङका प्रदेश सांसद पाँचकर्ण राई सामाजिक विकास मन्त्रीमा नियुक्त हलेसीन्युजडेस्क,...
हलेसीन्युजडेस्क, खोटाङ / खोटाङको सदरमुकाम दिक्तेलबजारमा फोटोग्राफी तथा सिनेअटोग्राफी तालिम...
हलेसीन्युजडेस्क, खोटाङ / खोटाङको दिक्तेलरुपाकोट मझुवागढी नगरपालिका–४ खाल्लेमा सञ्चालित सूर्योदय कृषि...
हलेसीन्युजडेस्क, खोटाङ / किराँत राई चाम्लिङ खाम्वातिमले किराँत सँस्कृति अनुसार नाचिने...
वि.सं. २०८१ जेष्ठ
मेष राशिलाई जेठ महिनामा विद्या, बुद्धि र श्रमको लागि उचित देखिन्छ । यो महिनामा मेष राशीका लागि विशेष उपलब्धि प्राप्त गर्न सफल भइनेछ । अध्ययन, अनुसन्धान र लेखनतर्फ जुट्नेहरूलाई समयले साथ दिनेछ । नोकरीमा प्रवेश वा पदोन्नति हुन सक्छ । धन र शक्तिको उपयोग गर्नेहरूलाई भने महिना उतार चढावमय रहने देखिन्छ । सानो कमजोरीले आर्थिक व्यवस्थापान असन्तुलित बन्ने सम्भावाना भएकोले सावधान रहनुहोला । चिताएको काम रोकिने हुँदा चिन्ता बढ्न सक्छ । धनमाल हराउने, नष्ट हुने वा ठगीमा परिने सम्भावना रहेकाले व्यवहारमा सजग रहनुपर्ने समय छ । अनावश्यक किनमेल तथा मर्मत–सम्भारमा अधिक खर्च हुनेछ । सरसापट, उधारो व्यापार र असुरक्षित लगानीतर्फ रकम बाहिरिन सक्छ । विदेश ताक्नेहरूले पनि केही समय पर्खनु बुद्धिमानी हुनेछ ।
वि.सं. २०८१ जेष्ठ
वृष राशिलाई जेठ महिनामा स्वास्थ्य कमजोर रहनेछ, तर कामको नतिजाले उत्साह जगाउनेछ । लेखन, संगीत र कलामा रुचि बढ्नेछ । विद्यार्थीहरूको अभिव्यक्ति कलामा निखारता आउनुका साथै अध्ययनमा प्रगति हुनेछ । प्रतिभा प्रदर्शन गरेर मान–सम्मान प्राप्त गर्न सकिनेछ । व्यवसाय र उद्योगधन्दामा राम्रो फाइदा मिल्नेछ । समाजका अगुवासँग सहकार्य गर्दै सामाजिक क्षेत्रमा नेतृत्व लिने अवसर प्राप्त हुनेछ । तर मनमा उच्च महत्वाकांक्षाले प्रश्रय पाउने हुँदा केही उतारचढाव पनि आउनेछन् । वादविवाद, असमझदारी, आलोचना जस्ता विघ्न बाधासँग संघर्ष गर्नुपर्ने देखिन्छ । ज्वरो, टाउको दुखाई तथा मौसमी समस्याले सताउन सक्नेछ ।
वि.सं. २०८१ जेष्ठ
मिथुन राशिलाई जेठ महिनामा नसोचेको व्यवधान आइपर्ने, काम रोकिने र खर्च बढ्ने सम्भावना देखिन्छ । लागत अध्ययन नगरी काम थाल्नाले आर्थिक व्यवस्थापन असन्तुलित बन्न सक्छ । उठ्नुपर्ने रकम अड्किनाले व्यवहारमा अर्थअभाव देखापर्न सक्छ । फजुल खर्च, स्वास्थ्य बाधा र कानुनी अड्चनले जोशजाँगरमा कमी आउनेछ । राजनीतिक तथा सामाजिक क्षेत्रमा पनि आफ्नो प्रभाव कमजोर बन्ने समय छ । सहयोगको आशा देखाउनेहरूले प्रतिज्ञा पूरा नगर्न सक्छन् । नियमित काममा आम्दानी घट्न सक्छ । प्रतिकूल समयमा कर्जा लिएर जोखिम निम्त्याउनु भन्दा क्षति हुनबाट जोगिने प्रयास गर्नुहोला । खर्च लागे पनि विदेश ताक्नेहरूलाई यात्राको प्रक्रिया अघि बढ्न सक्छ । मिहिनेत गर्दा विद्यार्थीहरूको अध्ययन, अनुसन्धान र लेखनमा सुधार आउनेछ ।
