हलेसीन्युजडेस्क, खोटाङ /

खोटाङको साकेलागाँउपालिकामा फुटबल प्रतियोगिता–२०८१ आयोजना गरिने भएको छ । गाउँपालिकाको वडा नं. ४ मात्तिम खेलकुद समितिद्धारा आयोजित “खेलकुद हाम्रो शान, स्थानीय खेलाडी उत्पादन हाम्रो अभियान’’ भन्ने मूल नाराका साथ अन्तर वडास्तरीय खुला पुरुष (9A-Side) फुटवल प्रतियोगिता २०८१ साल मंसिर २३ गते देखि ३० गते सम्म सञ्चालन गरिने मात्तिम खेलकुद समितिका सचिव बबिन कटवालले हलेसी एफ एमलार्ई जानकारी दिनुभएको छ । 

अन्तर वडास्तरीय खुला पुरुष फुटवल प्रतियोगितामा खेलाडीहरु एक टिममा ४ जना अतिरिक्त खेलाडी र प्रशिक्षक तथा १ अफिसियल म्यानेजर सहित १५  जना हुनुपर्ने र बढीमा २ जना जुनसुकै जिल्लाको सहभागी गराउन पाइने आयोजकले जानकारी दिएको छ । 

यस्तै खेलमा कुनै खेलाडी र टिममा विवाद आएमा आयोजक र रेफ्रीको निर्णय अन्तिम निर्णय हुने भएको छ । खेलाडीले गाँस तथा आवासको व्यवस्था आफै गर्नपर्ने, खेलाडी अन्य वडाको भएको जानकारी भएमा विपक्ष टिमले खेल शुरु हुनुभन्दा अगाडी नै रू. ५ हजार शुल्क सहित निवेदन (प्रोटेष्ट) हाल्नुपर्ने, खेलको क्रममा खेलाडीले रेड कार्ड पाएमा रु. १ हजार र पहिलो कार्ड पाएमा रु. ५ सय जरिवाना हुने र सो रकम खेल अगावै अनिवार्य रुपमा रु.२ हजार ५ सय डिपोजिट गर्नु पर्ने  खेल संयोजक बुद्धिवोल रार्ईले बताउनुभयो । 

खेलमा खेलाडीले आफ्नो वडाको परिचय खुल्ने नेपाली नागरिकताको प्रतिलिपि साथमा पेश गर्नुपर्ने, खेल अवधिमा कुनै प्रकारको चोटपटक लागेमा प्राथमिक उपचार बाहेक अन्य अवश्थामा स्वयं खेलाडी जिम्मेवार हुनुपर्ने र खेल नक आउटको आधारमा खेलाईने भएको छ । 

फुटवल खेलमा सहभागी हुन चाहने खेलाडीहरुले रु.५ हजार ५ सय ५५ रुपैयाँ दर्ता शुल्क बुझाएर टिम दर्ता गराउन सक्नेछन । इच्छुक खेलाडीहरुले टिम दर्ता २०८१ साल मंसिर १० गते देखि २० गते सम्म गरिसक्नु पर्नेछ । साथै खेल तालिका मंसिर २१ गते सार्वजनिक गरिने भएको छ । 

फुटबल प्रतियोगिताका प्रथम, द्धितीय र तृतिय हुने बिजेताहरुलार्ई क्रमशः रु. १ लाख  ५ हजार ५ सय ५५ रुपैँया, रु.५५ हजार ५ सय ५५ रुपैँया र रु.३५ हजार ५ सय ५५ रुपैँयाका साथमा शिल्ड, मेडल र प्रमाणपत्र प्रदान गरिनेछ ।

खेलमा उत्कृष्ट बेष्ट किपर, बेष्ट मिट फिल्डर, बेष्ट डिफेन्डर, बेष्ट फर्वाड, बेष्ट प्रशिक्षक, हार्ईस्कोर र सर्वोत्कृष्ट खेलाडीहरुलार्ई रु.२ हजार ५ सयका दरले जनही नगद पुरस्कारका साथमा ट्रफी र प्रमाणपत्र प्रदान गरिनेछ । खेल साकेला गाउँपालिका वडा नं. ४ नौलाखर्कस्थित खेलमैदानमा सञ्चालन गरिने भएको छ ।    

थप जानकारीका लागि 
अध्यक्ष-नारायण राई सम्पर्क नं. ९८६९४९२९३३
खेल संयोजक–बुद्धिवोल राई सम्पर्क नं. ९८१२३०९९०२/ ९७४१८६९२०३
सचिव–बबिन कटवाल सम्पर्क नं. ९८४१३४९१२९