हलेसीन्युजडेस्क, खोटाङ

४१ औँ वीपी स्मृति दिवसको अवसरमा खोटाङमा सरसरफाई तथा वृक्षारोपण कार्यक्रम गरिएको छ । नेपाली कांग्रेसका संस्थापक एवं नेपालका पहिलो जननिर्वाचित प्रधानमन्त्री जननायक वीपी कोइरालाको ४१ औं स्मृति दिवसका अवशरमा आज वीपी स्मृति भवन दिक्तेलको कम्पाउण्डभित्र सरसरफाई तथा वृक्षारोपण गरिएको हो ।

नेपाल तरुण दल खोटाङको  आयोजनामा वीपी स्मृति दिवसको अवसरमा गरिएको सरसरफाई तथा वृक्षारोपण कार्यक्रममा नेपाली कांग्रेस खोटाङका उपसभापतिद्धय तीर्थराज भट्टराई र इवन राई, सचिव समिर राई, महाधिवेशन प्रतिनिधिहरु, नेपाली कांग्रेस जिल्ला कार्य समितिका सदस्यहरु, भातृ तथा शुभेच्छुक संस्थाका प्रमुख एवं प्रतिनिधिहरु लगायतको उपस्थिति रहेको  तरुण दलका केन्द्रिय सदस्य एवं जिल्लाका निवर्तमान अध्यक्ष भिषण राईले बताउनुभयो । आजै नेपाल तरुण दल खोटाङका प्रथम उपाध्यक्ष काजिमान राईलाई कार्यवाहक अध्यक्ष र दिवासन राईलाई तरुण दल दिक्तेल रुपााकोट मझुवागढी नगर कार्य समितिको सभापतिको जिम्मेवारी प्रदान गरिएको तरुण दल केन्द्रिय सदस्य राईले बताउनुभयो ।

विक्रम सम्वत १९७१ भाद्र २४ गते पिता कृष्ण प्रसाद कोइराला तथा माता दिव्या कोइरालाको कोखबाट भारतको वनारसमा जन्मनुभएको वीपी जीवनभरि देशमा प्रजातन्त्र स्थापनाको कठोर संघर्षमा लड्दा लड्दै २०३९ साल श्रावण ६ गते अर्थात आजकै दिन दिवंगत हुनु भएको थियो ।  राजनैतिक कार्यमा व्यस्त जीवन विताउन भएका वीपीले जेलजीवनमा भने प्रशिद्ध साहित्यिक कृतिहरु लेखेर नेपाली साहित्यलाई समृद्ध बनाउनुभएको छ । 

उहाँको राजनैतिक/साहित्यिक योगदानको स्मरण गर्दै हरेक वर्ष आजको दिन वीपीको स्मृति दिवस मनाइने गरिएको छ ।