हलेसीन्युजडेस्क, खोटाङ /

खोटाङको दिप्रुङचुर्ईचुम्मा गाउँपालिका वडा नं.७ टेम्मास्थित काहुले युवा क्लब (KYC) को आयोजनामा सञ्चालन भएको पुरुष तथा महिला भलिबल प्रतियोगिता   शनिवार सम्पन्न भएको छ । ‘स्वास्थ्यको लागि खेलकुद– राष्ट्रको लागि खेलकुद’ भन्ने मूल नाराका साथ गत पुरुष तथा महिला भलिबल प्रतियोगिता कार्तिक ६ गते देखि १० गतेसम्म स्थानीय जन जागृति आधारभुत बिद्यालयको खेल मैदानमा सञ्चालन भएको थियो । 

क्लबका अध्यक्ष दिलिप मगरका अनुसार पुरुष भलिबल प्रतियोगिता तर्फ भोजपुर –२ गोगने प्रथम, दिप्रुचुर्ईचुम्मा गाउँपालिका युवा क्लब द्धितिय र भोजपुर बोया तृतीय  भएका छन् । प्रथम, द्धितिय र तृतीय हुने बिजेताहरुलार्ई क्रमशः रु ५० हजार, रु.३५ हजार र  रु. २५ हजारका साथमा ट्रफी, मेडल र प्रमाणपत्र प्रदान  गरिएकोे छ । पुरुष भलिबल तर्फ ३८ टिमको सहभागी रहेका थिए । 

यस्तै बिधागत पुरस्कार तर्फ उत्कृष्ट खेलाडी भोजपुर–२ गोगनेका परशुराम खत्री, च्याम्पियन खेलाडी सुदिप रार्ई, र अनुशासित खेलाडी भोजपुर बोयाका मनोज तामाङलार्ई रु १ हजार १ सय एघारका दरले जनही नगद पुरस्कार साथमा  मेडल र प्रमाणपत्र प्रदान गरिएको छ । 

महिला भलिबल प्रतियोगिता तर्फ साकेला गाउँपालिका प्रथम, दिप्रुङचुर्ईचुम्मा गाउँपालिका गोपी द्धितिय र दिप्रुङचुर्ईचुम्मा गाउँपालिका हलहले  तृतीय भएका छन् । महिलातर्फ प्रथम, द्धितीय र तृतीय हुने बिजेताहरुलार्ई क्रमशः रु १० हजार, रु.७ हजार र रु.५ हजार नगद पुरस्कारका साथमा ट्रफी, मेडल र प्रमाणपत्र प्रदान गरिएको छ ।

महिला भलिबल प्रतियोगिताको बिधागत पुरस्कार तर्फ अनुशासित खेलाडी मेरीना राई हलहले दिप्रुङ, च्याम्पियन खेलाडी ममिता राई दिप्रुङ र उत्कृष्ट खेलाडी अमिता बानिँयालार्ई जनही रु ५ सयका दरले नगद पुरस्कार, साथमा  मेडल र प्रमाणप्रत्र प्रदान गरिएको काहुले युवा क्लबका अध्यक्ष मगरले जानकारी गराउनु भएको छ ।

गाउँघरमा रहेका खेलप्रेमी प्रतिभाहरुलाई प्रोत्साहन गर्ने उद्धेश्यले नेपालीहरुको महत्वपूर्ण पर्व दशै र तिहारको वीचमा क्लवले भलिवल प्रतियेगिताको आयोजना गरेको आयोजकले जनाएको छ ।

[यो पनि-टेम्मा, काहुलेमा साविक वडास्तरीय भलिवल प्रतियोगिता हुँदै ]