वि.सं. २०८१ जेष्ठ
कर्कट राशिलाई जेठ महिना उत्साहवर्धक रहनेछ । सानो प्रयासले दिगो आयस्रोत जुटाउन सकिनेछ । व्यापार बढ्नेछ, चिताएको काम बन्नेछ र व्यवसायले उचाइको मार्ग अवलम्बन गर्नेछ । कृषि र पशुधनबाट यथेष्ट लाभ मिल्नेछ । नोकरीतर्फ नयाँ अवसर प्राप्त हुनेछ । पछि फाइदा हुने काम प्रारम्भ हुनेछ । मिहिनेतले स्वरोजगार बन्न सफल भइनेछ । आयआर्जनका नयाँ स्रोत फेला पर्नेछन् । व्यापार घाटा, उधारो तथा सरसापटमा गएको रकम समेत उठाउन सकिनेछ । सेयर तथा साझेदारीमा फाइदा हुनेछ । आवश्यक उपकरण, सवारीलगायत विभिन्न भौतिक साधनसमेत जुटाउने समय छ । विदेश ताक्नेहरूका लागि यात्राको प्रक्रिया अघि बढ्ने सम्भावना छ । विद्यार्थीहरूको अध्ययनमा पनि प्रगति हुनेछ, मिहिनेत गर्नुहोला ।
वि.सं. २०८१ जेष्ठ
सिंह राशिलाई जेठ महिनामा स्वास्थ्यमा केही समस्या आउनसक्छ । काम गर्न सके परिणाम राम्रो देखिन्छ । जटिल काममा जुट्नुपरे पनि पेसा–व्यवसायमा मनग्य लाभ हुनेछ । प्रयत्न गर्दा नयाँ काम थाल्ने वातावरण बन्नेछ । दिगो व्यवसायका लागि पूर्वाधार तयार पार्ने समय छ । नोकरीमा प्रवेश, पदोन्नति वा अनुकूल स्थानान्तरण हुने बलियो सम्भावना छ । विशिष्ट व्यक्तिहरू नजिकिनेछन् । मित्रता र प्रेमको बन्धन कसिलो हुनेछ । व्यापार तथा उद्योगतर्फ मनग्य फाइदा उठाउन सकिनेछ । व्यवसायमा थप लगानी बढाउने समय छ । नयाँ कामको प्रस्ताव आउनेछ । समुदायको प्रतिनिधिका रूपमा काम गर्ने अवसर प्राप्त हुनेछ । देशविदेशको यात्रा पनि हुन सक्छ । स्वास्थ्यका लागि सन्तुलित आहार, व्यायाम र विश्राममा भने ध्यान पुर्याउनुपर्ने समय छ ।
वि.सं. २०८१ जेष्ठ
कन्या राशिलाई जेठ महिना सामान्य फलदायी रहनेछ । योजना ठूलो बन्नेछ । तर मिहिनेत गर्दागर्दै पनि काममा केही चुनौती देखापर्नेछन् । आपसी मतभेदले प्रेम र दाम्पत्यमा खटपटी निम्त्याउन सक्छ । तापनि सहयोगीहरूको साथ–सहयोग प्राप्त हुनेछ । प्रतिकूल परिस्थितिका बाबजुद आवश्यकता र चुनौती नै कर्मयोगका प्रेरक बन्नेछन् । समय लागे पनि मिहिनेतले लक्ष्यमा पुर्याउनेछ । अध्ययनमा धेरै समय दिन नसकिए पनि बौद्धिक स्तरका काम सम्पादन हुनेछन् । सामाजिक जिम्मेवारी प्राप्त हुनेछ । व्यापारतर्फ सुरक्षित आर्थिक कारोबारमा ध्यान दिनुहोला । तत्काललाई सेयर तथा लगानीको मूल्य कमजोर हुनाले लाभांश घट्न सक्छ । नयाँ योजना अघि बढाउन नसकिए पनि प्राप्त उपलब्धि र पहिलेको साख जोगाउन सफल भइनेछ, मिहिनेत गर्नुहोला ।
