सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा

  • बुधबार, फागुन १०, २०७९
  • ०३:२०:५७
Profile Image

सुनिल श्रेष्ठ

जेठ १३, २०८१, खोटाङ

Image

सुचन राईस्मृति मेयरकप आमन्त्रित फुटवल प्रतियोगितामा केएफएले चुम्यो उपाधि

केएफए खेलकुद पत्रकारिता पुरस्कारबाट राजकुमार भट्टराई पुरस्कृत 

हलेसीन्युजडेस्क, खोटाङ /

खोटाङको सदरमुकाम दिक्तेलवजारस्थित निर्माणाधिन माटिकोरे रंगशालामा आयोजना गरिएको सुचन राई स्मृति केएफए दिक्तेल हलेसी मेयर कप आमन्त्रित फुटवल प्रतियोगिता सम्पन्न भएको छ । जेष्ठ ९ गतेदेखि शुरु गरिएको सुचन राई स्मृति केएफए दिक्तेल हलेसी मेयर कप आमन्त्रित फुटवल प्रतियोगिता आयोजक टिम खोटाङ फुटवल एकेडेमीले प्रथम उपाधि हात पार्दै जेष्ठ १२ गते सम्पन्न भएको हो ।

विगतमा दिक्तेल हलेसी मेयर कप फुटवल प्रतियोगिताको नामबाट सञ्चालन हुदै आइरहेको प्रतियोगितालाई नै यस वर्षदेखि सुचन राई स्मृति केएफए दिक्तेल हलेसी आमन्त्रित फुटवल प्रतियोगिताको रुपमा खेलाउन शुरु गरिएको आयोजकले जनाएको छ । खोटाङ फुटवल एकेडेमीका सहसचिव तथा खेलाडी सुचन राईको केही दिन अगाडि असामयिक निधन भएपछि उहाँको स्मृतिमा मेयरकपलाई खेलाउन नगरपालिकाहरुसँग सहमति भए अनुसार सुचन राई स्मृति केएफए मेयर कपबाट प्रतियोगिताको आयोजना गरिएको आयोजकको भनाई छ ।

प्रतियोगितामा आयोजक टिम खोटाङ फुटवल एकेडेमीले सोल्मा स्पोर्टस क्लवलाई २–१ गोलले हराएर प्रथम घोषित हुदै नगद रु १ लाख ५० हजार सहित ट्रफी, मेडल र प्रमाण पत्र प्राप्त गरेको छ भने उपविजेता टिम सोल्मा स्पोर्ट्स क्लवले रु.७५ हजार सहित ट्रफी, मेडल र प्रमाणपत्र प्राप्त गरेको छ ।

खेल प्रारम्भ भएको केही क्षणमै सोल्मा स्पोर्ट्स क्लवका एक खेलाडीले रेडकार्ड पाएपछि आठ खेलाडीमा सिमित हुदै प्रतियोगिताको सामना गर्नु परेको थियो ।

प्रतियोगितामा सोल्मा स्पोर्ट्सका विकेन राई उत्कृष्ट खेलाडी घोषित हुदै रु ५ हजार पुरस्कार तथा प्रमाणपत्र पाएकाछन् । यस्तै धेरै गोल गर्ने केएफए का सुजन माझी र सोल्मा स्पोर्टसका विकेन राईले जनही रु ३ हजार पुरस्कार प्राप्त गरेकाछन् । उनीहरुले खेल अवधिभर ४/४ गोल गरेका थिए । प्रतियोगितामा उत्कृष्ट गोलकिपरका रुपमा केएफएका रोहण परियार, उदीयमान खेलाडीमा केएफए निलोका पास्कल बस्नेत, वेष्ट डिफेण्डरमा केएफएका शैलेश वजिमय र उत्कृष्ट प्रशिक्षकमा केएफएका प्रशिक्षक रोशेश श्रेष्ठ छानिएका छन् । उनीहरुले जनही रु २५ सय नगद पुरस्कार तथा प्रमाणपत्र प्राप्त गरेकाछन् ।

सोही अवसरमा पत्रकारिताको माध्यमबाट  खेलकुद क्षेत्रको प्रवर्द्धनमा निरन्तर योगदान पुराए वापत पत्रकार राजकुमार भट्टराई केएफए खेलकुद पत्रकारिता पुरस्कार–२०८१ बाट रु ५ हजार नगद तथा पमाणपत्र सहित पुरस्कृत हुनुभएको छ । पत्रकारिताको माध्यमबाट जिल्लाको खेल क्षेत्रको बृत्ति र विकासमा पुर्याएको योगदानको कदरस्वरुप पत्रकार भट्टराईलाई पुरस्कृत गरिएको खोटाङ फुटबल एकेडेमीका अध्यक्ष नूरकाजी शैंजूले बताउनुभएको छ ।

वि.सं. २०७५ सालदेखि हलेसी एफएमबाट सञ्चारक्षेत्रमा प्रवेश गरी विभिन्न अन्य चर्चित एफएमहरुमा अनुभव बटुलि सक्नुभएका पत्रकार भट्टराई हाल रुपाकोट खवरसँग आवद्ध हुनुहुन्छ । उहाँ गोरखापत्र दैनिकको खोटाङ सम्वाददाताको रुपमा पनि कृयाशिल हुनुहुन्छ । निष्पक्ष, इमान्दार र समाजका विकृति विसंगतिको चिरफर गर्न कृयाशिल पत्रकारका रुपमा चाँडै छवि बनाउन सकेका भट्टराई पछिल्लो समय भ्यूज अफ नेपालमा समेत आवद्ध भएर समाजका सुक्ष्म गतिविधिहरुलाई उजागर गर्दै आइरहनुभएको छ ।

 केएफए खेलकुद पत्रकारिता पुरस्कार–२०८१ गैहण गर्दै पत्रकार राजकुमार भट्टराई

त्यस्तै सोही अवसरमा राष्ट्रिय अन्डर १३ फुटवल टिममा छनौट हुन सफल केएफएका प्रशिक्षार्थी एन्जल राई लगायत प्रदेशसम्म छनौट हुन सफल अन्य प्रशिक्षार्थीहरुलाई समेत सम्मान गरिएको छ ।

खेलको मूख्य प्रायोजक दिक्तेल रुपाकोट मझुवागढी तथा प्रायोजक हलेसीतुवाचुङ नगरपालिका रहेकोे जनाइएको छ ।
 

हलेसीन्युजडेस्क, खोटाङ / मकालु साहित्यिक समाज संखुवासभाको आयोजनामा पञ्चेबाजामा...

हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिका वडा नं. १...

हलेसीन्युजडेस्क, खोटाङ / खोटाङमा निर्धारित समय अगाडि नै काम सम्पन्न गर्ने...

हलेसीन्युजडेस्क, खोटाङ / नेपाल सरकारले लागू औषध दुरुपयोग तथा अवैध ओसारपसार...

हलेसीन्युजडेस्क, खोटाङ/ खोटाङको जन्तेढुंगा गाउँपालिका वडा नं. ५ चिसापानी, खुटास्थित वालोदय...

हलेसीन्युजडेस्क, खोटाङ / खोटाङको जन्तेढुंगा गाउँपालिकालाई पूर्ण खोप सुनिश्चितता गाउँपालिका घोषणा...

Horoscopes Icon

All Horoscopes