हलेसीन्युजडेस्क, खोटाङ /

खोटाङको दिक्तेलरुपाकोट मझुवागढी नगरपालिका वडा नं. १४ वुइपास्थित  पञ्चरदोबाटो टोल बिकास समितिद्धारा नेपाली नारीहरुको महान पर्व हरितालिका तिजको अवसरमा असोज १ गते सोेमवारको दिन खुल्ला लोक दोहोरी  प्रतियोगिता सञ्चालन गर्ने भएको छ । उक्त दिन  खुल्ला लोकदोहोरी प्रतियोगिता, संगिनीनाच, तिज गितमा खुल्ला लोकनृत्य, साकेला सिलि नेवार समुदायको  लाखे, मारुनी आदि  प्रतियोगिता गर्न लागिएको पञ्चरदोबाटो टोल बिकास समितिका कार्यक्रम संयोजक धन बाहादुर श्रेष्ठले जानकारी दिनुभयो । उहाँका अनुसार मौलिक भेषभुषा र परम्परागत संस्कृतिलाई निरन्तरता दिने हेतुले यो कार्यक्रमको  सञ्चालन गरिने भएको हो ।

उक्त खुल्ला लोक दोहोरी प्रतियोगिता कार्यक्रममा  प्रतियोगीहरुलाई सम्मान स्वरुप पुरस्कारहरुको व्यवस्था पनि गरिएको छ । खुल्ला लोकदोहोरी  कार्यक्रममा  प्रथम हुनेला्र्ई रु. १० हजार, द्धितिय हुनेलार्ई  रु. ८ हजार, तृतिय हुनेलाई  रु. ५ हजार र सान्त्वना हुनेलार्ई  रु.३ हजार रकम पुरस्कारको ब्यबस्था गरिएको छ । ( लोक दोहारीको शिर्ष भाका खोटाङ जिल्ला बुर्ईपा बजार ,  सम्झनामा आउछेउ हजार भन्ने रहेको छ ) 

पन्चरदोबाटो टोल बिकास समितिद्धारा आयोजना  गरिन लागिएको तिज बिशेष कार्यक्रममा प्रायोजकहरुमा दिक्तेल रुपाकोट मझुवागढी नगरपालिका वडा नम्बर १४ बुर्ईपा वडाकार्यलय, बिजयखर्क मैतृ समाज काठमान्डौ महानगरपालिका  १०, समाजसेवीद्धय राजनशेर रार्ई र देबविक्रम रार्ई रहनुभएको कार्यक्रम संयोजक श्रेष्ठले बताउनु भयो ।

विशेषतः यो चाडमा माइती(बाबु आमा,दाजुभाइ) ले छोरी/चेली लाई घरमा  बोलाएर मीठा–मीठा परिकार खुवाउने तथा मनका भावना एवम् सुखदुख साटासाट गरी एउटै ठाउँमा खाने–बस्ने चलन रहेको छ। यस दिन विशेष महत्त्वकासाथ दर खाने गरिन्छ। यही दर खाने दिनबाट नै तीज पर्वको आरम्भ भएको मानिन्छ। दरमा ठाउँअनुसार विभिन्न मिठा–मिठा परिकार साथै खिर, ढकने, सेलरोटी, केरा लगायतका खाना, फलफूल  खाएर तिज मनाउने गरिन्छ ।  तीज महिलाहरूद्वारा मनाइने एउटा पर्व को रुपमा लिएको छ । आधुनिक समाजमा तीजको महत्त्वलाई जुन रूपले व्याख्या गरिए पनि यो एक पौराणिक कालदेखि चलिआएको परम्परा हो।