मंसिर २३, २०८०, खोटाङ
हलेसीन्युजडेस्क, खोटाङ /
खोटाङको दिक्तेलरुपाकोट मझुवागढी नगरपालिकाका नगर प्रमुख तीर्थराज भट्टराई तथा उपप्रमुख वीषण राई यतिखेर मित्र राष्ट्र दक्षिण कोरियाको १५ दिने भ्रमणमा हुनुहुन्छ ।
गत वर्ष माघ महिनामा नगरप्रमुख तीर्थराज भट्टराईद्धारा गरिएको मित्र राष्ट्र जापानको भ्रमणमा त्यहाँको तोचिगी नगरपालिकाका मेयर आखावा हिदेकोेलाई किराँत सँस्कृतिका प्रतिक चिण्डो र अन्य सामाग्रीहरु उपहार स्वरुप प्रदान गरेर किराँत सँस्कतिको प्रवर्द्धनको प्रारुप बसालिएको नगरप्रमुख भट्टराईलाई उदघृत गर्दै सोही प्रारुपमा दिक्तेल रुपाकोट मझुवागढी नगरपालिकाले किराँत सभ्यताको उद्वोधन हुने शव्द मुन्दुम अन्तराष्ट्रिय प्लेन एयर चित्रकला कार्यशाला तथा कला प्रदर्शनी–२०८० सम्पन्न गरिएको २ महिना नवित्दै कृषि–पर्यटन, शिक्षा र सँस्कृति तथा कला क्षेत्रमा पारिस्पारिक सहयोगका लागि वातावरण निर्माण गर्दै नगरपालिकाको अन्तर्राष्ट्रिय सम्बन्ध विस्तार गर्ने उद्धेश्य अनुरुप नगर प्रमुख भट्टराई तथा उपप्रमुख राई मंसिर १७ गते दक्षिण कोरियाको भ्रमणमा जानु भएको जनाइन्छ ।
नगरप्रमुख भट्टराईका अनुसार दक्षिण कोरियाको ग्युङगी प्रोन्सि अन्तर्गत पूर्वमेयर एशोसियसनका महासचिव, केएलसिसिका अध्यक्ष तथा शिहुङ नगरपालिकाका पूर्वमेयर लि यान शो र न्योङयुप विश्वविध्यालयका अध्यक्ष चो दोङ शोको औपचारिक निम्तोमा उहाँहरु दक्षिण कोरियाको भ्रमणमा जानुभएको हो ।
भ्रमणका क्रममा सङ्घीय लोकतान्त्रिक गणतन्त्र नेपालको दिक्तेल रुपाकोट मझुवागढी नगरपालिका र दक्षिण कोरियाको शिन आन्सान विश्वविद्यालय (यसपछि पार्टीहरू भनेर चिनिन्छ) बीच पारस्परिक रूपमा लाभदायक सहकारी सम्बन्ध स्थापना गर्न सहमत भएको नगरप्रमुख तीर्थराज भट्टराईले जनाउनुभएको छ ।
यस समझदारी पत्रको ढाँचाभित्रको सहकार्यले बजेटको उपलब्धता र पक्षहरूको कानूनमा आधारित भएर उत्कृष्ट विद्यार्थीहरूको लागि पारस्परिक सहयोग र विनिमय, सिफारिस र मार्गदर्शन गर्ने, अन्तर्राष्ट्रिय आदानप्रदान र संयुक्त परियोजनाहरूको विकास र कार्यान्वयन गर्ने, पर्यटन र उद्योग र अन्य जानकारीको आदानप्रदान गर्ने, नगर नीतिमा संयुक्त विकास र सल्लाहकार, पर्यटन क्षेत्रमा अनुभव आदानप्रदान, कोरियाली भाषा शिक्षालाई सहयोग गर्ने र संयुक्त परियोजनाहरू प्रवर्द्धन गर्ने,अन्य गतिविधि र कार्यक्रमहरु पक्षहरुद्वारा आपसी सहमतिमा गरिने भनिएको छ ।
यसैगरी बुँदा २ मा सहयोगका सर्तहरू तोक्दै यस समझदारी पत्र अन्तर्गत लागू हुने प्रत्येक विशेष कार्यक्रम र गतिविधिको लागि आवश्यक बजेट कुनै विशेष कार्यक्रम वा गतिविधि सुरु हुनु अघि विश्वविद्यालय र नगरपालिका बीच आपसी सहमतिमा हुनेछ जनाइएको छ ।
