जेठ ०३, २०८१ , खोटाङ
कवि किरण सिवाको कविता ‘विर्खे दमाईको आवाज’ प्रथम घोषित
हलेसीन्युजडेस्क, खोटाङ /
नेपाल खेलकुद प्रतिष्ठान खोटाङले बैशाख ३१ बाट शुरु गरेको ‘बृहत् खोटाङ–हलेसी खेलकुद, साहित्यिक, साँगीतिक तथा पर्यटन महोत्सव–२०८१’ अन्तरगत चौथो दिन आज खुला राष्ट्रिय कविता प्रतियोगिता सम्पन्न गरेको छ । टेम्के तुवाचुङ प्रतिष्ठान खोटाङका अध्यक्ष भोगेन एक्लेको सभापतित्व तथा नेपाल प्रज्ञा प्रतिष्ठानका कुलपति भूपाल राईको प्रमुख आतिथ्यतामा आज (जेष्ठ ३) खुला राष्टिय कविता प्रतियोगिता सम्पन्न भएको हो ।
प्रतियोगिताका लागि १६ जना कविका १६ वटा कविता छनौट भएको हो । तर विहीवार त्रिधार्मिकस्थल हलेसीस्थित जाम्वाला होटल परिसरमा भएको प्रतियोगितामा भने १४ जना कवि मात्र सहभागी भै आ-आफ्ना कविता वाचन गरेको जनाइएको छ ।
कविता प्रतियोगिताका लागि साहित्यकार रामबिक्रम थापाको संयोजकत्वमा वेदीकुमार राई र बम बानियाँ तरंग सदस्य रहेको निर्णायक मण्डल गठन गरिएको थियो ।
निर्णायक मण्डलका अनुसार प्रतियोगी कविताहरुमा .सुनसरीका किरण सिवाको कविता ‘विर्खे दमाईको आवाज’ प्रथम घोषित भएको छ । भोजपुरका संग्राम किरातीको कविता ‘बाध्यता कि रहर’ द्धितिय घोषित भएको छ । यसैगरी उदयपुरका जीवन चाम्लिङ राईको कविता ‘भरिया दाई’ तृतीय, सिन्धुलीका वावुराम श्रेष्ठ यात्रीको कविता ‘छम्कली रोकाया’ चौथो र भोजपुरकी सकिला राईको कविता ‘म यात्री मनको’ सान्त्वोना घोषित भएको जानकारी गराइएको छ ।
विजयी सर्जकहरुलाई प्रथम पुरस्कार वापत रु ४० हजार, द्धितिय परस्कार रु.२५ हजार, तृतीय पुरस्कार रु.१७ हजार, चौथो पुरस्कार रु.११ हजार र पाँचौ पुरस्कार रु.७ हजार नगदका साथै प्रमाणपत्र प्रदान गरिएको छ । विजयी प्रतिभाहरुलाई प्रमुख अतिथि नेपाल प्रज्ञा प्रतिष्ठानका कुलपति राई लगायत, सदस्य सचिव डा. धनप्रसाद सुवेदी, दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई, हलेसी तुवाचुङ नगरपालिकाका नगरप्रमुख विमला राई, वरिष्ठ कवि तथा साहित्यकार जसराज किराती लगायतले नगद पुरस्कार तथा प्रमाणपत्र प्रदान गर्नुभएको हो । अन्य सहभागी प्रतियोगी कविहरुलाई समेत प्रमाणपत्र प्रदान गरिएको जनाइएकोछ ।
आजको कार्यक्रममा प्रमुख अतिथि एवं नेपाल प्रज्ञा प्रतिष्ठानका कुलपति राईद्धारा वरिष्ठ कवि तथा साहित्यकार जसराज किराँतीलाई रु ११ हजार १११ नगद हस्तान्तरण गर्दै ताम्रपत्र सहित दोसल्ला ओढाएर सम्मान प्रदान गरिएको थियो ।
कार्यक्रमको अर्को महत्वपूर्ण प्रस्तुतिका रुपमा मुन्दुम अध्येता भोगीराज चाम्लिङले किराँत दर्शन तथा डिआर पोखरेलले जोसमणि सन्त दर्शन सम्बन्धी दुईवटा कार्यपत्र प्रस्तुत गर्नुभएको थियो । चाम्लिङले प्रस्तुत गर्नुभएको कार्यपत्रमाथि एमसी सुमित र पोखरेलले प्रस्तुत गर्नुभएको कार्यपत्रमाथि डा. केशव सिलवालले टिप्पणी गर्नुभयो ।
आजको कार्यक्रममा अतिथिहरु दिक्तेल रुपाकोट मझुवागढी नगरपालिकाका नगर प्रमुख तीर्थराज भट्टराई, हलेसी तुवाचुङ नगरपालिकाका नगरप्रमुख विमला राई, नेपाल प्रज्ञा प्रतिष्ठानका सदस्य-सचिव धनप्रसाद सुवेदी, वरिष्ठ पत्रकार तथा साहित्यकार कृष्ण आचार्य लगायतले शुभकामना मन्तव्य व्यक्त गर्नुभएको थियो भने अतिथि कविका रुपमा अनिल किराँती, रिना केसी, नरेन्द्र निर्विकार, केशव सिलवाल, देवान किराँती, कविता राई, संगिता थापा, मिल्सन राई, धनुचन्द्र राई, राधातुला कार्की, लगायतले आ आफ्ना सिर्जनाहरु प्रस्तुत गर्नुभएको थियो । चाम्लिङ भाषामा पनि रकम रोदुङद्धारा सिर्जना प्रस्तुत गरिएको थियो ।
कार्यक्रमको सहजिकरण सर्जक सिता थुलुङद्धारा भएको थियो ।
जेष्ठ १० गतेसम्म आयोजना हुने वृहत महोत्सव अन्तर्गत जेठ ६ गते खुला गायन प्रतियोगिता तथा जेठ ८ गतेदेखि १० गतेसम्म राष्ट्रिय कराँते प्रतियोगिता सञ्चालन गरिने आयोजकका तर्फबाट जानकारी गराइएको छ ।
हलेसीन्युजडेस्क, खोटाङ भाद्र १५ / खोटाङको दिप्रुङ चुईचुम्मा गाउँपालिका–७ टेम्मा,...
