मंसिर १७, २०८१, Khotang
हलेसीन्युजडेस्क, खोटाङ /
खोटाङको रावाबेसी गाउँपालिका वडा नम्बर १ कुभिन्डेमा बाँसको फर्निचर लगायत विभिन्न सामाग्रीहरु बनाउने एक महिने सीप विकास तालिम शुरु भएको छ । रावाबेसी गाउँपालिका र घरेलु तथा साना उद्योग कार्यालय खोटाङकोे संयुक्त साझेदारीमा वडा नम्बर १ कुभिन्डेमा मंसिर १४ गते देखि बाँसको फर्निचर लगायत विभिन्न सामाग्रीहरु बनाउने एक महिने सिप विकास तालिम शुरु भएको रावाबेसी गाउँपालिकाका अध्यक्ष फटिककुमार श्रेष्ठले हलेसी एफएमलार्ई बताउनुभयो ।
अध्यक्ष श्रेष्ठका अनुसार तालिममा रावाबेसी गाउँपालिका भित्रका ६ वटै वडाका दुर्ई/दुई जना सहभागी गराउने सोँच भएपनि हाल वडा नम्बर १ कुभिन्डेका स्थानिय १२ जनाले मात्रै सहभागी जनाइरहेको बताइएको छ । रावाबेसी गाउँपालिकाले सीप सिक्न आउने सबैलार्ई खाना तथा बाँसको ब्यवस्था गर्ने व्यवस्था गरिएको पालिका श्रोतले जनाएको छ । यस्तै तालिमका लागि आवश्यक समाग्रीहरु घरेलु तथा साना उद्योग कार्यालय, खोटाङले जुटाइदिने घरेलुका प्रमुख भेषराज खत्रीले जानकारी दिनुभयो । उहाँका अनुसार तालिममा सहभागी संख्या र उनीहरुको चाहना अनुसार तालिम अवधि बढाउन पनि सकिनेछ ।
रावाबेसी गाउँपालिका १ कुभिन्डेमा सुरुभएको बाँसको फर्निचर बनाउने तालिम एक महिना सम्म चल्ने उदयपुर त्रियुगा नगरपालिका २ गाइघाट बाट आउनु भएका प्रशिक्षक पदमनाथ फुयालले बताउनु भयो । उहाँ भन्नुहुन्छ—‘अहिले यस ठाउँका १२ जना युवाले तालिम लिईरहेको छन् । गाउँघरमा प्रशस्त पाइने बाँसबाट सामग्री बनाउने सीप पाएपछि सहभागीहरु खुशी भएका छन् ।’
प्रशिक्षक फुयाँलका अनुसार तालिममा सहभागीहरुलाई बाँसबाट कलात्मक सामाग्रीहरु, बस्न प्रयोग गरिने मुढा, कुर्सी, टेबुल, दराज, फूलदानी लगायतका विभिन्न सामानहरु बनाउन सिकाइनेछ । उहाँले सहभागीहरूमा सिक्ने उत्सुकताका कारण तालिम फलदायी हुने पनि बताउनुभयो ।
‘सिप सिकेपछि राम्रा सामाग्रीहरु बनाउन सकियो भने राम्रै आम्दानी गर्न सकिन्छ’ -प्रशिक्षक फुयाँलले भन्नु भयो । स्थानीय रूपमा पाइने वस्तुबाट विभिन्न सामग्री बनाउँदा एकातिर आत्मनिर्भर हुने र अर्कातिर परम्परागत सीपको पनि संरक्षण हुने वडा न १ का वडा अध्यक्ष गेहेन्द्रमान रार्ईले बताउनु भयो । अध्यक्ष राईले सीप र प्रविधिको अभावमा खेर गईरहेका बाँसको सदुपयोग गरी निम्न आर्थिक आय भएका नागरिकहरुको जीवनस्तर बदलिने विश्वास व्यक्त गर्नुभयो ।
कभिण्डे लगायत आसपासका गाउँहरुमा प्रसस्त बाँस पाइने हुँदा तालिम प्राप्त गरेपछि कच्चा पदार्थका लागि अन्यत्र जानु नपर्ने स्थानीयको भनाई छ ।
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकामा आगामी फागुन १५,...
हलेसीन्युजडेस्क, खोटाङ / खोटाङकोे दिक्तेल रुपाकोट मझुवागढी नगरपालिका वडा नं....
