हलेसीन्युजडेस्क, खोटाङ

कतारका अमिर शेख तमिम विन हमाद अल थानी राष्ट्रपति रामचन्द्र पौडेलको मैत्रीपूर्ण निमन्त्रणामा मंगरवार नेपालको दुई दिवसीय राजकीय  भ्रमणका लागि काठमाण्डु आइपुग्नुभएको छ । राष्ट्रपति पौडेलले विमानस्थलको अति विशिष्ट कक्षमा कतारी अमिरको स्वागत गर्नुभएको थियो । 

कतारका अमिर विमानस्थलबाट सोझै राष्ट्रपति भवन शीतल निवास पुग्नुभयो । शीतल निवासमा राष्ट्रपति पौडेल र कतारका अमिरबिचको प्रतिनिधिमण्डलसहित द्विपक्षीय भेटवार्ता भएको थियो ।

राष्ट्रपति पौडेलले हिजै साँझ कतारका अमिरको सम्मानमा रात्रिभोजको आयोजना गर्नुभयो । सो अवसरमा विविध सांस्कृतिक झलक पनि प्रस्तुत गरिएको थियो । रात्रिभोजमा प्रथम महिला सविता पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्ड, सभामुख, राष्ट्रियसभाका अध्यक्ष, प्रधानन्यायाधिश, पूर्वप्रधानमन्त्रीहरु, उपप्रधानमन्त्री, मन्त्री, सांसद, उद्योगपति एवं विभिन्न क्षेत्रका लब्ध प्रतिष्ठितहरुको सहभागिता रहेको थियो । 

आज विहान (बुधवार) अमिर थानी र नेपालका प्रधानमन्त्री पुष्पकमल दाहालबीच प्रतिनिधिमण्डलस्तरमा द्विपक्षीय भेटवार्ता हुने कार्यक्रम तय भएको छ ।   

आजै कतारका अमिरको स्वदेश फिर्ती कार्यक्रम रहेको थाहा भएको छ ।

[ यो पनि--कतारको अमिर आज नेपाल भ्रमणमा आउनुहुँदै  }