हलेसीन्युजडेस्क, खोटाङ

खोटाङको दिप्रुङ चुइचुम्मा गाउपालिकास्थित नेपाल रेडक्रस सोसाइटी छितापोखरी उपशाखाले नयाँ कार्य समिति चयन गर्दै  पाँचौँ अधिवेशन सम्पन्न गरेकोे छ । दिप्रुङचुइचुम्मा गाउँपालिका वडा नं.५ स्थित छितापोखरी वजारअन्तर्गत आमा समूहको भवनमा नेपाल रेडक्रस सोसाइटीका विशिष्ट सदस्य केशवराज कार्कीको सभापतित्वमा ११ सदस्यीय कार्यसमिति गठन गर्दै बुधवार नेपाल रेडक्रस सोसाइटी छितापोखरी उपशाखाको पाँचौ अधिवेशन सम्पन्न भएको हो ।

उपशाखाका सभापति अमृतबहादुर खड्काको अध्यक्षता, दिप्रुङचुइचुम्मा गाउँपालिकाका अध्यक्ष लोकेन्द्र राईको प्रमुख आतिथ्यता तथा नेपाल रेडक्रस सोसाइटी दिक्तेल शाखाका सभापति ज्ञानेन्द्र जोशी र मन्त्री छत्रकुमार वजिमयको विशेष आतिथ्यतामा सम्पन्न अधिवेशनबाट नयाँ  कार्य समितिका लागि सभापतिमा वडा नं. ५ सप्तेश्वर छितापोखरी निवासी विशिष्ट सदस्य केशवराज कार्की, उपसभापतिमा  सोही वडानिवासी विमला कार्की केसी, सचिवमा वडा नं. २ डाँडागाउँका दिलभक्त राई, उपसचिवमा वडा नं. ६ छितापोखरीका रमेश खड्का, कोषाध्यक्षमा वडा नं. २ डाँडागाउँका खड्गबहादुर तामाङ र उपकोषाध्यक्षमा  वडा नं. ५ सप्तेश्वर छितापोखरीका जवरसिंह कटवाल चयन हुनुभएको छ ।

 त्यसैगरी सदस्यहरुमा  वडा नं. ६ छितापोखरीका अमृतबहादुर खड्का, वडा नं. २ डाँडागाउका वद्री कटवाल, वडा नं. ५ सप्तेश्वर छितापोखरीकी रमाकुमारी कार्की, वडा नं. ६ छितापोखरीका सुमन खड्का, र वडा नं. ५ सप्तेश्वर छितापोखरीकी चन्द्रमाया राई चयन हुनुभएको छ ।

अधिवेशनले वडा नं १का वडाधयक्ष केशवकुमार खत्रीको संयोजकत्वमा पाँच सदस्य सल्लाहकार समिति पनि गठन गरेको छ । सदस्यहरुमा विमल खड्का, भानुभक्त रेग्मी, रञ्जु खड्का र अमृत गीरि रहनुभएको छ ।

अधिवेशन उद्घाटन सत्रमा प्रमुख अतिथि पालिका अध्यक्ष लोकेन्द्र राई, विशेष अतिथिहरु नेपाल रेडक्रस सोसाइटी दिक्तेल शाखाका सभापति ज्ञानेन्द्र जोशी, मन्त्री छत्रकुमार वजिमय, वडा नं. १ का वडाध्यक्ष केशवकुमार खत्री, वडा नंं २ का वडाध्यक्ष बद्री कटवाल, वडानंं ५ का वडाध्यक्ष डम्वरबहादुर खड्का , वडा नंं ६ का वडाध्यक्ष मिलन राई लगायतले रेडक्रसको प्रभावकारिता र यसको औचित्यका वारेमा धारणा राख्नुभएको थिया ।

कार्यक्रममा रेडक्रसका आजीवन सदस्यहरु, साधारण सदस्यहरुका साथै स्थानीयवासीहरुको उपस्थिति रहेको थियो ।
२०५४ सालमा स्थापना भएको नेपाल रेडक्रस सोसाइटी उपशाखा छितापोखरीमा हाल ४१ जना आजीवन सदस्य तथा १६ जना साधारण सदस्य रहेका छन् ।