हलेसीन्युजडेस्क, खोटाङ / दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई र...
हलेसीन्युजडेस्क, खोटाङ / खोटाङ जिल्लाबाट वैदेशिक रोजगारीका सिलसिलामा विदेशमा काम गरिरहेका...
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकाले आयोजना गर्न लागेको...
२०८१ पौष
पुस महिनामा मेष राशिलाई सामान्य फलदायी देखिन्छ । ठूलो योजना पूरा गर्न केही समय लाग्नेछ । मिहिनेत गर्दागर्दै पनि काममा केही चुनौती देखापर्नेछन् । सानातिना उल्झनले काममा अवरोध आउन सक्छ । परिवारजनमा देखिएको मतभेदले पनि काम अपूरो रहने संकेत दर्साउँछ । उध्यपि अन्य शुभचिन्तचकहरूबाट साथ–सहयोग प्राप्त हुनेछ । प्रतिकूल परिस्थितिका बाबजुद आवश्यकता र चुनौती नै कर्मयोगका प्रेरक बन्नेछन् । अध्ययनमा धेरै समय दिन नसकिए पनि बौद्धिक स्तरका काम सम्पादन हुनेछन् । पहिले गुमेको स्थान प्राप्त हुनुका साथै आफ्नो वर्चस्व बढ्नेछ । अत्यधिक परिश्रमले थकान र कमजोरी भने निम्त्याउन सक्छ । सरोकार नभएका विषयमा चासो राख्नाले व्यवहारमा दुःख पाइनेछ । सुझबुझले काम लिँदा आंशिक सफलता प्राप्त हुनेछ। रोकिएको काम थालनी गर्न सकिनेछ ।
२०८१ पौष
पुस महिनामा वृष राशिलाई केही संघर्ष गर्नुु पर्ने हुन्छ । पेसा–व्यवसायमा गरेको लगानी अड्किन सक्छ । आइपर्ने बाधा र चिन्ताले पहिलेको अडानमा टिक्न समस्या पर्नेछ। स्वास्थ्यका लागि आराम र खानपानमा ध्यान दिनुहोला। सहयोगीहरू पछि हट्न सक्छन् र आफ्नाले समेत हतोत्साहित तुल्याउने चेष्टा गर्नेछन्। धैर्य एवं होसियारीले उपलब्धि जोगाउन सकिनेछ। काम गर्दै जाँदा केही नोक्सानी वा जरिवाना व्यहोर्नुपर्ने हुन सक्छ। राजनीतिक तथा सामाजिक प्रभाव कमजोर बन्नाले जोस–जाँगरमा कमी आउन सक्छ। चोटपटकको योग भएकाले हातहतियारको उपयोग सावधानीसाथ गर्नुहोला। नयाँ काम गर्न बाधा भए पनि पहिले रोकिएका काम दोहोर्याउँदा फाइदा हुनेछ। अवसरका लागि केही दौडधुप गर्नुपर्ला। नियमित आम्दानी भइरहनेछ, गोपनीयतामा ध्यान पुर्याउनुहोला।
२०८१ पौष
पुस महिनामा मिथुन राशिलाई केही खर्चिलो रहने सम्भावना छ । पतिपत्नीबीच मतभेद देखिनाले घरायसी काममा अप्ठ्यारो पर्न सक्छ। नयाँ काम गर्न समय लागे पनि नियमित काम सम्पादन भइरहनेछन्। श्रम परे पनि पेसा–व्यवसायमा फाइदै हुनेछ। व्यापारमा सामान्य लाभ भइरहनेछ। तर लगानीबाट चिताएको लाभांश नउठ्नाले आर्थिक व्यवस्थापनमा केही समस्या पर्न सक्छ। व्यवसायमा पनि लगानी थप्नुपर्ने परिस्थिति आउन सक्छ। व्यावसायिक यात्रा गर्ने साइत जुर्नेछ। अध्ययनको सफलताले पनि विदेश जाने अवसर दिलाउन सक्छ। सोखले खर्च बढाए पनि मनपर्ने भौतिक साधन, सवारी आदि जोड्ने समय छ। तर आफ्नो मान्यतामा अडान लिँदा साथीभाइ टाढिन सक्छन्, ख्याल गर्नुहोला। महिनाको उत्तरार्धमा भने सहयोगीहरू पनि फेला पार्न सकिनेछ, प्रयत्न गर्नुहोला।
