हलेसीन्युजडेस्क, खोटाङ /

खोटाङको दिक्तेल रुपाकोट मझुवागढी नगरपालिका र ऐसेलुखर्क गाउँपालिकाको आपतकालिन स्वास्थ्य पूर्वतयारी तथा प्रतिकार्य योजना तर्जूमा गोष्ठी दिक्तेलमा सम्पन्न भएको छ । नेपाल रेडक्रस सोसाइटी खोटाङ जिल्ला शाखाद्वारा सन्चालित समुदायमा आधारित वृहत स्वास्थ्य कार्यक्रम (CCBHP) को आर्थिक तथा प्राविधिक सहयोगमा दुवै पालिकाको आपतकालिन स्वास्थ्य पूर्वतयारी तथा प्रतिकार्य योजना (EHPRP) निर्माण भईरहेकोमा उक्त योजनालाई अन्तिम रूप दिन शुक्रवार कार्यशाला गोष्ठीको आयोजना गरिएको हो । 

नेपाल रेडक्रस सोसाइटी खोटाङ जिल्ला शाखाका सभापति ज्ञानेन्द्र जोशीको अध्यक्षता र दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराईको प्रमुख आतिथ्यतामा भएको उक्त कार्यक्रममा ऐसेलुखर्क गाउपालिकाको अध्यक्ष गिरेन्द्र वहादुर राई, दिक्तेल रुपाकोट मझुवागढीका उपप्रमुख विसन राई , स्वास्थ्य कार्यलय खोटाङका प्रमुख पुण्यप्रसाद सिग्देल, दुवै पालिकाका प्रमुख प्रशासकीय अधिकृत, स्वास्थ्य शाखाका प्रमुख तथा कर्मचारीहरु र रेडक्रसकर्मीहरुको उपस्थिति रहेको थियो ।

जनस्वास्थ्य सेवा ऐन २०७५ अनुरुप हरेक स्थानीय तहले आफ्नो  आफ्नो आपतकालिन स्वास्थ्य पूर्वतयारी तथा प्रतिकार्य योजना बनाएर लागू गर्नुपर्ने प्रावधान रहेको छ । उक्त प्रावधान अनुरूप कार्यक्रम संचालन भईरहेको दुई पालिकाको आपतकालिन स्वास्थ्य पूर्वतयारी तथा प्रतिकार्य योजना निर्माणमा आर्थिक तथा प्राविधिक सहयोग गरिएको नेपाल रेडक्रस सोसाइटी खोटाङ जिल्ला शाखाका मन्त्रि छत्रकुमार बजिमयले बताउनुभयो ।