हलेसीन्युजडेस्क, खोटाङ /

खोटाङकोे दिक्तेल रुपाकोट मझुवागढी  नगरपालिका वडा नं. ५ लफ्याङमा अन्तरवडास्तरीय फुटबल प्रतियोगिता–२०८१ आयोजना गरिने भएको छ । नगरपालिकाको वडा नं. ५ लफ्याङको मुख्य आयोजना  तथा नमूना स्पोर्टस क्लबको सहआयोजनामा मझुवागढी कालिका भगवती दोस्रो खुल्ला 11 A Side अन्तर वडा स्तरीय फुटबल प्रतियोगिता आगामी पौष २० गतेदेखि संचालन गरिने वडाध्यक्ष दिनेशकुमार घिमिरेले हलेसी एफएमलाइ जानकारी दिनुभएको छ ।

खेल खोटाङ जिल्ला फुटबल संघको नियम अनुसार जम्मा १६ टिमले मात्र सहभागी हुन पाउने छन् । 

फुटबल प्रतियोगिता खेल 11 A side को हुनेछ भने ३ जना अतिरिक्त खेलाडी, १ जना टिम कोच, ११ जना व्यवस्थापक गरी जम्मा १८ जना हुनु पर्ने आयोजकले सूचित गराएको छ ।

खेलमा खोटाङ जिल्ला भित्रका ४ जना र जिल्ला बाहिरको ३ जना गरी जम्मा ७ जना खेलाडीहरुलाई वडाभन्दा बाहिरको सहभागी हुन पाइने भएको छ । साथै वडा भित्रका  ४ जना खेलाडी प्लेईङ लिस्ट भित्र अनिवार्य हुनुपर्नेछ । साथै वडा कार्यालय मार्फत खेलाडिहरुको नाम सहितको सिफारिस अनिवार्य खेलमा हुनु पर्ने व्यव्स्था गरिएको छ । 

यस्तै खेलाडीको सक्कल नागरिक्ता वा परिचय पत्रको साथमा २ प्रति पासपोर्ट साईजको फोटो अनिवार्य उपलब्ध गराउनु भनिएको छ । फर्जी खेलाडी भएको ठहर भएमा सो टिमलाई रु.२० हजार जरिवाना र ३ वर्षसम्म फुटबल संघ समक्ष जिल्ला भरी प्रतिबन्द गर्नको लागि माग गरिने भएको छ ।  

आयोजकका अनुसार एन्फा ए डिभिजन खेल खेलेका खेलाडीहरु खेलमा सहभागी हुन पाउने छैनन् । 

प्राथमिक उपचार बाहेक खेलाडी कुनै कारणवस घाइते भएमा वा चोटपटक लागेमा आफै जिम्मेवारी हुनु पर्ने भनिएकोछ । तर खेल खेलेको अवधि भर कुनै किसिमको गम्भिर चोट पटक लागेमा भने प्रति खेलाडीलाई रु १ लाखसम्मको वीमाको व्यवस्था गरिएको जनाइएको छ ।

कुनै पनि खेलाडीले लगातार २ खेलमा यल्लो कार्ड पाएको खण्डमा तेस्रो खेलमा सहभागी हुनबाट बन्चित हुनेछ भने सिधै रेड कार्ड पाएमा दोस्रो खेलमा बन्चित गरिने भएको छ । खेलमा सहभागी भए पश्चात बहिष्कार गर्न पाईने छैन । यदी कसैले बहिष्कार गरेमा रु २० हजार र थप आवश्यक कार्वाही गरिने बताईन्छ ।

सहभागी खेलाडीले खान तथा बस्नको लागि आफैले व्यवस्थापन गर्नुपर्ने आयोजकले जनाउ दिएको छ ।

खेलाडीहरुले खेल पोशाक र सिम प्याड अनिवार्य लगाउनु पर्ने भनिएको छ । साथै खेलाडीले जर्सीं नम्बर परिवर्तन गर्न नपाईने बताइन्छ । खेलमा कुनै विवाद आएमा रेफ्री, आयोजक र जिल्ला फुटबल संघको प्रतिनिधि बाट गरिएको निर्णय नै अन्तिम हुने भनिएको छ । 