२०८१ पौष
पुस महिनामा कर्कट राशिलाई विशेष उपलब्धि रहनेछ । नयाँ अवसर प्राप्त हुनेछन् । शत्रुबाधा हट्नेछ भने रोग निवारण हुनेछ। विवाद तथा द्वन्द्व भने भइरहने समय छ । तापनि प्रतिस्पर्धाको दौडमा विजय प्राप्त हुनेछ । आँटले काम लिने समय छ। कृषि, उद्योग र व्यवसायमा फाइदा हुनेछ । आर्थिक समस्या सुल्झनेछ र केही भौतिक साधन जुटाउन पनि सकिनेछ । रोकिएका काम सम्पादन हुनेछन् । नयाँ काम थालनी हुने समय छ । पुरुषार्थी कामले उत्साह जगाउनेछ । आफ्नो अभियानमा शुभचिन्तकहरूले साथ दिनेछन्। भविष्यका लागि नयाँ काममा जग बसाउन सकिनेछ। स्थापित पेसा–व्यवसायबाट मनग्य लाभ हुनेछ। सेयर तथा सट्टापट्टा सम्बन्धी कामले फाइदा दिलाउनेछ। सामान्य उपलब्धिलाई गुणात्मक बनाउने चेष्टा गर्नुहोला। र, वादविवादबाट टाढा रहने प्रयत्न गर्नुहोला।
२०८१ पौष
पुस महिनामा सिंह राशिलाई केही उतारचढाव आउन सक्छन् । मिहिनेत गर्दागर्दै पनि लक्ष्यको उचाइ प्राप्त गर्न मुस्किल पर्ने देखिन्छ। घरायसी कामकाजमा अधिक समय बित्नेछ। चिताएको काम खर्चिलो बन्नेछ। पेटको खराबी तथा मौसमी समस्याले स्वास्थ्य कमजोर रहनेछ। व्यापार तथा पेसा–व्यवसायमा मन्दीको प्रभाव पर्न सक्छ। उत्पादनले मूल्य नपाउँदा कृषकहरूको लगानी जोखिममा पर्न सक्छ। आयआर्जनमा कमी आउने हुँदा समयमै आम्दानी र खर्चको सन्तुलन मिलाउनुहोला। लेनदेन गर्दा आफ्नो धन सुरक्षामा सजग रहनुहोला। नोकरीमा अरूको दबाब झेल्नुपर्ने समस्या आउला। अध्ययनमा आलस्य जाग्ने र सहपाठीहरूको तुलनामा कमजोर भइने सम्भावना छ। अवसरका लागि मिहिनेत, दौडधुप र संघर्ष गर्नुपरे पनि आंशिक उपलब्धि प्राप्त भइरहनेछ।
२०८१ पौष
पुस महिनामा कन्या राशिलाई केही सावधानी अपनाउनुपर्ने देखिन्छ । घर–व्यवहार असन्तुलित बन्नाले चिन्ता बढ्न सक्छ। स्थायी प्रकृतिका सगोल वा साझा सम्पत्तिमा विवाद आउनाले एकता र साझेदारीको भावना विखण्डित हुनेछ। कुनै विद्रोह गर्नुपर्ने परिस्थिति पनि आउन सक्छ । महत्वाकांक्षाले व्यवहार बिग्रने सम्भावना छ। समस्या र पारिवारिक उल्झनबाट बाहिर निस्कन केही समय लाग्नेछ। कृषि र पशुपालनमा नयाँखाले समस्या आउन सक्छन्, समयमै समाधान गर्ने प्रयास गर्नुहोला। आफन्त, साथीभाइ र परिवारमा असमझदारी बढ्नाले काम रोकिन सक्छ। पेसा–व्यवसायमा सोचेको लाभ नभए पनि आर्थिक सन्तुलन कायम राख्न सकिनेछ। स्वास्थ्य कमजोर हुनेहरूलाई छाती, फोक्सो तथा दमको समस्या बढ्न सक्छ। नयाँ काम थाल्न केही समय प्रतीक्षा गर्नुहोला।
२०८१ पौष
