हलेसीन्युजडेस्क, खोटाङ /

नेकपा एमालेका अध्यक्ष एवं पूर्वप्रधानमन्त्रि केपि शर्मा ओलि मंगलवार वेलुकी ७ वजे खोटाङको सदरमुकाम दिक्तेलवजार आइपुग्नु भएको छ । ‘झुलाघाट-चिवाभन्ज्याङ समृद्धिका लागि संकल्प यात्रा’ का क्रममा मंगलवार ओखलढुंगाको हर्कपुरमा वृहत भेलालाई संवोधन गरी अध्यक्ष ओलि मध्यपहाडी लोकमार्ग भएर हिजै वेलुकी ७ वजे खोटाङको सदरमुकाम दिक्तेलवजारमा आइपुग्नुभएको हो ।

हर्कपुरबाट खोटाङ प्रवेश गरेसँगै बाहुनीडाँडा स्थित कदुवाका एक स्थानीय अगुवा कृषक तथा कषि उध्यमी फौदसिं  कार्कीको कृषि उध्यमको अवलोकन गर्न केहीक्षण विताउनुभयो । त्यही उहाँले खाजा नास्ता पनि गर्नुभयो । कृषि उध्यमी फौदसिं काकीले केहीवर्ष अगाडि देखि स्थानीय कृषकहरुबाट दुध संकलन गरी स्थानीयवासी लगायत मध्यपहाडी लोकमार्ग भएर यात्रा गर्ने यात्रीहरुका लागि लस्सी, पेडा र दुधका विविध परिकारहरु उत्पादन गरी व्यवसाय चलाउदै आइरहनुभएको छ ।

समृद्धिका लागि संकल्प यात्राका क्रममा अध्यक्ष ओलिलाई हलेसीमा आइपुग्दा हलेसीतुवाचुङ नगरपालिकाले स्वागत तथा सम्मान गरेको छ । नगरउपप्रमुख रमेश राउतको नेतृत्वमा नगर कार्यपालिका तथा स्थानीय जनप्रतिनिधि र स्थानीयवासीले उहाँलाई खादा -माला लगाई स्वागत तथा सम्मान गरेको थियो ।

अध्यक्ष ओलि हिजो वेलुकी ७ वजे जिल्लाको सदरमुकाम दिक्तेल वजार आइपुग्नुहुँदा नेकपा एमाले नगर कमिटिले उहाँ तथा उहाँसँग आउनुभएको टोलिलाई स्वागत गरेको थियो । पार्टीले दिक्तेलवजारस्थित शुभदिन होटलमा अध्यक्ष ओलिको लागि रात्रीवासको व्यवस्था  गरेको थाहा भएको छ । 

आज विहान अध्यक्ष ओलिको जिल्लास्थित विभिन्न राजनैतिक दल, जेष्ठ नागरिक लगायतसँग भेटघाट र दिक्तेल सोल्मास्थित शुभम फउण्डेशन अन्तगर्त सञ्चालनमा रहेको सिकाईसँग शिक्षाका गतिविधिहरुका साथै कृषि प्रवद्धनात्मक गतिविधिहरु अवलोकन गरी मध्यपहाडी लोकमार्ग भएर भोजपुरतर्फ संकल्प यात्रा वढ्ने नेकपा एमाले खोटाङका अध्यक्ष रामप्रसाद दंगालले हलेसी एफएमलाई बताउनुभयो ।