हलेसीन्युजडेस्क, खोटाङ

खोटाङको जिल्ला प्रहरी कार्यालय दिक्तेल परिसरमा निर्मित अमर प्रहरी स्मारकको अनावरण गरिएको छ । कोशी प्रदेश प्रहरी कार्यालयका प्रमुख  प्रहरी नायव महानिरिक्षक राजेशनाथ  बास्तोलाद्धारा बुधवार एक कार्यक्रमका वीच जिल्ला प्रहरी कार्यालय दिक्तेल परिसरमा निर्मित अमर प्रहरी स्मारकको अनावरण भएको जिल्ला प्रहरी कार्यालय खोटाङका प्रमुख प्रहरी नायव उपरिक्षक मञ्जिल मुकारुङले जानकारी दिनुभयो ।

जिल्ला प्रहरी कार्यालय परिसरमा निर्मित अमर प्रहरी स्मारकमा विभिन्न कालखण्डमा खोटाङ जिल्लामा र खोटाङ घर भै विभिन्न स्थानमा वीरगति प्राप्त गरेका ३५ अमर प्रहरीहरुको नामांकन गरिएको छ ।

कोशी प्रदेश कार्यालय प्रमुख प्रहरी नायव महानिरिक्षक वास्तोला दुई दिने निरिक्षण भ्रमणका क्रममा जेष्ठ ३० गते खोटाङ दिक्तेल आउनु भएको थियो । उहाँले भ्रमणको क्रममा  जिल्ला प्रहरी कार्यालय खोटाङका सबै प्रहरी कर्मचारीहरुलार्ई  नागरिकहरुमा छिटो छरितो ढंगबाट चुस्त दुरुस्त सेवा प्रदान गर्ने, सकारात्मक सोच, र्ईमानदारिता निष्पक्षतासहित नागरिकलाई सेवा प्रदान गर्ने, मानव अधिकारको संरक्षण गरी सुम्पिएको जिम्मेवारी तदारुकताका साथ निर्वाह गर्न सम्पूर्ण कार्यरत प्रहरी कर्मचारीहरुलाई निर्देशन दिनुभएको श्रोतले जनाएको छ । सो अवसरमा उहाँले निर्माणाधिन भवनहरुको अनुगमन गरी तोकिएको समयमा गुणस्तरीय भवन निर्माण कार्य गराउन यथोचित व्यवस्थाका लागि पनि निर्देशन दिनुभएको थियो ।

प्रहरी नायव महानिरिक्षक बास्तोलाका साथ उहाँकी धर्मपत्नि अजिता देबकोटा(बास्तोला)  पनि दिक्तेल आउनुभएको थियो । श्रीमती वास्तोलाको अध्यक्षतामा एक कार्यक्रमको संयोजन गरी प्रहरी कार्मचारी संघ, अमर प्रहरी सन्ततिका परिवार, पूर्वकर्मचारीका  श्रीमतीहरुसँग  भेटघाटको आयोजना समेत गरिएको थियो । उक्त कार्यक्रममा अमर प्रहरी सन्तति  र पूर्वकर्मचारीका छोरा/छोरीहरु १५ जनालार्ई स्टेशनरीका सामानहरु बितरण गरिएको जिल्ला प्रहरी कार्यलय खोटाङले जनाएकोे छ ।

प्रहरी नायव महानिरिक्षक बास्तोला दम्पति जेष्ठ ३१ गते जिल्लाको निरिक्षण सकेर खोटाङबाट फर्किनु भएको प्रनाउ मुकारुङले बताउनुभयो ।