हलेसीन्युजडेस्क, खोटाङ

खोटाङमा गणतन्त्र दिवशको अवसर पारेर रक्तदान कार्यक्रम सम्पन्न भएको छ । १६ औँ गणतन्त्र दिवसको अवशरको पहिलो दिन आज गणतन्त्र दिवस जिल्ला समारोह समिति खोटाङले नेपाल रेडक्रस सोसाइटी जिल्ला शाखा खोटाङको व्यवस्थापनमा रक्तदान कार्यक्रम सम्पन्न गरेको हो ।

जेष्ठ १५ गते गणतन्त्र दिवस मानिए पनि खोटाङमा ३ दिन मनाउने निर्णय अनुसार पहिलो दिन रक्तदान, दोश्रो दिन सरकारी तथा गैरसरकारी कार्यालय परिशर सरसरफाई र तेश्रो दिन गणतन्त्र शिर्षकमा अन्तर मावि स्तरीय वक्तृत्वकला प्रतियोगिता आयोजना गरेर १६  औं गणतन्त्र दिवश मनार्ईने जनाइएको छ । 

रक्तदान कार्यक्रममा गणतन्त्र दिवस जिल्ला समारोह समिति संयोजक एवं जिल्ला समन्वय समिति खोटाङका प्रमुख सनबहादुर राई र प्रमुख जिल्ला अधिकारी सुर्यप्रसाद सेढाई ले आफ्नो रगत दिएर  रक्तदान शुरु गर्नु भएको थियो ।  रक्तदान कार्यक्रममा २ जना महिला र १४ जना पुरुषहरुले रक्तदान गरेको नेपाल रेडक्रस सोसाईटी जिल्ला शाखा खोटाङका मन्त्री छत्रकुमार बजिमयले जानकारी दिनुभयो । मन्त्रि वजिमय स्वयंले भने गणतन्त्र दिवसको अवसरमा रक्तदान कार्यक्रममा सहभागी भएसँगै ५२ औँ पटक रक्तदान गरिसक्नु भएको छ । रक्तदानबाट आफूलाई आत्मसन्तुष्टि प्राप्त हुने उहाँ भन्नुुहुन्छ । 

संकलन गरिएको रगत रक्तसञ्चार केन्द्र दिक्तेलमा रहने रेडक्रस शाखाले जनाएको छ  ।