हलेसीन्युजडेस्क, खोटाङ /

खोटाङ जिल्लाको हलेसीतुवाचुङ नगरपालिका ११ राजापानीमा नयाँ अस्थायी  प्रहरी चौकी  उद्धघाटन / स्थापना  गरिएको छ ।  राजापानीका स्थानीयहरुको माग  र जिल्लाको शान्ति सुरक्षालाई मध्यनजर गर्दै आज प्रहरी पोष्ट खडा गरिएकोे जिल्ला प्रहरी कार्यालय खोटाङले  जनाएको छ ।

कार्यालयका प्रहरी निरिक्षक तथा सुचना अधिकारी  वेनुकुमार कार्कीका अनुसार हलेसीतुवाचुङ नगरपालिका वडा नं. ११ राजापानीमा केही घटना घट्न गएमा टाढा दूरिमा रहेका बुर्ईपा, दिप्रुङचुर्ईचुम्मा गाँउपालिका—१ याम्खा प्रहरी पोष्ट, खानिडांडा बिमानस्थलमा रहेको प्रहरी पोष्टले हेर्नु पर्ने बाध्यता रहेको कारण आवश्यकताको आधारमा  यहाँ पनि थप प्रहरी पोष्ट खडा गरिएको हो  ।

स्थानीयले शान्ति सुुरक्षाका लागि प्रहरी चौकी टाढा भएको भन्दै गरेको मागको आधारमा पोष्ट खडा  गरिएको कार्कीले जानकारी दिनु भयो  । उद्घाटन कार्यक्रममा प्रमुख जिल्ला अधिकारी सूर्यप्रसाद सेँढाई, जिल्ला प्रहरी कार्यालयका प्रमुख  प्रहरी नायव उपरिक्षक मञ्जिल मुकारुङ, सशस्त्र प्रहरी वलका प्रहरी नायव उपरिक्षक  कृष्णबहादुर वम, वडाध्यक्ष अनिश कार्की लगायत स्थानीय जनप्रतिनिधिहरु, राजनैतिक दलका प्रतिनिधिहरु र स्थानीय वासीहरुको उपस्थिति रहेको थाहा भएको छ ।

उदयपुरको गाइघाटबाट शुरु हुने सगरमाथा राजमार्ग यही ठाउँ भएर मौरे  हुदै   दिक्तेल बजारसम्म र अन्य धैरै ठाँउमा  सवारी साधन अवात जावत हुने प्रमुख नाका भएको कारणले पनि सुरक्षाको दृष्टिकोणबाट यहाँ अस्थायी प्रहरी पोष्ट स्थापना गरिएको प्रहरी कार्यालय खोटाङले जनाएको छ ।

अब खोटाङ जिल्लामा  साना ठूला गरी हाल  यो सँगै ४२  स्थानमा प्रहरी युनिटहरु रहेका छन् ।