————पवित्रा मगर

जिन्दगी बाट पछि परे नि उद्धेश्यबाट हारेको छैन आमा ।
सङ्घर्ष गर्दागर्दै बिफल भए नि आशा भने मारेको छैन आमा ।।

स्वार्थी मानिसहरूप्रति घृणा पलाए पनि कहिल्यै गुनासो  छैन ।
तर मलार्ई झुटो आरोप लाए नि अरुलाई तिरस्कार गरेको छैन आमा ।

यी धर्तिमा मैले विवाह नगर्दा धेरैलाई पिर परेको थियो रे । 
अरुले कुरा काटे, लाञ्छना लाए नि बसाई अन्त सारेको छैन आमा ।।

म त उनिहरुलाई हरबखत बुझाउने तयारी गरेको थिएँ ।
मेरो भलो चाहुन या  कुभलो, चियोचर्चोमा संसार चहारेको छैन आमा ।। 

मानिस जीवनमा परिस्थिति वा परिवेशबस परिवर्तन हुदो नै रहेछ ।
आमाको न्यानो काख विर्सेर सात समुन्द्र आफूलाई तारेको छैन आमा ।।