हलेसीन्युजडेस्क, खोटाङ /

खोटाङको रावाबेसी गाउँपालिका–१ कुभिन्डेमा नेपाली नारीहरुको महान चाड हरितालिका तीज २०८१ को अवसर पारेर प्रत्येक बर्षझैँ यसबर्ष पनि तीज विषेश साँस्कृितक कार्यक्रमको आयोजना गरिने भएको छ । रावावेसी गाउँपालिका–१ कुभिन्डेका वडाध्यक्ष गेहेन्द्रमान रार्ईका अनुसार आगामी भाद्र २१ गते शुक्रवार वडा नं. १ कुभिण्डेका आयोजनामा तीज विशेष कार्यक्रम अन्तर्गत संगिनी नाँच प्रदर्शनी, सामुहिक नृत्य तथा बक्तृत्व कला प्रतियोगिताको आयोजना गरिने भएको हो ।

वडाध्यक्ष राई भन्नुहुन्छ—‘साँस्कृतिक पर्व तीजलाई तडक–भडकपूर्ण होइन,  सामाजिक सद्भाव जगाउने, सिर्जनशिल एवं प्रगतिशील कामको लागि एकताबद्ध हुने अवसरका रूपमा तीज बिशेष कार्यक्रमको आयोजना गरिनेछ ।’

संगिनी नाचका लागि वडा नं. ७ कुभिन्डे भित्रका आमा दिदी बहिनीहरुको कम्तिमा सात जनाको समूह हुनु पर्नेछ । यस्तै नृत्य प्रतियोगिता तर्फ रावावेशी गाउँपालिकाभित्रका कम्तिमा ६ जनाको समूह हुनुपर्ने, गीत देशभक्ति तथा राष्ट्रियता झल्कने हुनुपर्ने, गीत तथा नाच अनुसारको भेषभुषा अनिवार्य हुनु पर्ने वडा कार्यलयले जनाएको छ । 

वक्तृत्वकला प्रतियोगितामा ‘‘महिला हिंसा र यसको न्युनिकरण” भन्ने शिर्षकमा रावाबेसी गाउँपालिका भित्रका माध्यामिक तह सम्मका विध्यार्थीहरुले सहभागी हुन पाउने जनाईएको छ । जसमा अन्तर माध्यामिक विध्यालय स्तरीय वक्तृत्व कला प्रतियोगितामा प्रत्येक विध्यालयबाट एक  छात्र÷एक छात्रा गरी जम्मा २ जना मात्र सहभागी हुन पाउनेछन् । 

पुरस्कारहरुमा संगिनी नाँच प्रतियोगीतामा सबै समुहहरुलार्ई उचित प्रोत्साहन गरिने भनिएकोछ । 
यस्तै सामुहिक नृत्यमा प्रथम, द्धितिय, तृतीय र सान्त्वोना हुनेहरुलार्ई क्रमश रु १० हजार, रु ८ हजार, रु ६ हजार र रु.४ हजारको व्यवस्था गरिएको छ । 
वक्तृत्वकला प्रतियोगितामा प्रथम, द्धितिय, तृतीय र सान्त्वना हुनेहरुलार्ई क्रमश रु २ हजार, रु १५ सय, रु १ हजार र रु ५ सय प्रदान गरिने भएको छ  । विध्यार्थीहरु पठाउदा विध्यालयको सिफारीसका साथ पठाउनु पर्ने वडा कार्यलयले जानकारी दिएको छ । कार्यक्रममा सहभागी हुनेहरुले भदौ २१ गते बिहान १० बजे भित्र टिम दर्ता गरी सक्नुपर्ने आयोजक वडाले जनाएको छ ।  

यो पर्वमा माइतीले (बाबु आमा,दाजुभाइ) छोरी÷चेली लाई घरैमा गई लिएर आउने वा निमन्त्रण गरी मीठा–मीठा परिकार खुवाउने तथा मनका भावना एवं सुख दुःख साटासाट गरी एउटै ठाउँमा खाने–बस्ने चलन रहेको कारण वडाको तर्फबाट सम्पूर्ण आमा दिदीबहिनीहरुलार्ई शुभकामना दिदै  एकापसमा सद्भाव र सहिष्णुता बाँड्न र सकारात्मक शन्देस एवं स्वास्थ्य मनोरञ्जन दिलाउनका लागि यो कार्यक्रमको आयोजना गरिने वडासचिव तेजकुमार राउत बताउनु हुन्छ । 

तीज बिषेश कार्यक्रममा सम्पूर्ण पार्टी कार्यकर्ता, शुभेच्छुक एवंं सम्पूर्ण स्थानीय दाजुभाई,  आमा दिदी बहिनीहरुलाई उपस्थितिको लागि  वडा कार्यलयले अनुरोध  समेत गरेको बताईन्छ ।