पुस महिनामा तुला राशिलाई निकै उपलब्धिमूलक रहनेछ । पहिले रोकिएको कामले आशा जगाउनेछ। व्यवधान हट्नेछन् र सम्भावनाका नयाँ ढोका खुल्नेछन्। अग्रज तथा शुभचिन्तकहरूको साथ–सहयोग जुट्नाले पुरुषार्थी काम गर्न सकिनेछ। नोकरीमा प्रवेश, पदोन्नति वा अनुकूल स्थानान्तरण हुने बलियो सम्भावना छ। उद्योग र व्यापारमा मनग्य फाइदा हुनेछ। रोकिएका काम पनि सम्पादन हुनेछन्। शत्रुता साध्नेहरू पछि हट्नेछन्। प्रतिस्पर्धीलाई पनि पछि पार्न सकिनेछ। प्रशस्त धन र बहुमूल्य धातुहरू संग्रह गर्ने समय छ। मिहिनेत गर्नेहरूलाई सम्भावनाको मार्ग फेलापर्नेछ। प्रयत्न गर्दा पेसा–व्यवसायमा फाइदै हुनेछ। सञ्चित रकम खर्चनुपरे पनि भौतिक साधन र उपकरण संग्रह गर्न सकिनेछ। परिस्थितिले नयाँ जिम्मेवारी दिलाउन सक्छ। मेहनतले जीवनशैलीमा परिवर्तन आउनेछ।
२०८१ पौष
पुस महिनामा वृश्चिक राशिलाई संघर्ष गर्नुपर्ने देखिन्छ । अवसर र चुनौती बराबर आउनेछन्। पहिलेको प्रभावले केही काम सम्पादन भए पनि नयाँ काम थाल्न बाधा पर्नेछ। अरूको सुझावविपरीत आफ्नो निर्णय लिँदा पनि समस्यामा परिनेछ । आत्मसम्मानको बहानामा सहयोगीहरू टाढिन सक्छन्। जटिल काम एक्लै समेट्नुपर्ने चुनौती आउन सक्छ। अध्ययन तथा लेखनमा समय दिन नसकिएला। समस्याबाट बाहिरिन समय लाग्नेछ। केही अवसर आए पनि समयमा निर्णय नलिँदा काम रोकिनेछ। समयमा आलस्य गर्ने प्रवृत्तिले पछि परिनेछ। पेसा–व्यवसायमा लागत बढ्न सक्छ। पछिल्ला दिनमा आयस्रोत सबल बन्नेछ तर अधिक कर्जा लिएर जोखिम निम्त्याउनु भन्दा क्षति हुनबाट जोगिने प्रयास गर्नुहोला। सबैसँग नम्र व्यवहार गर्दै पहिलेका उपलब्धि जोगाउने प्रयास गर्नुहोला।
२०८१ पौष
पौष महिनामा धनु राशिलाई अप्ठ्यारा काममा हात हाल्नुपर्ने देखिन्छ जसले समस्याबाट बाहिरिन समय लाग्नेछ । पदको मोहले व्यर्थैमा श्रम, समय र धन खर्च हुनेछ। अरूको विचारमा सहमत बन्न नसक्दा विद्रोही भावना जागृत हुनेछ। केही आलोचकसमेत देखापर्नेछन्। लोकप्रिय छवि कायम राख्ने प्रयास गर्नुहोला। आत्मसम्मानका लागि संघर्षमा उत्रनुपर्ने स्थिति आउन सक्छ। बोलीको लयमा कठोरताको आभास हुनाले सहयोगीहरू जिम्मेवारीबाट पन्छिन सक्छन्। अरूको भरपर्दा काम रोकिने हुँदा स्वयं जुट्नुपर्नेछ। मिहिनेत गर्नेहरूलाई भने सम्भावनाको मार्ग पनि फेलापर्नेछ। प्रयत्न गर्दा पेसा–व्यवसायमा फाइदै हुनेछ। नगद खर्चनुपरे पनि भौतिक साधन र उपकरण संग्रह गर्न सकिनेछ। स्वास्थ्यमा शिर, दाँत र आँखाको समस्याले सताउन सक्छ। अध्ययन नगरी काम थाल्दा समस्या पर्नेछ, सावधान रहनुहोला।
२०८१ पौष
