हलेसीन्युजडेस्क, खोटाङ

खोटाङमा विद्युत शर्ट भएर आगलागी हुँदा करिब रु. १० लाख  ८० हजार बराबरको धनमाल नष्ट भएको छ । दिप्रुङचुर्ईचुम्मा गाउँपालिका वडा नं. १ याम्खा निवासी डिल्लीबहादुर खत्री र उनका छोरा तेजबहादुर खत्रीको गोठमा विध्युत शर्ट भएर आगलागी हुँदा पुर्णरुपमा गोठ जलेर रु. १० लाख  ८० हजार बराबरको क्षति भएको प्रहरीले जनाएको छ ।

घरमा कोही नभएको अवस्थामा सोमबार अपरान्ह ४ः४५ बजे विधुत शर्ट भएर आगो लाग्दा डिल्लीबहादुर खत्रीको गोठमा बाँधेर राखेको बाख्रा माउ छ वटा, बाख्राको पाठीहरु चार वटा, लोकल कुखुरा छ वटा तत्कालै जलेर मरेको छ भने आगोको ज्वालाले भेटेको दुर्ई वटा बोका आज बिहान मरेको दिप्रुङचुर्ईचुम्मा गाउपालिका १ यम्खाका वडाध्यक्ष केशवकुमार खत्रीले हलेसी एफ एमलार्ई जानकारी दिनु भएको छ ।  त्यस्तै छोरा तेजबहादुरका ६ वटा वाख्राहरु जलेर मरेको जनाइएको छ ।

घर परिवारका सदस्यहरु सबै बिहेमा गएको बेला आगलागी भएको थियो ।  गोठमा राखिएको परालका कारण आगो फैलिन जाँदा तत्काल आगो नियन्त्रण गर्न सम्भव नभएके अध्यक्ष खत्री बताउनुहुन्छ । 

याम्खाका प्रहरी हवल्दार, वडा अध्याक्ष केशव कुमार खत्री, स्थानीयहरु शेर बाहादुर खत्री, प्रेम खत्री, वडा सदस्य विदुर खत्री लगायत अन्य स्थानीय बासीहरुको पहलमा दुर्ईटा गोठ पुर्णरुपमा जलिसकेपछि आगो नियन्त्रणमा आएको थियो । 

डिल्लीबहादुर खत्री पहिला त्यही गोठमा बस्दै आउनु भएको थियो, पछि भुकम्पको घर बनाएर त्यहाँबाट नयाँ घरमा बस्न थाल्नुभएको थियो  ।