बुँदा ३ ले जिम्मेवार व्यक्तिको बारेमा विश्वविद्यालय र नगरपालिकाले यस समझदारी ज्ञापन अनुसार विशिष्ट गतिविधि वा कार्यक्रमहरूको विकास र समन्वय गर्न व्यक्तिहरूलाई तोक्ने जनाएको छ ।
बुँदा ४ ले बौद्धिक सम्पत्ति अधिकारको संरक्षण बारे प्रष्टाएको छ । जसअनुसार बौद्धिक सम्पत्ति संरक्षण दलहरूको राष्ट्रिय कानून, प्रकाशनमा प्रत्येक पार्टीको नाम, लोगो र÷वा आधिकारिक प्रतीक प्रयोग गर्ने कार्य, कागजातहरू र÷वा कागजहरू अन्य पक्षबाट पूर्व लिखित स्वीकृति बिना निषेधित छन् भनिएको छ ।
बुँदा ५ ले परिमार्जन र अतिरिक्तका सम्बन्धमा उल्लेख गरेको छ । जसअनुसार यस समझदारी पत्रमा परिमार्जन र अन्य थप गर्नु पर्ने विषयहरु विश्वविद्यालय र नगरपालिका बीचको आपसी सहमतिमा गर्न सकिन्छ । यस समझदारी पत्रमा सबै परिमार्जनहरू र अन्य थप विषयहरु यस समझदारी पत्रको एक आवश्यक भाग गठन गर्ने प्रोटोकलद्वारा वैधानिक मनिनेछ ।
बुँदा ६ ले यस समझदारीको प्रावधानको व्याख्या, प्रयोग वा कार्यानवयनमा उत्पन्न हुने विवादलाई नगरपालिका र विश्वविध्यालयले आपसी परामर्श र वार्ताबाट अनुकूल ढंगले सामाधान गरिने उल्लेख गरेको छ ।
बुँदा ७ मा अन्य प्रावधानहरू भन्दै यस समझदारी पत्रले विश्वविद्यालय र नगरपालिकाको आपसी सहयोगको जग बसाल्ने मनसाय व्यक्त गर्दछ र कानुनी दायित्वहरू सिर्जना गर्दैन भनिएको छ । यसैगरी यस समझदारी पत्रले तेस्रो पक्षहरूलाई कुनै कानूनी अधिकार प्रदान गर्दैन र अन्य अन्तर्राष्ट्रिय सम्झौताहरूबाट उत्पन्न हुने पक्षहरूको अधिकार र दायित्वहरूलाई असर नगर्ने स्पष्ट पारेको छ ।
अन्तिम बुँदा ८ ले प्रवर्तन, अवधि र समाप्तिका बारेमा व्यवस्था गरेको छ । यो समझदारी पत्र हस्ताक्षर भएको मितिदेखि लागू हुनेछ र पाँच वर्षको लागि कार्यान्वयन हुनेछ । त्यसपछि, यो सम्झौता स्वतः पाँच वर्षको लागि लम्बिनेछ । जबसम्म कुनै एक पक्षले समाप्तिको छ महिना अघि यो समझदारी पत्र समाप्त गर्ने आफ्नो मनसाय अर्कोलाई लिखित रूपमा सूचित गर्दैन, तबसम्म यो जारी रहने उल्लेख छ । यस समझदारी पत्रको समाप्तिले यस सम्झौताको समाप्ति मिति अघि सहमति भएका चलिरहेको गतिविधिहरू र कार्यक्रमहरूको कार्यान्वयनलाई असर गर्ने छैन भनिएको छ ।
दिक्तेल रुपकोट मझुवागढी नगरपालिकाका नगरप्रमुख भट्टराई र शिन आन्सान विश्वविध्यालयका अध्यक्ष प्रो.जि ईउइ शाङ द्धारा विहीवार हस्ताक्षरित यो ८ बुँदे समझदारी पत्रको कार्यान्वयनले नगरपालिका भित्र शैक्षिक क्षेत्रमा थप सहयोग पुग्ने, कृषि पर्यटन र उध्योगमा समेत प्रभावकारी रुपान्तरण हुनेमा नगरवासीले विश्वास लिने नगरपालिका श्रोत बताउँछ ।
दुई पक्षवीच सम्झौतापत्रमा हस्ताक्षर गरिदाका केही तस्विरहरु
p
सैयौँ भक्तजनहरुलाई आशिवर्चन प्रदान हलेसीन्युजडेस्क, खोटाङ / विश्वचर्चित स्वामी १००८...
