चैत्र १४, २०७९, Jantedhunga Gaunpalika
रेडियो कार्यक्रम—मेरो सपनाको जन्तेढुङ्गा
यो कार्यक्रम सामुदायिक रेडियो हलेसी एफएम १०२.४ मेघाहर्जबाट अब हरेक महिनामा दुई पटक प्रशारण गरिनेछ । प्रत्येक महिनाको १ गते विहान ६.३० वजे यो कार्यक्रम प्रशारण गरिनेछ र सोही दिन वेलुकी ६.०० वजे पुन प्रशारण गरिनेछ । कार्यक्रम मेरो सपनााको जन्तेढुङ्गा खोटाङको जन्तेढुङ्गा गाउँपालिकाको सहयोग र सहकार्यमा सामुदायिक रेडियो हलेसी एफएमले उत्पादन तथा प्रशारण गर्नेछ ।
कार्यक्रम मेरो सपनाको जन्तेढुङ्गाले जन्तेढुङ्गा गाउँपालिकाको प्रत्येक परिवार र वडा तहबाट सपनाको नक्सांकन बुन्दै गाउँपालिकाको समग्र विकास र समृद्धिका शिखरमा पुग्ने अभियानलाई प्रतिविम्वित गरेर कार्यक्रम तयार गर्नेछ ।
श्रोतावृन्द अब आउनोस जन्तेढुङ्गा गाउँपालिकाको संक्षिप्त परिचय तिर जाऔँ ।
खोटाङ जिल्लाको दक्षिणी भेगमा अवस्थित यस जन्तेढुङ्गा गाउँपालिका सदरमुकाम दिक्तेलबाट करिब १८ कोष दुरिमा रहेको छ । दक्षिण पश्चिम तथा पूर्वमा आमचोक गाउँपालिका (भोजपुर), दक्षिणमा चौदण्डीगढी नगरपालिका (उदयपुर), पश्चिममा बराहपोखरी गाउँपालिका (खोटाङ) र उत्तरमा खोटेहाङ गाउँपालिका (खोटाङ) को बिचमा जन्तेढुङ्गा गाउपालिका अवस्थित छ । यस गाउँपालिकाको कुल क्षेत्र फल १२८.६२ स्क्वायर किलोमिटर रहेको छ । राष्ट्रिय जनगणना २०६८ अनुसार यस गाउँपालिकाको कुल जनसंख्या १५,४४४ रहेको छ । संघीय संरचनासँगै स्थानीय संरचनाहरु निर्माण गरिदा साविक ६ गाविसहरु र हाल ६ वटा वडाहरु क्रमश. चिसापानी, दिप्लुङ, देवीस्थान, वोपुङ, डमर्खुशिवालय र काहुले..मिलाएर यो गाउँपलिकाको संरचना तयार भएको छ । यसै गाउँपालिकाको वडा नं. ६ दिप्लुङमा रहेको धार्मिक एवं पर्यटकीय स्थान जन्तेढुङ्गाको नामबाट यो पालिकाको न्वारन गरिएको छ ।
२०७९ सालमा भएको स्थानीय तहको निर्वाचनमा जन्तेढुङ्गा गाउँपालिकाको अध्यक्षमा अरुणा राई र उपाध्यक्षमा खेमबहादुर खड्का निर्वाचित हुनुभएको छ । त्यस्तै जन्तेढुङ्गा गाउँकार्य पालिका सदस्यहरुमा केदारमान राई (वडानं. १ अध्यक्ष ), मस्तबहादुर राई (वडा नं. २ अध्यक्ष), तारामान राई(वडा नं.३ अध्यक्ष), विदुरमान राई (वडा नं. ४ अध्यक्ष), धनबहादुर राई (वडा नं. ५ अध्यक्ष) र सागर राई (वडा नं. ६ अध्यक्ष) हुनुहुन्छ । मनोनित सदस्यहरुमा दलित तथा अल्पसंख्यक बाट कमलबहादुर विक र ध्रुव विक हुनुहुन्छ भने अन्य महिलाहरुमा ताराकुमारी कोइराला, कुमारी विक , मदनकुमारी राई र देविमाया राई हुनुहुन्छ ।