हलेसीन्युजडेस्क, खोटाङ / खोटाङस्थित भूमि समस्या समाधान आयोगमा नेपाली काँग्रेस...
हलेसीन्युजडेस्क, खोटाङ / खोटाङको जन्तेढुंगा गाउँपालिकाले आफ्नो पलिकामा स्थायी घर...
हलेसीन्युजडेस्क, खोटाङ / खोटाङको जन्तेढुंगा गाउँपालिकाले आफ्नो पलिकामा स्थायी घर...
हलेसीन्युजडेस्क, खोटाङ / खोटाङको जन्तेढुंगा गाउँपालिकाले आफ्नो पलिकामा स्थायी घर...
हलेसीन्युजडेस्क, खोटाङ/ खोटाङको दिक्तेल रूपाकोट मझुवागढी नगरपालिका वडा नम्बर १४,...
दिक्तेवजारको प्रमुख हाट लाग्ने वजार हाटडाँडा
खोटाङको ऐसेलुखर्कबाट देखिएको मनोरम हिमश्रृंखला ।
जन्तेढुंगा गाउँपालिका-२, वोपुङका मणि राई वान्तवा भन्नुहुन्छ-गाउँमा मकै खेति राम्रो फष्टाएको छ, तर हावाहुरि आयो भने वर्वाद पार्छ।
खोटाङका गाउँगाउँमा पनि अब स्वादिष्ट फल एवोकार्डो फलाउन थालियो ।
किराँत राईहरुको साकेला नाँचको मैझारो (जिल्ला समन्वय समिति खोटाङका प्रमुख सनबहादुर राई, दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई लगायत अन्य विशिष्ट व्यक्तित्वहरु अवलोकन गर्नुहुँदै। (दिक्तेल माटिकोरे / २०८२ जेष्ठ ३१ शनिवार)
दिक्तेल रुपाकोट मझुवागढी नगरपालिकाद्धारा वाँसजन्य सामाग्रीहरुको तालिम दिइदै ।
दिक्तेलमा अपाङ्गता भएका व्यक्ति र उनीहरुका अभिभावकहरूलाई आत्मनिर्भर बनाउन घरेलु तथा साना उद्योग कार्यालय खोटाङको आर्थिक सहयोग तथा अपाङ्ग सेवा संघ खोटाङको आयोजनामा पाँच दिने आधारभुत खाद्य प्रशोधन तालिम सम्पन्न (२०८२ आषाढ २) !
दिक्तेल रुपाकोट मझुवागढी नगरपालिकाको कार्यालय भवन
खोटाङ जिल्लाको सुदुरदक्षिणी भागमा अवस्थित शुन्दर एवं रमणीय चिसापानीवजार, जहाँ जन्तेढुंगा गाउँपालिकाको केन्द्र रहेको छ।
दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई हाटडाँडा मझवाकालिका देविथान जाने सडक स्तरोन्नतिको कामको अनुगमन गर्नुहुदै
दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई आफ्नो कार्यकक्षमा व्यस्त...।
प्रथम राष्ट्रिय बाँस सम्मेलन—२०८१ दिक्तेल, बन तथा वातावरण मन्त्री ऐन बहादर शाहीद्धारा उद्धघाटन सम्पन्न ।
काठमाण्डौास्थित नोवेल कलेजमा कक्षा १२ मा अध्ययनरत दिक्तेल रुपाकोट मझुवागढी नगरपालिका-७ दोर्पा, चिरीडाँडा निवासी अध्ययन भट्टराईद्धारा Aquired Colour मा तयार पारिएको चित्र !
साँझको समयमा दिक्तेल कालिका मझुवागढी देविस्थान