वि.सं. २०८१ जेष्ठ
तुला राशिलाई जेठ महिना केही संघर्षमय रहनेछ । स्वास्थ्य कमजोर बन्नुका साथै काममा बाधा पर्न सक्छ । पेसा–व्यवसायमा गरेको लगानी अड्किन सक्छ । उधारोमा व्यापार गर्नुपर्ने परिस्थिति रहनेछ । काम रोकिनाले आयस्रोत कमजोर बन्नेछ भने सञ्चित रकम खर्च हुनाले अर्थ अभाव देखापर्ने सम्भावना छ । जाँगरमा कमी आउनेछ र मिहिनेत गर्दागर्दै पनि काममा पछि परिनेछ । अप्ठ्यारो समयमा आफ्नाले समेत हतोत्साहित तुल्याउने चेष्टा गर्नेछन् । चोटपटकको योग भएकाले उपकरण र हतियारको उपयोग सावधानीसाथ गर्नुहोला ।सावधानीले उपलब्धि जोगिनेछ र लगनशीलताले काम बन्नेछ । अवसरका लागि केही दौडधुप भने गर्नुपर्नेछ ।
वि.सं. २०८१ जेष्ठ
वृश्चिक राशिलाई जेठ महिनामा पारिवारिक माहोल विग्रन सक्छ । तनाव सिर्जना गराउनेछ । आलस्य बढ्नेछ, जसका कारण काम रोकिने र आर्थिक क्रियाकलापमा मन्दी आउने सम्भावना छ । विद्यार्थीहरूमा पनि अध्ययनमा अरुचि प्रदा हुनेछ । परिस्थितिवश साथीभाइ र शुभचिन्तकहरू असन्तुष्ट बन्नेछन् । केही समस्या सुल्झाउनैपर्ने चुनौती आउन सक्छ । तापनि पेसा–व्यवसाय सामान्य रूपमा चल्नेछ । फाइदा कम भए पनि व्यापारले व्यवहार निर्वाह हुनेछ । नयाँ काम गर्न नसकिए पनि पहिलेको उपलब्धि र साख जोगाउने प्रयत्न गर्नुहोला । महिनाको उत्तरार्धमा स्थिति अनुकूल बन्नाले विशेष लाभ हुनेछ । मिहिनेत गर्दा आर्थिक स्थितिमा सुधार ल्याउन सकिनेछ ।
वि.सं. २०८१ जेष्ठ
धनु राशिलाई जेठ महिनामा केही उपलब्धि हासिल हुनसक्छ । चिताएको काम बन्नाले महिना उत्साहवर्धक रहनेछ । प्रतिस्पर्धाको दौडमा सजिलै अग्रस्थान हासिल हुने समय छ । भविष्यका लागि नयाँ काममा जग बसाउन सकिनेछ । प्रयत्न गर्दा नयाँ अवसर पनि प्राप्त हुनेछन् । आफ्नो अभियानमा आफन्त र शुभचिन्तकले साथ दिनेछन् । भूमि, आवश्यक भौतिक साधन, सवारी आदि जोड्ने समय छ । तर स्वास्थ्य कमजोर हुनेहरूलाई भने छाती, फोक्सो, दम वा मौसमी समस्याले सताउन सक्छ । कृषि तथा पशुपालनमा नयाँखाले समस्या आउने सम्भावना छ । अनावश्यक महत्वावाकांक्षाले आर्थिक जोखिम निम्त्याउन सक्छ । सानो विवादले परिवारमा विग्रह निम्त्याउने सम्भावना देखिएकाले सावधान रहनुहोला । बलभन्दा बुद्धिको उपयोगले काम लिँदा फाइदा हुनेछ ।
वि.सं. २०८१ जेष्ठ
