हलेसीन्युजडेस्क,खोटाङ

आज देशैभरि ६ महिना देखि ५ वर्षमूनिका वालवालिकाहरुका लागि भिटामिन ‘ए’ र जुकाको औषिधि खुवाउने कार्यक्रम हुदैछ । यो कार्यक्रम भालि बैशाख ७ गते पनि रहनेछ । नेपाल सरकारले विगतमा झैँ यो वर्ष पनि वैशाख ६ र ७ गते बालबालिका लक्षित राष्ट्रिय भिटामिन ‘ए’ तथा जुकाको औषधि खुवाउने कार्यक्रम सञ्चालन गर्ने भएको हो ।

सोही अनुसार खोटाङमा पनि ६ महिना देखि ५ वर्षमूनिका वालवालिकाहरुका लागि भिटामिन ‘ए’ र जुकाको औषिधि खुवाउने कार्यक्रमलाई सफल गराउन व्यापक तयारी गरिएको खोटाङ अस्पतालका  प्रमुख जीवन चौलागाईले बताउनुभयो ।

जिल्लाका १० वटै स्थानिय तहहरुमा ६ महिना देखि ५९ महिनासम्मका वालवालिकाहरुलाई निर्धारित मितिमा भिटामिन ‘ए’ क्याप्सुल तथा जुकाको औषधि खुवाउनका लागि जिल्लाभर स्वास्थ्य स्वयंसेविका तथा अन्य स्वास्थ्यकर्मीहरुलाई तयारी अवस्थामा राखिएको अस्पताल प्रमुख चौलागाईले बताउनुभयो । उहाँले सम्पूर्ण अभिभावकहरुले ६ महिनादेखि ५ वर्ष मुनिका आफ्ना वालवालिकाहरुलाई भिटामिन ‘ए’ क्याप्सुल तथा जुकाको औषधि खुवाउन आज या भोलि नजिकको स्वास्थ्य संस्थाहरुमा लैजान आग्रह गर्नुभएको छ ।

शरीरलाई स्वस्थ र तन्दुरुस्त राख्न तथा शरीरका अंगहरुको उचित विकास गर्न महत्वपूर्ण मानिएको भिटामिन ‘ए’ क्याप्सुलसगैँ जुकाको औषधि समेत खुवाईने जिल्ला स्वास्थ्य कार्यालय खोटाङले जनाएको छ ।

जिल्लाको कुल जनसंख्या मध्ये १२ हजार भन्दा वढी उक्त उमेर समुहका वालवालिकाहरुलाई भिटामिन ‘ए’ क्याप्सुल खुवाईनेछ भने जुकाको औषधि १ देखि ५ बर्षसम्मका वालवालिकालाई खुवाइनेछ ।

[ यो पनि-बैशाख ६ र ७ गते नेपाल राष्ट्रिय भिटामिन ‘ए’ कार्यक्रम सञ्चालन हुँदै }