हलेसीन्युजडेस्क, खोटाङ 

    खोटाङको दिक्तेल रुपाकोट मझुवागढी नगरपालिकाले सञ्चालन गरीरहेको सुरक्षित आप्रवासन सामी कार्यक्रम अन्तरगत वैदेशिक रोजगारको प्रभाब तथा असर न्युनिकरण सम्बन्धि अन्तरक्रिया  तथा अभिमुखिकरण कार्यक्रम सम्पन्न भएको छ । सुरक्षित आप्रवासन कार्यक्रम अन्तरगत सरोकारवालाहरूको उपस्थितिमा कामदारहरूलाई सामाजिक बहिष्करण प्रभाव न्यूनीकरण सम्बन्धी अभिमुखीकरण गर्दै मर्यादित, व्यवस्थित र प्रभावकारी सम्बन्धका लागि एकअर्काले योगदान गर्नुपर्ने कार्यक्रममा छलफल भएको थियो । कार्यक्रममा वैदेशिक रोजगारीले पारेका राम्रा र नराम्रा प्रभावहरूको बारेमा छलफल गरिएको छ ।

 कार्यक्रममा सामीका संयोजक  सन्तोष रार्ईले सुरक्षित आप्रवासन कार्यक्रम नेपाल सरकार र स्विस सरकारबीचको द्विपक्षीय कार्यक्रम भएको र यसले खेलेको भूमिका तथा प्रभाव र असरका बारेमा जानकारी दिनुभएको थियो । यो कार्यक्रम श्रम रोजगार तथा सामाजिक सुरक्षा मन्त्रालय र स्थानीय सरकारको रूपमा दिक्तेलरुपाकोट मझुवागढी नगरपालिकाको सहयोगमा सञ्चालित सुरक्षित आप्रवासन सामी अन्त्रगतको अभिमुखीकरण गरिएको बताउनुभएको छ  ।

वैदेशिक रोजगारीलाई व्यवस्थित तथा मर्यादित एवम् शोषणरहित बनाउँदै वैदेशिक रोजगारीबाट प्राप्त विप्रेषणको सही सदुपयोग गरी देशभित्रै रोजगारीको अवसरहरू सिर्जना गर्ने तथा आयआर्जनमा वृद्धि गरी भविष्यमा सहज जीविकोपार्जन गर्ने गराउने र सामाजिक रूपमा सम्मानित भएर बाच्ने आधार तयार पार्ने यस कार्यक्रमको मुख्य उद्देश्य रहेको प्रशिक्षक  सन्तोष रार्ईले बताउनुभयो ।वैदेशिक रोजगारले समाजमा पारेका नकरात्मक प्रभाबलाई वडा तहबाटै न्युनिकरण गर्न वडातहको योजनाहरु मै समेटेर पालिका सम्म पु¥याउने र सामीले दिने सेवाहरुको बारेमा वडातहमा सबैलाई जानकारी तथा सुचना प्रवाह गर्ने साझा बुझाइ भयको छ ।  कार्यक्रम दिक्तेल रुपाकोट मझुवागढी नगरपालिका वडा नं १ का वडा अध्यक्ष नबराज राईको अध्यक्षतामा सम्पन्न गरिएको  थियो  ।  छलफलमा नगरका प्रत्येक वडाबाट २÷२ जना वडा सदस्यहरु २८ जना सहभागी भयका थिए ।