मकर राशिलाई जेठ महिना मध्यम फलदायी रहनेछ । तर लक्ष्यको उचाइ प्राप्त गर्न केही समय लाग्न सक्छ । सामान्य स्वास्थ्य समस्या देखिनाले पूर्ण समय काममा जुट्न नसकिएला । समस्या दर्साउँदा सहयोगीले साथ दिनेछन् । शुभचिन्तकको प्रेरणाले हौसला र उपलब्धि प्राप्त हुनेछ । परिश्रम गर्नेहरूलाई सम्भावनाका बाटाहरू फेला पर्नेछन् । धेरै आर्जन गर्न नसकिए पनि दिगो काम थालनी हुनेछ । निर्वाहमूलक पेसा–व्यवसायले उचाइको मार्ग अवलम्बन गर्नेछ । कृषि र पशुपालनमा विशेष फाइदा हुनेछ । सहयोगीहरू जुट्नाले अड्किएका काम पुनः प्रारम्भ हुनेछन् । प्रयत्न गर्दा घरमै बसेर राम्रो आम्दानी हातपार्न सकिनेछ । विद्यार्थीहरूको अध्ययनमा प्रगति हुनेछ । लेखन कलामा पनि सुधार ल्याउने प्रयत्न गर्नुहोला, क्षमता प्रदर्शन गरेरै स्वरोजगार बन्न सफल भइनेछ । स्वास्थ्यका लागि खानपान र विश्राममा ध्यान दिनुहोला ।
वि.सं.२०८१ जेष्ठ
कुम्भ राशिलाई जेठ महिनामा पुराना समस्या दोहोरिन सक्छन् । अधिक परिश्रमले थकान र कमजोरी निम्त्याउन सक्छ । परिस्थिति अध्ययन नगरी काम थाल्नाले दुःख पाइनेछ । स्रोत सबल देखिए पनि अज्ञानता र बलजफ्तीले काम बिग्रन सक्छ । साझेदारी तथा सगोलको व्यवहारमा पनि केही विवाद आउने हुँदा घरायसी माहोल असन्तुलित बन्ने सम्भावना छ । तापनि अप्ठ्यारो समयमा सहयोगीहरूले साथ दिनेछन् । घरेलु समस्यामा घरभित्रै समाधान खोज्नु श्रेयष्कर हुनेछ । व्यवहार सुधार्न केही समय सामाजिक जिम्मेवारीबाट पछि हट्नुपर्ने स्थिति आउन सक्छ । पेसा–व्यवसायमा नयाँ योजना थाल्न अनुकूल साइत पर्खनुहोला । कृषि र पशुपालनतर्फ लाभ हुनेछ । केही काम रोकिए पनि पहिलेको साख र उपलब्धि जोगाउन सकिनेछ, मेहनत गर्नुहोला ।
वि.सं.२०८१ जेष्ठ
मीन राशिलाई जेठ महिना निकै लाभदायक रहनेछ । बल, पराक्रम, तेज बढ्नाले चुनौतीका पहाड चिर्ने आँट जाग्नेछ । शत्रु र रोगमाथि विजय प्राप्त हुनेछ । रोकिएका काम सम्पादन हुनेछन् । स्रोत–साधन जुट्नाले महत्त्वाकांक्षी काम थालनी गर्न सकिनेछ । पेसा–व्यवसायमा मनग्य लाभ हुनेछ । नोकरी तथा राजनीति गर्नेहरूलाई पनि पद–प्रतिष्ठा प्राप्त हुने समय छ । भूमिलगायत स्थायी सम्पत्ति हातपार्ने समय छ । दाजुभाइमा भने केही असमझदारी बढ्न सक्छ । उच्च महत्वाकांक्षाले पनि समस्या निम्त्याउन सक्छ । अरूको सहमति विपरीत आफ्नो निर्णय लागू गर्दा समस्यामा परिनेछ । बोलीको लय कठोर बन्नाले सहयोगीहरू टाढिन सक्छन् । जटिल काम एक्लै समेट्नुपर्ने चुनौती आउन सक्छ । विवादबाट टाढा रहनुहोला र व्यवहारले परिस्थिति अनुकूल बनाइराख्ने प्रयास गर्नुहोला ।