हलेसीन्युजडेस्क, खोटाङ /

खोटाङको दिक्तेल रुपाकोट मझुवागढी नगरपालिका वडा नं ६ नेर्पास्थित  शुभकृषि फर्म तथा चिमल फलफूल प्रशोधन उध्योग तालखर्कमा स्थानीयस्तरमा उत्पादन हुने फलफुलहरुबाट जुस, सिकुटी, अचार, वाइन, आइसक्रिम, ब्रान्डी, जाम, स्क्वास बनाउने तालिम शुरु भएको छ । 

घरेलु तथा साना उद्योग कार्यालय खोटाङको सहयोगमा माघ ३ गते देखि ९ गतेसम्म तालिम सञ्चालन भइरहेको घरेलु कार्यालय खोटाङका प्रमुख भेषराज खत्रीले हलेसी एफएमलाई जानकारी दिनुभएको छ । प्रमुख खत्रीका अनुसार जिल्लाका दशवटै स्थानिय तहबाट दुर्ई/दुई जना महिला तथा पुरुष प्रशिक्षार्थीहरु सहभागी गराउने सोँच भएपनि हाल वाराहपोखरी र खोटेहाङ गाउँपालिकाबाट सहभागी हुन नसकेका कारण अन्य पालिकाहरुबाट तालिममा सहभागी भएर स्थानीय फलफूलहरुबाट विभिन्न खाध्य परिकारहरु बनाउने सिप सिकीरहकाछन् ।

तालिममा सहभागीहरुलाई स्थानीय फलफूलहरुबाट आफैले विभिन्न खाध्य परिकारहरु बनाउन तालिम प्रदान गरी व्यवसायिक बनाउने उद्देश्यसहित यस्तो तालिम सुरु गरिएको शुभकृषि फर्म तथा चिमल फलफूल प्रशोधन उध्योगका सञ्चालक एवं तालिमका प्रशिक्षक  शुभचन्द्र राईले जानकारी दिनुभयो । 

यसैगरी जिल्ला उध्योग प्रवर्द्धन समितिका अध्यक्ष तथा जिल्ला समन्वय समितिका प्रमुख सनबहादुर राई बताउनुहुन्छ—‘जिल्लामा कच्चा पदार्थका रुपमा उत्पादन गरिने कृषिजन्य बस्तुहरुलाई प्रशोधन गरी मूल्य अभिवृद्धिमा विक्री गर्दै आय आर्जनलाई मजवुत गराउन सकिन्छ । यसका लागि दक्ष जनशक्ति उत्पादनमा जोड दिदै तालिम, प्रशिक्षण कार्यक्रमको जरुरी रहनेछ ।’ तालिमको अनुगमन गर्दै उहाँले अहिले भैरहेको तालिमबाट पनि आफैले उत्पादन गरिने फलफूलहरुलाई खेर जानबाट जोगाउदै विभिन्न खाध्य परिकार बनाउन ज्ञान हासिल हुने विश्वास व्यक्त गर्नुभयो ।

माघ ९ गते सम्म सञ्चालन हुने तालिममा सात जना महिला दश  जना पुरुषहरुको सहभागिता रहेको छ । सहभागीहरुलाई खाजा तथा खानाका लागि घरेलु तथा साना उध्योग कार्यालयले व्यवस्था गरेको छ भने रात्रीवास तथा अन्य व्यवस्था शुभ कृषि फर्मले सहजिकरण गरेको बताइन्छ ।

विक्रम सम्बत २०७१ बैशाख २२ गते स्थापना गरिएको शुभकृषि फर्म तथा चिमल फलफूल प्रशोधन उध्योगले नेर्पा तालखर्कस्थित ३० रोपनी जमिनमा किवी खेती सञ्चालन गर्दै आएको छ । केही वर्षदेखि परिक्षणका रुपमा किवीको विभिन्न खाध्य परिकारहरु बनाउन शुरु गरिएको सञ्चालक राईले बताउनुभयो ।

               तालिमका थप तस्विरहरु