हलेसीन्युजडेस्क, खोटाङ / खोटाङको दिप्रुङचुइचुम्मा गाउँपालिका वडा नं. ४ मार्से बतासे...
हलेसीन्युजडेस्क, खोटाङ / खोटाङको रावाबेसी गाउँपालिका-२ खार्पामा जन्मनु भएका पूर्व प्रशासक...
हलेसीन्युजडेस्क, खोटाङ / खोटाङस्थित महुली सामुदायिक लघुबित्त शाखा कार्यालयले आफ्नो कार्यालयको...
हलेसीन्युडेस्क, खोटाङ / खोटाङको दिक्तेल रुपाकोट मझुवागढी नगरपालिकाले नगरप्रमुखसँग विध्यार्थी कार्यक्रम...
२०८१ माघ
माघ महिना मेष राशिका लागि फलदायी रहनेछ । योजना ठूलो बन्नेछ । समय अध्ययन र अनुभवका लागि सकारात्मक देखिन्छ । यध्यपि काममा चुनौती आउनसक्छन् ्। उपव्धि हात पार्न कठिन संघर्ष नै गर्नुपर्ने हुन्छ । तापनि, महत्वाकांक्षी काम प्रारम्भ गर्ने समय छ । मेहनतले अवसर प्रदान गर्नेछ र जीवनशैलीमा सुधार ल्याउन सकिनेछ । प्रयत्न गर्दा नोकरीमा प्रवेश वा पदोन्नति हुन सक्छ । व्यापारमा राम्रै फाइदा हुनेछ। लगनशीलताले सम्मानित स्थान दिलाउनेछ। शुभचिन्तकहरूले साथ दिए पनि आफ्नाबाट धोका हुन सक्छ। उद्योगतर्फ मर्मतसम्भारमा खर्च बढ्नेछ भने व्यवसायमा लगानी बढाउनुपर्ने परिस्थिति आउन सक्छ । सामाजिक कामको जिम्मेवारी प्राप्त हुनेछ । महिनाको अन्ततिर अकस्मात खर्च बढ्नेछ, सजग हुनु वेश होला ।
२०८१ माघ
माघ महिनामा वृष राशिलाई आंशिक फलदायी रहनेछ । परिस्थिति धेरै अनुकूल नदेखिए पनि मेहनतले काम सम्पादन हुनेछ । अवसर, आवश्यकता र चुनौती नै कर्मयोगका प्रेरक बन्नेछन्। सहयोगी अभाव र कामको चापले लक्ष्यप्राप्तिमा केही विलम्ब होला। अध्ययनमा धेरै समय दिन नसकिए पनि बौद्धिक स्तरका काम सम्पादन हुनेछन्। प्रेम र मित्रताको बन्धन कसिनुका साथै रमाइलो यात्रा गर्ने अवसरसमेत प्राप्त हुनेछ। लगनशीलताले बिस्तारै लक्ष्यमा पुर्याउनेछ। पहिले गुमेको स्थान प्राप्त हुनुका साथै आफ्नो वर्चस्व बढ्नेछ। टाढिएका आफन्तहरू नजिकिनेछन्। ईष्र्या गर्नेहरूले दुःख दिए पनि हिम्मतले काम बन्नेछ। आयस्रोत सबल रहनेछ। सामाजिक जिम्मेवारी वहन गर्नुपर्ला। महिनाको अन्त्यतिर आम्दानी र स्वास्थ्यमा बाधा पर्नेछ।
२०८१ माघ
माघ महिनामा मिथुन राशिलाई केही चुनौति आउन सक्छ । संघर्ष गर्नुपर्ने हुन्छ । राजनीतिक तथा सामाजिक प्रभाव कमजोर बन्ने समय छ । अस्वस्थताका बाबजुद कामको बोझ बढ्न सक्छ। सोचेको लाभांश नउठ्नाले चिताएको काम रोकिन सक्छ। दुर्भावना राख्नेहरूले बिनाकारण दुःख दिनेछन्। सवारी एवं हातहतियारको उपयोग सावधानीसाथ गर्नुहोला। आफ्ना कमजोरीप्रति टिप्पणी वा गुनासो बढ्नेछ। आलोचकहरूले भड्काउने हुँदा सहयोगीहरू टाढिन सक्छन्। स्वास्थ्यमा पेटको समस्याले सताउन सक्छ। खर्च बढ्नेछ र आयस्रोत पनि अलि कमजोर बन्न सक्छ। नाम चलेका व्यक्तिले समेत धोका दिन सक्छन्। स्वाभिमानका लागि संघर्ष गर्नुपर्ला।