हलेसीन्युजडेस्क, खोटाङ/

खोटाङको रावाबेसी गाउँपालिका –४ डुम्रे धारापानीका अग्निपीडित परिवारलाई राहत प्रदान गरिएको छ । मंसिर ५ गते बुधवार राती अन्दाजी ८ बजेको समयमा एक्कासी घरमा आगलागी भएर घरबार बिहिन बन्न पुगेको इन्द्रबहादुर भुजेलका परिवारलार्ई वडा कार्यालय डुम्रे र पालिकाले राहत उपलब्ध गराएको रावाबेसी गाउँपालिका अध्यक्ष फटिक कुमार श्रेष्ठले हलेसी एफ एमलार्ई जानकारी दिनु भएको छ । 

अध्यक्ष श्रेष्ठका अनुसार बिहिबार पालिकाको तर्फबाट एक थान पाल, ३ थान ब्लाङ्केट, ६० केजी चामल, २० केजी चिउरा, एक कार्टन तेल, ४ पोका नुन, २ केजी चिनी, एक केजी जिरा, एक दर्जन साबुन, २ केजी दाल र एक केजी चिउरा प्रदान गरिएकोे छ । 

यस्तै, वडा कार्यालय डुम्रेको तर्फबाट ६० केजी चामल, १० केजी चिउरा, एक कार्टन तेल, एक कार्टन चाउचाउ, ८ केजी दाल, ३ केजी चिनी, एक दर्जन साबुन, ५ केजी नुन र एक दर्जन कचौरा उपलब्ध गराइएको वडा नं. ४ डुम्रेधारापानीका वडाध्यक्ष ज्ञान बहादुर पाण्डेले बताउनु भएको छ  । 

राहत सामाग्री हस्तान्त्रणमा पुग्नुभएका जनप्रतिनिधि कर्मचारीहरुबाट संकलन गरेर तत्कालको लागि रु.१५ हजार नगद पनि प्रदान गरिएको वडा अध्यक्ष पाण्डेले बताउनुभयो । 

आगलागी पीडित भुजेल परिवारलाई नयाँ घर निर्माणको लागि रावाबेसी गाउँपालिकाले सहयोग गर्ने पनि गाउँपालिका अध्यक्ष श्रेष्ठले बताउनुभएको छ ।

मंसिर ५ गते रातीको समयमा घरमा कोही नभएको बेला भुजेल परिवारको घरमा आगलागी भएको थियो । आगलागी हुँदा भुजेलको ढुङ्गा माटोले बनेको, जस्ताको छानो भएको २ तले घर, घर भित्र रहेको अन्नपात, लत्ताकपडा, भाँडाकुँडा सबै जलेर नष्ट भएको थियो ।

[यो सँंग सम्बन्धित खवर--रावाबेसी डुम्रेमा आगलागीबाट एक घर जलेर नष्ट ]