हलेसीन्युजडेस्क, खोटाङ/
खोटाङंको दिक्तेलरुपाकोट मझुवागढी नगरपालिका—१५ विजयखर्कमा सञ्चालित साप्सुखोला वसेरी लिफ्टिङ खानेपानी आयोजनाको अनुगमन गरिएको छ । नगरपालिकाका नगरप्रमुख तीर्थराज भट्टराई, प्रमुख प्रशासकीय अधिकृत शुभाकर पौडेल तथा पत्रकारहरुको टोलिद्धारा शनिबार निर्माणाधिन योजनास्थलमा गएर अनुगमन गरिएको हो । 
अनुगमनका क्रममा निर्माण सम्पन्न भैसकेको एउटा ट्यांंकी चर्केको पाइएको हो । आयोजनाको बितरण ट्यांकीं  गुणस्तरहिन भएकोले चर्किएको  पाइएको छ । चर्किएको ट्यांकींलाई रिप्लेसमेन्ट गरी फेरि निर्माण गर्ने निर्णय भएको उपभोक्ता समितिका अध्यक्ष सरोज राईले बताउनुभयो ।

संघीय खानेपानी तथा ढल व्यबस्थापन आयोजना दिक्तेलको कूल रु.२९ करोड १३ लाख ९८ हजार ९ सय ९०  भ्याट तथा पिएस सहित काम सम्पन्न गर्ने गरी ठेक्का सम्झौता गरेको  सगरमाथा कन्स्ट्रक्सन निर्माण कम्पनिले चालु आबको साउन ४ गतेबाट काम शुरु गरेको हो । निर्माण कम्पनिले यो लागतमा आर भि टि टंकी ११ वटा, ट्रिटमेन्ट प्लान्ट १ वटा, बितरण पाइपलाइन १०९ कि. मि., ट्रान्समिसन पाइपलाइन ९ कि..मि., कार्यालय भवन १ वटा, गार्ड हाउस ५ वटा लगायतका कामहरु गर्नुपर्ने छ ।  
२०८१ साउन ३ गते काम सक्ने गरी कामको गति बढाइरहेको निर्माण कम्पनिले हालसम्म आर भि टि तथा फेरो ट्यांकी गरी ७ वटा निर्माण गरिसकेको छ । निर्माण भएका ट्यांंकी हरुमध्ये १ टंकी गुणस्तरहिन भएको भन्ने गुनासो आएपछि नगरपालिकाको नेतृत्वमा गएकाृ अनुगमन टोलिले अनुगमन गरी गुनासो आएको ट्यांकी रिप्लेस गरी निर्माण गर्ने सुझाब दिइसकेको छ । चर्किएको ट्याकींलाई रिप्लेसमेन्ट गरी फेरि निर्माण गर्ने निर्णय भएको उपभोक्ता समितिका अध्यक्ष सरोज राईले बताउनुभयो । 

यो आयोजना पटक पटक विवादित बन्दै आइरहेको छ । यस अघि आयोजना संचालनका लागि उपभोक्ता समिति गठनमा प्रकृया नपुर्याएको भन्दै नेकपा एमालेका स्थानीय नेता तथा माओवादी केन्द्रका स्थानीय नेता कार्यकर्ताहरुले विज्ञप्ति जारी गरी प्रकृयामा काम नभएको आरोप लगाएका थिए । 

jवस्तिको अनुगमन गर्नुहुदै नगरप्रमुख भट्टराई

यस्तै अनुगमन टोलिले बसेरीमा निर्माण भएको नयाँ बस्ति समेत अनुगमन गरेको छ । २०७२ सालको भूकम्प पश्चात आवासमा क्षति ब्यहोरेका परिवारको लागि दिक्तेलरुपाकोट मझुवागढी नगरपालिकाले निर्माण गराएको बस्ती बेवारिसे अबस्थामा पाइएको छ । राज्यको करोडौको लगानी परेको बस्ति प्रयोग बिहिन भएको देख्दा दुःख लागेको नगरप्रमुख भट्टराईले बताउनु भएको छ । बस्ति प्रयोगमा नआउनुको कारण माग्दा निर्माण पक्षले बेवास्ता गर्दा बस्तिलाई नगरपालिकाले हेर्न समस्या भएको उहाँको भनाइ छ । बस्तिमा १९ वटा घरहरु निर्माण गरिएको छ भने १८ वटा प्रयोग विहिन छन ।