मिहिनेतले काम बन्नेछ। शुभचिन्तकहरूको सहयोगले अप्ठ्यारो परिस्थितिलाई अनुकूल बनाउन सकिनेछ।
२०८१ माघ
माघ महिनामा कर्कट राशिलाई केही उतारचढाव आउनेछन् । पतिपत्नीबीच मतभेद बढ्नेछ भने प्रेम सम्बन्धमा खटपटि आउन सक्छ । अस्थिर मनोवृत्तिले अरूको विश्वास गुम्न सक्छ । घरखर्च बढ्नेछ भने आयआर्जनमा केही कमी आउने सम्भावना छ। अरूका विषयमा चासो राख्ने बानीले आत्मसम्मानमा चोट पुर्याउन सक्छ, सजग रहुनुहोला। तापनि अध्ययनको सफलताले विदेश जाने अवसर दिलाउन सक्छ। सोखले खर्च बढाए पनि भौतिक सुविधाका वस्तुहरू जुटाउन सकिनेछ। विवादास्पद काममा जुट्नुपरे पनि मिहिनेतको फल प्राप्त हुनेछ। दोहोर्याएर प्रयत्न गर्दा रोकिएको काम बन्नेछ। पेसा–व्यवसायमा फाइदा हुनेछ। व्यापारबाट आर्थिक स्थितिमा सुधार आउनेछ। आस मारेको काम सम्पादन हुनाले नयाँ कामतर्फ आकर्षित भइनेछ।
२०८१ माघ
माघ महिना सिंह राशिलाई विशेष उपलब्धिमूलक रहनेछ । शत्रुबाधा वा कामका विविध झमेलाहरूको माहोलबाट अघि बढ्नुपरे पनि लक्ष्यमा पुग्न सकिनेछ । आँटले काम लिँदा विभिन्न स्रोत प्राप्त हुनेछन्। सहयोगीहरूको साथ जुट्नेछ। भौतिक साधनहरू प्राप्त हुनाले महत्त्वाकांक्षी योजना प्रारम्भ हुन सक्छ। दिगो फाइदा हुने कामको जग बसाउने समय छ। खर्च बढे पनि आर्थिक समस्या समाधान हुनेछ। रोकिएका काम बन्नाले उत्साह जाग्नेछ। लगनशीलताले जीवनशैलीमा परिवर्तन ल्याउन सक्छ। सानो प्रयत्नले दिगो फाइदा दिलाउन सक्छ। ईष्र्या गर्नेहरूले काममा बाधा पुर्याउनेछन्। आम्दानी बाहिरिनाले बेलाबेला अर्थ अभाव सामना गर्नुपर्ला। दोस्रो सातादेखि काममा प्रगति हुनेछ। कर्मसाधना गर्नेहरूलाई फाइदा हुने समय छ।
२०८१ माघ
माघ महिना कन्या राशिलाई सामान्य फलदायी रहनेछ । स्वास्थ्यबाधा र पारिवारिक असमझदारीले केही समस्या निम्त्याए पनि पेसा–व्यवसायमा फाइदा उठाउन सकिनेछ। चिताएका काममा केही विलम्ब भए पनि सहयोगीहरूको साथ जुट्नेछ। टाढिएका आफन्तसँग भेटघाट तथा मेलमिलाप हुनेछ। गुरुजनको प्रेरणाले अध्ययनमा हौसला प्राप्त हुनेछ। बौद्धिक क्षमता बढ्नेछ। पढाइलेखाइतर्फ राम्रो नतिजा प्राप्त हुनेछ। परिस्थितिले साथ दिनेछ भने मनको डर उत्साहमा रूपान्तरित हुनेछ। सानो प्रयत्नले आर्थिक स्थितिमा सुधार आउनेछ। पहिले अड्किएका काम पनि पुनः प्रारम्भ हुनेछन्। क्षमता प्रदर्शन गरेरै स्वरोजगार बन्न सफल भइनेछ। प्रयत्न गर्दा देश–विदेशको यात्रा गर्ने अवसर जुट्नेछ। स्वास्थ्यका लागि खानपानमा सजग रहनुहोला।