विविध जातजाती, भाषाभाषी र विभिन्न धर्मालम्वीहरु रहेको यस गाउँपालिकामा राई जातीको बाहुल्यता रहेको पाइन्छ । भिन्न भिन्न जातीले आ–आफ्नै धर्म तथा संस्कृत अनुसार फरक फरक किसिमका चाडपर्वहरू मनाउने भएता पनि साकेला, छोङ्खा चण्डी, दशै तिहार, तिज आदि चाडपर्वहरुको बिशेष महत्व हुने गर्दछ । यस गाउँपालिकाका प्रमुख धार्मिक स्थलहरुमा जन्तेढुङ्गा, देविस्थान, चण्डिथान, भानुमति आदि प्रसिद्ध धार्मिक स्थलहरु रहेका छन् । पर्यटकीय नगरीका रुपमा विकास गर्न सक्ने यस गाउँपालिकामा जन्तेढुङ्गा, भञ्ज्याङखर्क, चण्डिथान,हुँमा पोखरी, भानुमति आदि रमणिय स्थानहरु रहेका छन् ।
श्रोतावृन्द अब आउनोस मेरो सपनाको जन्तेढुङ्गाको पृष्ठभूमि कोट्याउँ ।
जन्तेढुङ्गा गाउपालिकाले गत आषाढ ११ गते आफ्नो नीति तथा कार्यक्रम गाउँसभाबाट पारित ग¥यो । गाउपालिका अध्यक्ष अरुणा राईद्धारा गाउँसभामा प्रस्तुत गर्नुभएको नीति तथा कार्यक्रमलाई सर्वसम्मत रुपमा पारित गरिएको थियो । गाउँपलिकाको मूल नारा कृषि, पर्यटन र पूर्वाधार/जन्तेढुङ्गा गाउपालिकाको समृद्धि र विकासको मूल आधार रहेको छ । यही नाराको आधारमा वार्षिक वजेट विनियोजन गरिने उपाध्यक्ष खेमबहादुर खड्काले बताउनुभयो ।
त्यसैगरी जन्तेढुङ्गालाई पाँच वर्षभित्र कस्तो पालिकाको रुपमा बनाउने भन्ने सपना र चाहनालाई मूर्तता दिन मेरो सपनाको जन्तेढुङ्गा भन्ने कार्यक्रम तयार गरिएको छ । सबै जन्तेढुङ्गका नागरिकहरुले आ आफ्नो परिवारबाट शुरुवात गरी टोल हुदै वडाको सपना तयार गर्नेछन् । वडाको भूगोललाई कसरी उपयोग गर्ने, समृद्ध शुन्दर वडा कसरी बनाउने भन्ने सपनालाई जोडेर पालिकाको सपनाको नक्सांकन गरिनेछ । वडा वडामा संकलन गरिने मेरो सपनाको वडा तयार गर्न सबैलाई प्रेरित गरिनेछ । हरेक वडाका उत्कृष्ट सपनाका नक्साहरुलाई पुरस्कृत गरिने व्यवस्था मिलाइने पालिकाको योजना छ ।
सबै वडाका सपनालाई जोडेर मेरो सपनाको नक्सांकन गरिनेछ । उक्त सपनाको नक्सांकनका आधारमा जन्तेढुङ्गा गाउपालिकाको विकास र समृद्धिलाई नमूनाको रुपमा अगाडि बढाइने नीति तथा कार्यक्रमको मूल ध्येय रहेको पालिकाले जनाएको छ ।
