हलेसीन्युजडेस्क, खोटाङ

खोटाङको हलेसीतुवाचुङ नगरपालिकास्थित दुर्छिममा ‘कोशी प्रदेश अन्तर्गतको स्थानीय सरकारको नवीकरणीय उर्जा र सामाजिक आर्थिक विकासमा क्षमता अभिवृद्धिको लागि व्यवसाय विकास सेवाहरु’ नामक परियोजना अन्तर्गत  पाँच दिने क्षमता विकास तालिम सञ्चालन भैरहेकोछ ।

GIZ REEEP कार्यक्रमको आर्थिक सहयोगमा ग्रामिण प्रविधि केन्द्र नेपालद्धारा सामाजिक आर्थिक सशक्तिकरण सँगै नगर तथा गाउँपालिका क्षेत्रभित्र नवीकरणीय उर्जामा आधारित महिला तथा बञ्चितिकरणमा पारिएका समुदाय केन्द्रित उद्यम व्यवसाय प्रवद्र्धनका लागि तालिम प्राप्त दक्ष जनप्रतिनिधिहरु तथा जनशक्ति विकास गर्ने उद्धेश्यले ‘कोशी प्रदेश अन्तर्गतको स्थानीय सरकारको नवीकरणीय उर्जा र सामाजिक आर्थिक विकासमा क्षमता अभिवृद्धिको लागि व्यवसाय विकास सेवाहरु’ नामक परियाजना अन्तर्गत मंगलवारदेखि पाँचदिने क्षमता विकास तालिम सञ्चालन भएको हो ।

उक्त तालिममा खोटाङको हलेसीतुवाचुङ नगरपालिका, दिक्तेलरुपाकोट मझुवागढी नगरपालिका, जन्तेढुङ्गा गाउपालिका, रावावेशी गाउँपलिकाबाट  जनप्रतिनिधि सहित उध्यम विकास सहजकर्ता र उध्यम विकास समितिका प्रतिनिधि गरी ३/३ जना सहभागी रहेका छन् भने भोजपुरबाट ट्याम्केमैयु गाउँपालिका, साल्पासिलिचुङ गाउपालिका, षडानन्द गाउँपालिका र आमचोक गाउँपालिकाबाट पनि जनप्रतिनिधि सहित उध्यम विकास सहजकर्ता र उध्यम विकास समितिका प्रतिनिधि गरी ३/३ जनाको सहभागिता रहेको जनाईएको छ । तालिममा ग्रामिण प्रविधि केन्द्रका सहजकर्ताहरु महेश श्रेष्ठ र राजेन्द्र घिमिरेबाट सहजिकरण भैरहेको छ ।

तालिम हलेसीतुवाचुङ नगरपालिका दुर्छिम स्थित होलेसुङ रिसोर्टको सभाहलमा सञ्चालन भैरहेको छ ।