हलेसीन्युजडेस्क, खोटाङ /

खोटाङ जिल्लालार्ई पूर्ण खोप सुनिश्चितता तथा दिगोपना जिल्ला घोषणा गरिएको छ ।  “पुर्ण खोप सुरक्षित भविष्य ” “पूर्ण खोप पाउनु बालबालिकाको अधिकार हो”भन्ने मूल नाराकासाथ आज एक औपचारिक समारोहमा जिल्लालार्ई पुर्ण खोप तथा दिगोपना जिल्ला घोषणा गरिएको हो । 
  

जिल्लाको २ नगरपालिका र ८ गाउँपालिकाहरुले पूर्ण खोप सुनिश्चितता तथा दिगोपना घोषणा गरिसकेपछि खोटाङ जिल्लालाई नै पूर्णखोप सुनिश्चितता तथा दिगोपना घोषणा गरिएको जिल्ला स्वास्थ्य कार्यालय खोटाङले जनाएको छ । जन्मेदेखि १५ महिनासम्मका  तथा १६ महिनादेखि ५१ महिनासम्मका सम्पूर्ण बालबालिकालाई नेपाल सरकारबाट निःशुल्क दिइने १३ प्रकारका सबै खोप दिलाइसकेको निश्चित भएपछि  खोटाङ जिल्लालार्ई पूर्ण खोप सुनिश्चितता तथा दिगोपना जिल्ला घोषणा गरिएको स्वास्थ्य कार्यालय खोटाङका प्रमुख पुन्य प्रसाद सिग्देल बताउनु हुन्छ । जिल्लामा जन्मेदेखि पाँच वर्ष भित्रका १६ हजार ५०५ जना बालबालिकाका रहेको स्वास्थ्य कार्यालयले जनाएको छ ।

जिल्ला समन्वय समितिका प्रमुख एवं पूर्ण खोप समन्वय समितिका संयोजक सनबहादुर राईको अध्यक्षतामा कार्यक्रम सुरु भएको थियो । जिल्ला समन्वय समितिको सभाहलमा आयोजित कार्यक्रममा प्रमुख अतिथि संविधान सभा सदस्य दुर्गाजयन्ती रार्ई, विशिष्ट अतिथिहरु पूर्वसांसद कुलप्रसाद फुयाल,पूर्व जिल्ला समन्वय समितिका प्रमुख  बवि चाम्लिङ, , जिल्ला समन्वय समितिका उपप्रमुख सुरेश तामाङ, दिक्तेलरुपाकोट मझुवागढी नगरपालिकाका प्रमुख तीर्थराज भट्टरार्ई, हलेसीतुवाचुङ नगरपालिकाका प्रमुख विमला राई, रावावेशी गाउँपालिकाकी उपाध्यक्ष कौशिला गुरुङ, प्रमुख जिल्ला अधिकारी भोजराज खतिवडा, स्वास्थ्य कार्यालय खोटाङका प्रमुख पूण्यप्रसाद सिग्देल, जिल्ला प्रहरी कार्यालय खोटाङका प्रमुख प्रहरी नायव उपरिक्षक मञ्जिल मुकारुङ, स्वास्थ्य शाखाहरुको तर्फबाट हलेसी तुवाचुङ नगरपालिका स्वास्थ्य शाखा संयोजक प्रकाश घिमिरे उपस्थित हुनुहुन्थ्यो । 

यस्तै आजको समारोहमा विभिन्न दल तथा अन्य संघसस्थाका तर्फबाट समेत सहभागिता जनाइएको थियो । जस अनुसार नेपाली कांग्रेसका महाधिवेशन प्रतिनिधि सुमनबाबु आचार्य, नेकपा एमाले खोटाङका सचिवालय सदस्य चर्चबहादुर विश्वकर्मा, नेकपा माओवादी केन्द्र खोटाङका संयोजक दिपक पाण्डे, जनता समाजवादी पार्टी खोटाङका अध्यक्ष पिके खम्बु, राष्ट्रिय स्वतन्त्र पार्टीका डा.राजकुमार राई, फेमली कियर अस्पतालका प्रमुख डा. कृष्णकुमार राई, खोटाङ उद्योग वाणिज्य संघका अध्यक्ष राजनप्रसाद आचार्य, नेपाल रेडक्रस सोसाइटी खोटाङका मन्त्री छत्रकुमार बजिमयको सहभागिता रहेको थियो ।