पौष महिनामा मकर राशिलाई केही खर्च बढ्नेछ । पेसा–व्यवसायमा मन्दी आउनाले लगानीको तुलनामा न्यून प्रतिफल प्राप्त हुनेछ। अनावश्यक हठ गर्ने बानीले पारिवारिक असमझदारी निम्त्याउनेछ भने फजुल खर्च पनि बढ्नेछ। नियमित काम सम्पादन भए पनि नयाँ कार्ययोजना स्थगित गर्नुपर्ने हुन सक्छ। सरकारी निकायबाट हुने कडिकडाउको सिकार समेत भइएला। परिस्थितिवश कार्ययोजना स्थगित गर्नुपर्ने अवस्था आउन सक्छ। महत्त्वाकांक्षाले व्यावहारिक समस्या निम्त्याउने हुँदा सावधान रहनुहोला। ठूलो आशा देखाउनेहरूले झुक्याउन सक्छन्। वादविवादमा अघि नसर्नुहोला। पाउमा चोटपटकको योग देखिएकाले जोखिम हुने काम, हातहतियार र सवारीसाधन उपयोग गर्दा सावधान रहनुहोला। सामान्य काममा अलमलिनु भन्दा दिगो अवसरका लागि प्रयत्न गर्नुहोला।
२०८१ पौष
पुस महिनामा कुम्भ राशिलाई फलदायी रहनेछ । रोकिएका धेरै काम बन्नेछन् भने आयआर्जनका स्रोत पनि बढ्नेछन्। प्रयास गर्दा नोकरीमा प्रवेश, पदोन्नति वा अनुकूल स्थानान्तरण हुन सक्छ। मिहिनेतले दिगो आयस्रोत जुटाउने समय छ। गरेका कामहरूको धेरैले प्रशंसा गर्नेछन्। अध्ययनमा प्रगति हुनेछ र व्यवसायमा आम्दानी बढ्नेछ। व्यापार, कृषि तथा पशुधनबाट पनि मनग्य लाभ हुनेछ। प्रयत्न गर्दा देश–विदेशको यात्रा गर्ने साइत जुर्न सक्छ। प्रेम र मित्रताको बन्धन कसिनेछ। सवारीलगायत विभिन्न भौतिक साधन प्राप्त हुनेछन्। योग्यता प्रदर्शन गरेरै स्वरोजगार बन्न सफल भइनेछ। चिताएको काम सजिलै सम्पादन गर्न सकिनेछ। उठ्नुपर्ने रकम हातलागी हुनेछ र आम्दानीका नयाँ स्रोत फेला पर्नेछन्। महिनाको अन्त्यतिर केही समस्या आउनेछन्, उपलब्धि जोगाउन सावधान रहनुहोला।
२०८१ पौष
पुस महिनामा मीन राशिलाई विभिन्न अवसर प्राप्त रहनेछ । उत्साहवर्धक रहनेछ । व्यापार तथा उद्योगतर्फ लगानी बढाउने समय छ। कृषि उपज र पशुधनबाट पनि राम्रै फाइदा हुनेछ। भूमि, वाहन र पैत्रिक सम्पत्तिको उपयोग गरी थप फाइदा उठाउन सकिनेछ। मिहिनेतीहरूलाई कर्मयोगले उचाइमा पुर्याउनेछ। नोकरीमा प्रवेश वा पदोन्नति हुन सक्छ। विशिष्ट व्यक्तिहरू नजिकिनेछन् भने मित्रता र प्रेमको बन्धन कसिनेछ। आयस्रोत सबल हुनेछ, स्रोत–साधन जुट्नेछन् र कीर्तिमानी कामको यश लिने अवसर प्राप्त हुनेछ। दाम, इनाम र प्रतिष्ठा कमाउने मौका छ। प्रयत्न गर्दा देशविदेशको यात्रा हुन सक्छ। स्वास्थ्यमा भने केही समस्या देखापर्न सक्छ। उद्योगतर्फ मर्मतसम्भारमा खर्च बढ्नेछ भने पेसा–व्यवसायमा थप लगानी जुटाउनुपर्ने हुन सक्छ। तापनि तारिफयोग्य कामले लाभ दिलाउनेछ।
अध्यक्ष :
प्रवन्ध निर्देशक
स्टेशन म्यानेजर :
कार्यक्रम संयोजक
बिज्ञापन शाखा प्रमुख
Copyright © 2023 All rights reserved by Halesi FM.
Designed & Developed by: AB Group (P.) Ltd.