२०८१ माघ
माघ महिनामा तुला राशिलाई घरेलु समस्या सुल्झाउन जुट्नुपर्ने समय छ। उच्च महत्त्वाकांक्षाले समस्या निम्त्याउने हुँदा बुद्धि–विवेकले काम लिने चेष्टा गर्नुहोला। भूमिबाट लाभ मिले पनि घर–जग्गा वा स्थायी सम्पत्तिमा वादविवाद आउन सक्छ। परिस्थितिवश मातापिता र परिवारजनबाट टाढा भइनेछ। अरूको भरपर्दा चिताएको काम रोकिन सक्छ। असंयम व्यवहारले समस्या निम्त्याउनेछ भने निकटजनहरूसँग बिनाकारण वादविवाद हुन सक्छ। तापनि, साथीभाइ र बन्धुबान्धवको सहयोगले परिस्थिति अनुकूल बनाउन सफल भइनेछ। मिहिनेत गर्दा व्यवसायमा फाइदै हुनेछ। लगनशीलताले अप्ठ्यारा काम पनि सम्पादन हुनेछन्। कृषि र व्यापारतर्फ पछि फाइदा हुने काम थालनी हुनेछ। भाग्यले मन मिल्ने प्रेमपात्र जुराउन सक्छ।
२०८१ माघ
माघ महिना वृश्चिक राशिलाई केही संघर्षमय रहनेछ। तापनि विभिन्न अवसर जुट्नाले काममा उत्साह जाग्नेछ र प्रशस्त फाइदा उठाउन सकिनेछ। सुरुमा रोकिएका काम दोस्रो सातादेखि सम्पादन हुनेछन्। उद्योग–धन्दामा विशेष सफलता पाइनेछ। नोकरीमा पदोन्नति वा विशेष लाभ मिल्नेछ। राजनीतिक क्षेत्रमा पनि पद–प्रतिष्ठा प्राप्त हुने ग्रहयोग छ। प्रतिस्पर्धीहरूले हार खानेछन्। शत्रु र रोगबाट छुटकारा मिल्नेछ। प्रतिष्ठित व्यक्तिहरूको सहयोग जुट्नाले प्रतिष्ठित काम शुभारम्भ गर्न सकिनेछ। मिहिनेत गर्दा जीवनशैलीमा राम्रै परिवर्तन आउनेछ। घरमा सुख–समृद्धि बढ्नेछ। भूमिलगायत स्थायी सम्पत्तिको विषयमा केही विवाद निस्कन सक्छ। सगोलको सम्पत्तिमा भागबन्डा लाग्न सक्छ। पेट र कब्जियतको समस्याले सताउने सम्भावना छ।
२०८१ माघ
माघ महिनामा धनु राशिलाई कामको चाप बढ्ने सम्भावना छ । अवसरका लागि केही दौडधुप गर्नुपरे पनि तपाईंको गन्तव्य लक्ष्य नै हुनेछ। काममा चुनौती देखिए पनि आशा गरिएको फल बिस्तारै प्राप्त हुनेछ। पढाइ, लेखन, संगीत र कलामा रुचि बढ्नुका साथै प्रतिभाको उचित कदर हुनेछ। मिहिनेतले प्रतिद्वन्द्वीलाई पछि पार्न सकिनेछ। आँटले काम सम्पादन हुनेछ। व्यवसाय र उद्योगधन्दामा सामान्य फाइदा हुनेछ। केही धनमाल हराउने वा ठगीमा परिने सम्भावना देखिएकाले सजग रहनुहोला। स्वास्थ्यमा शिर तथा पेटको समस्याले सताउन सक्छ। आवश्यक पर्दा आफन्त र साथीभाइसँगको सहयोग नजुट्न सक्छ। घर–गृहस्थी, प्रेम सम्बन्ध आदिमा समय दिन नसकिएला। जिम्मेवारी पूरा गरे पनि सम्बन्धमा उतारचढाव आउन सक्छ।
