हलेसीन्युजडेस्क, खोटाङ

काठमान्डौबाट खोेटाङ आउदै गरेको प्राविधिक शिक्षा तथा व्यावसायिक तालिम परिषद् (सीटीईभीटी) को गाडी मध्यपहाडी लोकमार्गको खुर्कोट–घुर्मी सडकखण्ड अन्तर्गत गोलन्जोर गाउपालिका–७ लौकुनबाट सुनकोसी नदिमा खसेको छ । बा १ झ ७४६७ नम्बरको जिप सुनकोसी नदीमा खस्दा जीपमा सवार मध्ये तीनजना वेपत्ता भएको र एकजना नदीबाट पौडिएर निस्कन सफल भएको  सिन्धुलीका प्रहरी नायब उपरिक्षक चिरन्जीवी दाहालले बताउनु भएको छ ।

सीटीईभीटीका निर्देशकहरु कृष्ण केसी, यमप्रसाद भुर्तेल, प्राविधिक अधिकृत भानु पौडेल र ड्राइभर कृष्ण चौधरीसहित ४ जना जिपमा सवार थिए । खोटाङको दिक्तेल रुपाकोट मझुवागढी नगरपालिका–१३  नुनथलामा सञ्चालित प्राविधिक शिक्षालयको अनुगमन तथा शैक्षिक अन्तरकृयामा सहभागी हुन आउँदै गर्दा उहाँहरु सवार उक्त जीप सुनकोशीमा खसेर दुर्घटना भएको थियो । 

तनहुँ जिल्लाका भानु नगरपालिका ९ निवासी हाल  सिटिभिटिका प्रशासन शाखाका निर्देशक ५७  वर्षीय के.सी, पूर्वी नवलपरासी प्रगति नगरपालिका ७ घर भएका योजना नीति तथा तर्जुमा निर्देशक ५६ वर्षीय भुर्तेल  र इलाम घर भएका ३२ वर्षीय विद्युत्  प्राविधिक  अधिकृतु पौडेल हालसम्म वेपत्ता  हुनुहुन्छ भने सवारी चालक चौधरी नदीबाट पौडेर वाहिर निस्कन सफल भएका हुन । 

काठमान्डौबाट उहाँहरु शुक्रवार प्राविधिक शिक्षालयको अनुगमनका साथै खोटाङको शैक्षिक गतिविधिबारे अन्तरकृयामा सहभागी हुन आउँदै हुनुहुथ्यो । पुर्व शिक्षा मन्त्री  गिरिराजमणि पोखरेल पनि यी कार्यक्रमको लागि खोटाङ आर्ईसक्नु भएको थाहा भएको छ । 

घार्ईते चालकको नजिकैरहेको स्थानीय स्वास्थ्य चोकीमा उपचार भैरहेको प्रहरीले जनाएको छ ।