जनप्रतिनिधिदेखि सर्वसाधारणको गयो ज्यान

हलेसीन्युजडेस्क, खोटाङ /   

जाजरकोटको रामिडाँडा केन्द्र बनाएर शुक्रवार राती ११.४७ वजे गएको ६.४ म्याग्निच्युडको भुकम्पमा परी ८६ भन्दा धेरैको मृत्यु भएको पुष्टि भईसकेको छ । शनिबार विहान ६.३० बजेसम्म संकलन गरिएको विवरणअनुसार सबैभन्दा ठूलो क्षति जाजरकोट र सिमाना जोडिएको रुकुम पश्चिममा भएको देखिन्छ ।

जाजरकोटको नगलगाढ नगरपालिका, बारेकोट गाउँपालिका, भेरी गाउँपालिका र कुशे गाउँपालिकामा भुकम्पले सबैभन्दा धेरै क्षति पु-याएको प्रहरीले जनाएको छ । 

नगरगाढ नगरपालिकाले उपप्रमुख सरिता सिंहलाई पनि गुमाएको छ । भूकम्पमा परेर जाजरकोटको नलगाड नगरपालिकाकी उपमेयर सरिता सिंहको मृत्यु भएको छ । शुक्रबार रातिको भूकम्पमा परेर उपप्रमुख सिंहको मृत्यु भएको जाजरकोटका प्रमुख जिल्ला अधिकारी सुरेश सुनारले जानकारी दिनुभयो ।

स्थानीय संचार संवाददाताका अनुसार जाजरकोट जिल्ला अस्पताल घाइतेहरूले भरिएको छ । जिल्ला अस्पतालमा सयौंको संख्यामा घाइतेहरू रहेको बताइन्छ ।

जाजरकोट तथा आसपासमा गएको भूकम्पमा परी  ठुलो क्षति भएपछि  प्रधानमन्त्री पुष्पकमल दाहाल ‘प्रचण्ड’ ले उद्धार तथा राहतमा जुट्न सबैमा अपिल गर्नुभएको छ ।  अपिलमार्फत प्रधानमन्त्रि दाहालले भन्नुभएको छ–‘भूकम्पबाट भएको मानवीय तथा भौतिक क्षतिले मर्माहत भएको छु। घाइतेहरूको तत्काल उद्धारका लागि सुरक्षाका तीनवटै निकाय परिचालन भएका छन्।  उद्धार एवं राहतमा जुट्न सबैमा अपिल गर्दछु,’। केहीसमयमै प्रधानमन्त्रि दाहाल भूकम्पग्रस्त क्षेत्रमा पुग्दै हुनुहुन्छ ।

पश्चिम नेपालका विभिन्न ठाउँमा केन्द्रविन्दु रहेर केही समययता लगातार भुइँचालो गइरहेका छन्। त्यहाँ लामो समयदेखि ठूलो भुइँचालो नगएकाले ठूलो भूकम्पीय शक्ति थुप्रिएर रहेको भूगर्भविदहरू बताउँछन्। 

पश्चिम नेपालका विभिन्न ठाउँमा केन्द्रविन्दु रहेर केही समययता लगातार भुइँचालो गइरहेका छन्। त्यहाँ लामो समयदेखि ठूलो भुइँचालो नगएकाले ठूलो भूकम्पीय शक्ति थुप्रिएर रहेको भूगर्भविदहरू बताउँछन्।