हलेसीन्युजडेस्क, खोटाङ /

खोटाङको दिक्तेलरुपाकोट मझुवागढी नगरपालिकाले कालिका भगवती तथा मझुवागढी वरपर विभिन्न फूलहरुको  विरुवा रोप्ने क्रमलाई अभियानको रुपमा अगाडि वढाउदै उक्त क्षेत्रलाई प्राकृतिक शौन्दर्यकरण गराउन सरसफाईको काम पनि गरिदैछ । फूलको विरुवाहरु सुरक्षित ढंगले रोप्न र हुर्कन सहज वातावरण उपलव्ध गराउन दिक्तेल हाटडाँडादेखि देविथान तथा मझुवागढी जाने सिँढी वरिपरि तीन मिटरको दूरिमा झारपात र ससाना बुट्यानहरु हटाउदै दिक्तेल रुपाकोट मझुवागढी नगरपालिकाको सहजिकरणमा श्रावण ४ गते सरसफाईको काम गरिएको हो ।

देविथान तथा गढी जाने सिँढी वरिपरि सार्बजनिक स्थलमा हुने गरेको फोहोर मैला ब्यबस्थापनमा नगरपालिकाले विभिन्न सरकारी तथा गैह्र सरकारी कार्यालय एवं संघ संस्थाहरुसँग समन्वय गर्दै सरसफार्ई गरेको हो । सरसफाई कार्यक्रममा  दिक्तेलरुपाकोट मझुवागढी नगरपालिकाका नगरप्रमुख तीर्थराज भट्ठरार्ई, प्रमुख जिल्ला अधिकारी भोजराज खतिवडा, जिल्ला प्रहरी कार्यालय खोटाङका प्रमुख प्रहरी नायव उपरिक्षक मञ्जिल मुकारुङ , सशस्त्र प्रहरी वल हलेसी गुल्म दिक्तेल, सामुदायिक वन उपभोक्ता महासंघ नेपाल, देविस्थान सामुदायिक वन उपभोक्ता समूह, सम्पूर्ण कार्यपालिका सदस्य, नेवारी गुठी, नगरपालिकाका कर्मचारीहरुको उत्साह जनक उपस्थिति रहेको दिक्तेलरुपाकोट मझुवागढी नगरपालिका श्रोतले जनाएको छ । 

नगरपालिकाले धार्मिक, ऐतिहासिक तथा पर्यटन प्रवद्र्धनका साथै आन्तरिक श्रोत निर्माणको लागि कालिका भगवती तथा मझुवागढी परिसरलार्ई फूलै फूलको पहाड बनाउने लक्ष्य लिएको नगरप्रमुख भट्टराई भन्नुहुन्छ । गत वर्ष पनि मझुवागढी र कालिका देविस्थान क्षेत्रमा  फूल र विभिन्न जातका विरुवाहरु रोप्दै सो क्षेत्रलाई फूलैफूलको पहाड बनाउने संकल्प गरिएको थियो । नगरपालिकाले  मझुवागढी तथा कालिका देविस्थानलाई फूलैफूलको पहाडको रुपमा प्रवर्द्धन गर्दै त्यहाँको शौन्दर्यकरणलाई जोड दिदै आएको छ । फूलैफूलको पहाड बनाउने अभियान अन्तर्गत श्रावण ४ गते पनि  देबिस्थान जाने बाटो परिसरमा फुल रोप्नका लागि सो क्षेत्र जाने बाटोमा झाँडी र पोथ्रापोथ्री बुट्यानहरु फाँडेर सफा गरिएको हो  । सरसफाईको क्रममा अत्यधिक मात्रामा खैनी गुट्खाका खोल र प्लास्टिक जन्य बस्तुहरु फेला परेको थियो ।

त्यस्तै सरसफार्ई कार्यक्रममा नगरप्रमुख  भट्ठरार्ईले सरसफाई अभियानलाई निरन्तरता दिइदै सफा नगर÷समृद्ध नगरको अवधारणा साकार बनाउने र कालिकाभगवती तथा मझुवागढी परिसरलार्ई प्राकृतिक शौन्दर्यकरण गराउदै फूलै फूलको पहाडका रुपमा  प्रवद्र्धन गरिने बताउनु भएको छ । पछिल्लो समय नगरपालिका भित्रको सार्बजनिक स्थलमा अत्यधिक फोहोर बढेको भन्दै अब त्यसप्रति सजग हुन सबै नगरवासीमा आग्रह समेत गर्नुभयो ।