हलेसीन्युजडेस्क, खोटाङ

खोटाङको दिक्तेल रुपाकोट मझुवागढी नगरपालिका वडा नं. ५ लफ्याङमा खोटाङ स्पोर्ट क्लवद्धारा ‘साविक वडा स्तरीय खुल्ला पुरुष भलिवल तथा साँस्कृतिक कार्यक्रम प्रतियोगिता’ हुने भएको छ । नयाँवर्ष–२०८१ को अवसर पारेर खोटाङ स्पोर्ट क्लवले आगामी  २०८१ बैशाख ३ गते देखि बैशाख ५ गतेसम्म भलिवल प्रतियोगिता तथा साँस्कृति कार्यक्रम प्रतियोगिताको आयोजना गर्ने भएको संयोजक जितेन राईले जानकारी दिनु भएको छ ।

संयोजक राईका अनुसार “स्वास्थ्यका लागि खेलकुद–राष्ट्र«का लागि खेलकुद” भन्ने मूलनाराका साथ दिक्तेल रुपाकोट मझुवागढी नगरपालिका–५ लाफ्याङ, बास्तोला गाउँको खेलमैदानमा भलिवल प्रतियोगिताकासाथ विविध कार्यक्रमको आयोजना गरिन लागिएको हो । 

भलिवल प्रतियोगितामा सहभागी हुन चाहने खेलाडीहरुले बैशाख ३ गते मध्यान्ह १२ः०० बजे भित्र  रु. दुर्ई हजार ५ सय शुल्क बुझाई टिम दर्ता गरिसक्नुपर्ने आयोजकले जनाएको छ ।  यस्तै गायन र नृत्य प्रतियोगिताको लागि रु. २५० शुल्क लाग्ने र गीत तथा नाच अनुसारको भेषभुषा अनिवार्य लगाउनु पर्ने आयोजकले जनाएको छ । 

भलिवल प्रतियोगितामा प्रथम हुने टिमलाई रु ३५ हजार नगदका साथ मेडल र प्रमाणपत्र, द्धितिय लार्ई रु.२० हजार नगदका साथ मेडल र प्रमाणपत्र तथा तृतीय हुनेलाई रु. ११ हजार नगदका साथ मेडल र प्रमाणपत्र प्रदान गरिनेछ । साथै सान्त्वना हुने टिमलार्ई रु ५ हजारका  साथ मेडल र प्रमाणपत्र  प्रदान गरिने जनाइएको छ ।

विधागत पुरस्कारहरुमा  सर्वोत्कृष्ट खेलाडीलार्ई रु २ हजार, उत्कृष्ट स्पार्ईकरलार्ई रु १ हजार, उत्कृष्ट सटरलाई रु १ हजार, उत्कृष्ट लिब्रोलार्ई रु १ हजार र उदयमान खेलाडीलाई रु १ हजारको साथमा मेडल, प्रमाणपत्रको समेत व्यवस्था गरिएको आयोजक समितिले जनाएको छ ।

यस्तै खुल्ला नृत्य तर्फ प्रथम, दोस्रो र तेस्रो हुने टिमलार्ई क्रमश रु. ३ हजार, रु.२ हजार, रु.१ हजारको साथ मेडल र प्रमाणपत्र प्रदान गरिनेछ । यसैगरी  साँस्कृतिक गायन तर्फको प्रथम द्धितीय र तृतीय हुने सहभागीहरुलार्ई क्रमश रु. ३ हजार, रु. २ हजार र  रु. १ हजारको साथमा मेडल र प्रमाण पत्र वितरण गरिने भएको छ । 

खेल अबधिभर खाने वस्ने व्यवस्था खेलाडी आफैले गर्नुपर्ने भनिएको छ । खेलमा सामान्य चोटपटकका लागि आयोजकको तर्फबाट मेडिकलको व्यवस्था भएपनि गम्भिर चोटपटक लागेमा खेलाडी आफै जिम्मेवारी रहनुपर्ने समितिले जनाएको छ । खेल लिकम नकाउटका आधारमा खेलाईने, खेलाडी संख्या व्यवस्थापन सहित ९ जना हुनुपर्ने, खेल लार्ई रोमान्चक बनाउनको लागि खोटाङ जिल्ला भित्रका १ जना अतिरिक्त खेलाडी राख्न पाइने व्यवस्था भएको आयोजकले जनाएको छ ।