हलेसीन्युजडेस्क, खोटाङ /

खोटाङको दिक्तेल रुपाकोट मझुवागढी नगरपालिका वडा नं. ५ लफ्याङस्थित श्री माध्यमिक विद्यालय बाँसबोटे, लफ्याङको ६४औं बार्षिकोत्सव तथा १३ औँ अक्षयकोष दिवसका अवसरमा २६ गतेदेखि शुरु गरिएको विविध कार्यक्रम कात्तिक २९ गते विहीवार समापन गरिएको छ  । विध्यालय व्यवस्थापन समितिका अध्यक्ष काजिमान रार्ईको अध्यक्षता तथा  हलेसी तुवाचुङ नगरपालिकाका नगरप्रमुख बिमला रार्ईको प्रमुख आतिथ्यतामा विहीवार समापन गरिएको  हो । 

कार्यक्रममा नगर  स्तरीय छात्र भलिबल प्रतियोगितामा जम्मा ९ टिम सहभागी भएका थिए,  जसमा सरस्वती मा.वि दिक्तेल प्रथम, दिक्तेल बहुमुखी क्याम्पस दिक्तेल दोस्रो र सरस्वती मा.वि पाथेका तेस्रो स्थान हासिल गरी क्रमशः रु २० हजार, १५ हजार र १० हजारका साथमा ट्रफि, मेडल र प्रमाणपत्र प्राप्त गरेकाछन् । 

यस्तै  नगर स्तरीय लोक नृत्य प्रतियोगितामा जम्मा ९ टिम सहभागी भएकोमा ज्योति मा.वि जाल्पा प्रथम, सरस्वती मा.वि पाथेका द्धितिय र चम्पावती मा.वि बुर्ईपा तेस्रो हु्न सफल भएका छन् । प्रथम दोस्रो र तेस्रो हुनेहरुलार्ई क्रमशः रु २० हजार, १५ हजार र १० हजारका साथमा ट्रफी र प्रमाणपत्र प्रदान गरिएको शिक्षक गोपाल श्रेष्ठले हलेसी एफ एमलाई जानकारी दिनु भएको छ । 

६४ औं बार्षिकोत्सबको अवसरमा ३२ वर्ष ४ महिना ७ दिन शिक्षण गर्ने रामधन रार्ईलार्ई बिध्यालयले सम्मान पत्रका साथमा मायाको चिनो करुवा प्रदान गरेर विदार्ई पनि गरिएको छ । यस्तै ६ जना रेफ्रिहरुलार्ई पनि मायाको चिनोको साथमा विदाई गरिएको छ ।  

६४ औं बार्षिक उत्सब तथा १३ औं अक्षयकोष दिवसको अन्तिम दिन आज विध्यालयमा विभिन्न शिर्षकहरुमा स्थापित अक्षय कोषबाट विध्यालयमा अध्ययनरतः १२ जना विध्यार्थीहरुलाई नगद पुरस्कारका साथ प्रोत्साहन गरिएको छ ।

प्रोत्साहन नगद पुरस्कार प्राप्त गर्ने विध्यार्थीहरुमा स्वर्गीय मनमाया राई स्मृति अक्षय कोषबाट मनिता श्रेष्ठ र सुम्निमा राईलाई जनही रु.३ हजार ६ सय, स्वर्गीय भू.पू. बिध्याथी अक्षय कोषबाट मिना श्रेष्ठ र पुर्णिमा खत्रीलाई जनही रु ५ हजार ३ सय, सेरालुङहछा अक्षयकोषबाट  शिक्षा राईलार्ई रु.११ हजार २ सय, स्वर्गीय दैबप्रसाद तुलसा घिमिरे स्मृति अक्षय कोषबाट स्मारिका मङग्रातीलाई रु. ४ हजार ५ सय, स्वर्गीय चिमा राई अक्षय कोषबाट कविता राई र खुशी राईलार्ई जनही रु.४ हजार ५ सय, विधाकुमारी कार्की स्मृति अक्षय कोषबाट दिपा पौडेललाई रु. ३ हजार ५ सय, स्वर्गीय भिमप्रसाद घिमिरे अक्षय कोषबाट पुजा खातीलार्ई  रु.३ हजार २ सय, आमा अक्षय कोषबाट  पुजा आचार्यलार्ई रु.३ हजार २ सय, स्वर्गीय दिपबहादुर नैनकुमारी अक्षयकोष बाट मञ्जुला राईलार्ई रु.४ हजार १ सय प्रदान गरिएको श्री माध्यमिक विद्यालय बाँसबोटेका लेखापाल गोपाल श्रेष्ठले हलेसी एफ एमलाइ जानकारी दिनु भएको छ ।

सोही अवसरमा कार्यक्रमका प्रमुख अतिथि हलेसी तुवाचुङ नगरपालिकाकी नगरप्रमुख विमला राई, वडा शिक्षा समितिका संयोजक तथा वडाध्यक्ष दिनेशकुमार घिमिरे, अतिथि समाजसेवी भिषण राई लगायत विशेष अतिथिहरुबाट स्थानिय पाठ्यक्रम ‘हाम्रो मझुवा’को संयुक्त रुपमा  विमोचन समेत गरिएको थियो । 

आगामी मंसिर २ गतेदेखि उक्त पाठ्यक्रम ‘हाम्रो मझुवा’ वडाका सबै विध्यालयहरुमा लागू गरिने वडा शिक्षा समितिका संयोजक तथा वडा नं. ५ लफ्याङका वडाध्यक्ष घिमिरेले हलेसी एफएमलाई बताउनुभयो ।

[यो पनि--श्रीमावि वाँसवोटे लफ्याङले विध्यालयको ६४ औँ वार्षिकोत्सव तथा १३ औँ अक्षय कोष दिवसका अवसरमा आजदेखि विविध कार्यक्रमको आयोजना गरिदै ]