२०८१ माघ
माघ महिना मकर राशिलाई सामान्य फलदायी रहनेछ । अप्ठ्यारा कामको नेतृत्व लिनुपरे पनि सफलताको यश प्राप्त हुनेछ। आँटले पुरुषार्थी काम सम्पादन हुनेछ। परिस्थिति संघर्षमय रहे पनि आर्थिक रूपमा फाइदा उठाउन सकिनेछ। बुद्धिको उपयोगले उल्झनहरू हटाउन सफल भइनेछ। प्रतिष्ठाको संघर्षमा विजय प्राप्त हुनेछ। दौडधुपमा खर्च बढे पनि आम्दानी प्रशस्त हुनेछ। आफन्तसँग असमझदारी बढे पनि साथीभाइले साथ दिनेछन्। शुभचिन्तकहरूलाई साथ लिएर अघि बढ्दा विशेष विशेष फाइदा हुनेछ। कृषि तथा पशुधनबाट फाइदा पुग्नेछ। देश–विदेशको यात्रा गर्ने अवसर जुट्नेछ । महिनाको मध्यतिर खर्च बढ्नाले अर्थअभाव देखा पर्न सक्छ । स्वास्थ्यमा टाउको दुखाइ तथा आँखाको कमजोरीले सताउने सम्भावना छ ।
२०८१ माघ
माघ महिना कुम्भ राशिलाई केही खर्चिलो रहने देखिन्छ । विवादास्पद काममा हात हाल्नाले अलि दुःख पनि पाइनेछ। आश्वासन बाँड्नेहरूले प्रतिज्ञा पूरा नगर्न सक्छन्। काम बने पनि पूर्वाद्र्धमा खर्च बढी हुनेछ। सहयोगको नाउँमा आफ्ना कमजोरीको फाइदा उठाउनेहरू सक्रिय हुनेछन्। अनावश्यक दौडधुपमा पनि समय बित्नेछ। आफन्तजन बिनाकारण टाढिने सम्भावना रहेकाले संयमतापूर्वक व्यवहार गर्नुहोला। वादविवाद र मुद्दा–मामिलाबाट टाढै बस्नु बुद्धिमानी हुनेछ । समस्या दर्साउँदा शुभचिन्तकहरूको सहयोग र सद्भाव प्राप्त हुनेछ । भविष्यका लागि विशेष काममा जग बसाउने अवसर जुट्नेछ। भूमि, वाहन र पैत्रिक सम्पत्तिको उपयोग गरी केही फाइदा उठाउन सकिनेछ । प्रयत्न गर्दा देश–विदेशको यात्रा गर्ने अवसर प्राप्त हुनेछ ।
२०८१ माघ
माघ महिना मीन राशिलाई उपलब्धिमूलक रहनेछ । रोकिएका काम बन्नुका साथै आयआर्जनका नयाँ स्रोत फेला पर्नेछन् । मानसम्मानका साथ प्रशस्त आम्दानी हुनेछ । समाजमा सम्मानित स्थान प्राप्त हुनेछ । नोकरीमा प्रवेश वा पदोन्नति हुन सक्छ । पढाइलेखाइमा पनि प्रगतिको समय छ। गरेका कामहरूको धेरैले प्रशंसा गर्नेछन्। उत्साहजनक समाचार सुन्न पाइनेछ। सोखले विलासी वस्तुहरू जुटाउन प्रेरित गर्नेछ। मिहिनेतले नाम, दाम र इनाम दिलाउनेछ । भाग्यले असल प्रेमपात्र जुराउनुका साथै घर–गृहस्थीमा मन रमाउनेछ। एकपछि अर्को गर्दै महत्त्वाकांक्षा पूरा गर्न सकिनेछ। दिगो काममा जग बसाउने अवसर जुट्नेछ। सोखले खर्च बढाए पनि विलासी वस्तुहरू जुटाउने समय छ यो महिना यात्राको सुयोग छ ।