हलेसीन्युजडेस्क, खोटाङ /

खोटाङको सदरमुकाम दिक्तेलबजारमा फोटोग्राफी तथा सिनेअटोग्राफी  तालिम सञ्चालन हुने भएको छ । दिक्तेल रुपाकोट मझुवागढी नगरपालिका–१दिक्तेलबजारस्थित हिमालयन आर्ईटि इन्स्टिच्युटको आयोजना र घरेलु तथा साना उध्योग कार्यालय दिक्तेल खोटाङको सहयोगमा फोटोग्राफी तथा सिनेअटोग्राफी तालिम जेष्ठ ५ गतेदेखि १४ गतेसम्म सञ्चालन हुने हिमालयन आर्ईटि इन्स्टिच्युटका अध्यक्ष अजय बस्नेतले हलेसी एफ एमलार्ई जानकारी दिनुभएको छ ।  

इन्स्टिच्युटका अध्यक्ष बस्नेतका अनुसार बिशेष गरेर जिल्लामा रहेका मिडियाकर्मी र मिडिया ब्यवसायीहरु तथा यो क्षेत्रमा काम गर्न इच्छुकहरुका लागि यो तालिम महत्वपूर्ण रहनेछ । पछिल्लो समयमा सुचना प्रविधिको बढ्दो लोकप्रियता र डिजिटल नेपालको परिकल्पनालाई सफल बनाउन यो माध्यमबाट नवीनतम प्रविधिको सदुपयोग गरी सामाजिक, आर्थिक, राजनीतिक क्षेत्रमा समयानुकूल काम गर्ने सिप र क्षमता अभिवृद्धिका लागि यस्तो तालिम सहयोगी हुने उहाँको कथन छ । डिजिटल प्रविधिमा यो तालिमलाई आधारभूत तहको रुपमा मानिन्छ तर आगामी दिनमा एडभान्स तालिमहरु पनि हिमालयन आर्ईटि इन्स्टिच्युटले सञ्चालन गर्ने सोँच रहेको उहाँले बताउनुभयो । 

जेष्ठ ५ गते शनिवारदेखि १० दिनसम्म सञ्चालन हुने फोटोग्राफी तथा सिनेअटोग्राफी तालिमका लागि घरेलु तथा साना उध्योग कार्यालय दिक्तेल खोटाङले रु. १ लाख ५० हजार रकम वजेट उपलव्ध गराउने जनाइएको छ ।

जिल्ला समन्वय समिति खोटाङका प्रमुख सनबहादुर राई तथा फिल्म ईन्डस्ट्रीका बरिष्ठ कलाकार सुनिल थापाद्धारा फोटोग्राफी तथा सिनेअटोग्राफी आधारभुत तालिमको शनिवार संयुक्त रुपमा उद्घाटन हुने जनाइएको छ । सिने जगतका वरिष्ठ कलाकार थापाका साथ बरिष्ठ छायाँकार  गौरी शंखर धुजु पनि दिक्तेल आउनु हुने जनाइएको छ । 

२५ जना प्रशिक्षार्थीहरु सहभागी रहने तालिमको सहजिकरण काठमान्डौबाट आउनुहुने एभरेष्ट फिलिम एकेडेमिले गर्ने बताइएको छ  ।