हलेसीन्युजडेस्क, खोटाङ

खोटाङ सेवा समाज बेलायत (युके) ले  आफ्नो जन्मभूमि खोटाङका नागरिकलाई निःशुल्क स्वास्थ्य सेवा उपलब्ध गराउने उद्देश्यका साथ आयोजना गरेको बृहत स्वास्थ्य शिविरको आज दोस्रो दिन हो । आज पनि विशेषज्ञ चिकित्सक सहितका स्वास्थ्यकर्मीको टोलीले निःशुल्क उपचारलार्ई निरन्तरता दिएका छन् ।

शिविरको पहिलो दिन चैत १६ गते रावाबेँसी गाउँपालिकाको रावाबेँसी स्वास्थ्य चौकी हरमटारमा  पहिलो दिन ३ सय ९ जनाले स्वास्थ्य सेवा लिएका थिए । वडा नम्बर १ कुभिण्डे, वडा नम्बर ४ डुम्रेधारापानी र वडा नम्बर ५ दुवेकोलका १ सय ८५ जना महिला र १ सय २४ जना पुरुषले स्वास्थ्य सेवा लिएका  थिए । जसमा दाँत सम्बन्धी सेवा लिने ४१ जना, स्वास्थ्य सम्बन्धी सामान्य सेवा लिने १ सय २७ जना,स्त्रीरोग सम्बन्धी २७ जना, हाडजोर्नी सम्बन्धी ५४ जना र आँखा सम्बन्धी ६० जनाले सेवा लिएका हुन् । 

यस्तै, आज दोस्रो दिन, स्त्रीरोग सम्बन्धी २४ जना, हाडजोर्नी सम्बन्धी  पुरुष ६४ जना  महिला ९६ जना र बच्चहरु पुरुष १ जना र महिला ३  जना, दात सम्बन्धी सेवा लिने ३१ जना पुरुष  र ३१  जना महिला रहेको  स्वास्थ्य शाखा संयोजक कौशल अधिकारीले बताउनुभयो ।

यस्तै, साकेला गाउँपालिकाको साकेला आधारभूत अस्पतालमा स्वास्थ्य सम्बन्धी  सेवा लिने हिजो र आज पुरुषको संख्या ३५३ र महिला हिजो र आज गरि ३०२ जना  गरि जम्मा ६५५ जनाले सेवा लिएको साकेला गाउँपालिकाका स्वास्थ्य शाखा संयोजक रिता ढकालले जानकारी दिनु भएको छ ।

उता जन्तेढुङ्गा गाउँपालिकाको प्राथमिक स्वास्थ्य केन्द्र चिसापानी स्वास्थ्य  केन्द्रमा हिजो स्वस्थ्य सेवा लिने महिलाको संख्या  ११२ जना र पुरुष ६२  जना गरेर जम्मा  १७४ जनाले सेवा लिएका छन् । यस्तै आज १८१ जाना पुरुष र  १४७ जना महिला गरि जम्मा ३२८ जनाले सेवा लिएका छन् हिजो र आज निःशुल्क स्वास्थ्य शिविर बाट ५०२ जनाले उपचार गराएका जन्तेढुङ्गा गाउँपालिकाका  स्वास्थ्य शाखा संयोजक सुर्य बहादुर कार्कीले हलेसी एफ एमलार्ई जानकारी दिनु भयो ।

यसैगरी आज  चैत्र १७  गते ऐसेलुखर्कमा स्वास्थ्य शिविर शुरु भएको छ  । भोलि  १८ गते  २ दिनसम्म ऐसेलुखर्क स्वास्थ्य चौकीमा स्वास्थ्य शिविर सञ्चालन हुनेछ भने चैत्र २० र २१ गते हलेसी बजार स्वास्थ्य चौकी, वराहापोखरी धर्तुङ स्वास्थ्य चौकीमा, दिप्रुङचुइचुम्मास्थित ओख्रे स्थानीय अस्पतालमा र निर्मलीडाडा स्वास्थ्य चौकीमा शिविरको आयोजना गरिनेछ ।  चैत्र २२ र २३ गते बुर्ईपा स्वास्थ्य चौकी  र केपिलासगढीको बाक्सिला वजार स्वास्थ्य चौकीमा  शिविर सञ्चालन गर्ने तयारी गरिएको खोटाङ सेवा समाज वेलायतका अध्यक्ष डाक्टर प्रमोद कोयी राईले हलेसी एफएमलाई जानकारी दिनुभयो ।

            स्वास्थ्य शिविरका केही झलकहरु

 [ यो पनि-‘खोटाङ–युके स्वास्थ्य शिविर–2024’ आगामी चैत्र १६ देखि २४ सम्म सञ्चालन हुने }