खेलाडीको नाम दर्ता भई सके पछि थप घट र फेर्न नपाईने सूचित गरिएको छ । खेल सुरु हुनु भन्दा १ घन्टा अगाडि फोर्थ अफिसियलसँग  प्लेइङ लिस्ट  भरी बुझाई सक्नु पर्नेछ । नाम दर्तासँगै खेल सहभागिताका लागि रु.३ हजार  डिपोजिट गर्नु पर्नेछ । एल्लो कार्डको रु ५ सय  र रेर्डकार्डको रु. १ हजार लाग्ने छ । 

खेलमा दावा बिरोध गर्न परेमा खेल सकिएको १ घन्टा भित्र रु १० हजार  शुल्क सहित उजुरी गर्नु पर्ने जनाइएको छ भने उजुरी परेको टिमले २ घण्टा भित्र के विषयमा उजुरी परेको हो सो को विवरण पेस गरिसक्नु पर्ने भनिएकोछ । दावा विरोध साँचो ठहरे ६० प्रतिशत रकम फिर्ता हुने तर गलत ठहरिएमा कुनै पनि रकम फिर्ता नहुने जनाउ दिइएको छ ।

खेल संचालन भए पश्चात कुनै विवाद वा प्रतिकुल मौसमको कारण खेल स्थगन भएमा बाँकी रहेको समयको मात्र खेल संचालन गरिने स्पष्ट गरिएकोछ ।

फुटबल प्रतियोगिताका प्रथम हुने बिजेतालार्ई क्रमशः रु.१ लाख ५१ हजार १ सय ११ र द्धितीय हुने खेलाडी टिमलाई रु. १ लाख १ हजार १११ रुपैयाँका साथमा आकर्षक ट्रफी, मेडल र प्रमाण पत्र प्रदान गरिने छ । यस्तै सेमि फाइनलिष्ट हुने दुईजनालार्ई जनही रु.३५ हजार ५ सय ५५ का दरले नगद पुरस्कार तथा मेडल र प्रमाणपत्र प्रदान गरिने घोषणा गरिएको छ ।

खेलमा उत्कृष्ट बेष्ट प्लेयर, बेष्ट डिफेण्डर, बेष्टमिड प्लेयर, हाइ स्कोर, बेष्ट किपर र अनुशासित टिमलाई जनही रु ५/५ हजारका साथमा ट्रफि, मेडल र प्रमाणपत्र प्रदान गरिनेछ । उक्त खेलमा १ जना पत्रकारलाई उत्कृष्ट खेलकुद पत्रकारिता पुरस्कार वापत रु  ५ हजार ५ सय ५५ रुपैयाका  साथमा सम्मानपत्र प्रदान गरिने जनाइएको छ । 

आयोजकले फुटवल खेलमा सहभागी हुने खेलाडीहरुले रु ५ हजार ५ सय दर्ता शुल्क बुझाएर टिम दर्ता गराउन सक्ने जानकारी गराएको छ । इच्छुक खेलाडीहरुले टिम दर्ता आगामी पौष १५ गते बेलुकी ५ः०० बजे सम्म गरि सक्नु पर्ने भनिएको छ । 

टिम दर्ता शुल्क राष्ट्रिय वाणिज्य  बैकको खाता नं.२०६०१००००७२७८००१ वा QR मार्फत पनि जम्मा गर्न सकिनेछ । 

खेल तालिका आगामी पौष १६ गते बेलुकी ३ बजे सार्वजनिक गरिने जनाइएकोछ ।

मझुवागढी कालिका भगवती दोस्रो खुल्ला 11 ASide अन्तर वडा स्तरीय फुटबल प्रतियोगिता दिक्तेल रुपाकोट मझुवागढी  नगरपालिका वडा नं. ५ लाफ्याङ स्थित दुबे खेल मैदानमा भव्यताका साथ सञ्चालन गरिने आयोजकले जनाएको छ   ।

थप जानकारीका लागि
दिनेशकुमार घिमिरे  मो.नं.--९८४२८९६५४५
निर्मल राई  मो.नं.--९८६१४५२५७०,
राजेन्द्र राई  मो.नं.--९८५२८४९२१४
काजिमान राई मो.नं. --९८४२८७७१६३
संजिव राई मो.नं.--९८५२८४९१६७
हिरन राई मो.नं.--९८४९१०८४३७
टिकाराम श्रेष्ठ मो.नं.--९८४२९७४०००
राजनप्रसाद दुलाल मो.नं.--९८४२८९६६३६
दिपेन्द्र राई मो.नं.--९८४८४४५९८०
जितेन्द्र राई मो.नं.-- ९८०७७२९३५०
मोहन राई मो.नं.--९७६७९९५४४५