श्रोतावृन्द अब आउनोस जन्तेढुङ्गा गाउँपालिकाका लागि आर्थिक वर्ष २०७९/८० का लागि के कस्तो वार्षिक वजेटको खाका बनाइएको छ , चर्चा गरौँ । वार्षिक श्रोत अन्तर्गत समानिकरण अनुदान संघ तर्फ आठ करोड अठहत्र लाख, समानिकरण अनुदान प्रदेश तर्फ पैतालिस लाख अन्ठानव्वे हजार मात्र, राजश्व वाँडफाड संघ तर्फ सात करोड त्रिसठ्ठी लाख तेतिस हजार, राजश्व वाँडपाmँड प्रदेश तर्फ सवारी कर वापत उनन्तिस लाख चौतिसहजार दुईसय सत्री, विशेष अनुदान संघ तर्फ एक करोड पचास लाख , समपूरक अनुदान संघ तर्फ रु. चौवालिस लाख, समपूरक अनुदान संघ तर्फ रु एक करोड, सशर्त अनुदान संघतर्फ रु उन्नाइस करोड तेइस लाख मात्र, सशर्त अनुदान प्रदेश तर्फ पचिस लाख चौवालिस हजार मात्र, सामाजिक सुरक्षा अन्तर्गत नौ करोडमात्र, संचित कोष रु.एक करोड चौसठ्ठी लाख मात्र, आन्तरिक श्रोत रु. वीस लाख मात्र गरेर जम्मा यो आर्थिक वर्षमा रु. पचास करोड त्रिचालिस लाख नौ हजार दुईसय सत्तरी को वार्षिक वजेट तर्जुमा गरिएको छ ।
श्रोतावृन्द अब एकैक्षण जन्तेढुङ्गा गाउँपालिकाका जनप्रतिनिधिहरुको धारणा बुझौँ । उहाँहरु जन्तेढुङ्गा गाउँपालिकाको विकास र समृद्धिका वारेमा के भन्नुहुन्छ । यसका लागि उहाँहरुको के कस्तो प्रयास भैरहेछ । उहाँहरुकै आवाज सुनौँ, यीनै सम्बन्धमा आज हामीसँग हुनुहुन्छ गाउँपालिकाका उपाध्यक्ष खेमबहादुर खड्का, आउनोस उपाध्यक्ष खेमबहादुर खड्कासँग गरिएको संक्षिप्त कुराकानी सुनौँ । …..(उहाँको धारणा अडियो कार्यक्रममा सुन्नुहोला)
श्रोतावृन्द आज जन्तेढुङ्गा गाउँपालिकाको सहयोग र सहकार्यमा सामुदायिक रेडियो हलेसी एफएमले तयार पारेको कार्यक्रम मेरो सपनाको जन्तेढुङ्गाको पहिलो श्रंखला प्रस्तुत ग¥याँै । अर्को श्रंखलामा हामी जन्तेढुङ्गा गाउपालिकाका वारेमा थप सामाग्रीहरु लिएर आउनेछौँ । त्यतिन्जेल सम्म हामी तपाइहरुबाट विदा माग्छौँ । नमस्कार ।
(आगामी श्रृंखला वडागत विषयमा केन्द्रित रहेर तयार गरिनेछ)
हलेसीन्युजडेस्क, खोटाङ / खोटाङमा डढेलोका कारण एक वृद्धको ज्यान गएको छ...
हलेसीन्युजडेस्क,खोटाङ / कतारका अमिर (राजा) शेख तमिम बिन हमाद अल थानी...
हलेसीन्युजडेस्क, खोटाङ कतारका अमिर शेख तमिम विन हमाद अल थानी राष्ट्रपति...
हलेसीन्युजडेस्क, खोटाङ खोटाङमा डढेलोका कारण आज पनि बस्तिका केही घरहरु जलेर...
हलेसीन्युजडेस्क, खोटाङ खोटाङको दिप्रुङचुइचुम्मा गाउपालिका वडा नं. ५ सप्तेश्वर छितापोखरीका अग्निपीडित...
हलेसीन्युजडेस्क, खोटाङ खोटाङको सदरमुकाम दिक्तेलवजारमा आगामी बैशाख ३१ गतेबाट हुन लागिरहेको...
वि.सं. २०८१ बैशाख
मेषराशीका लागि बैशाख महिना आम्दानी बढ्ने र उठ्नुपर्ने रकम हातलागी हुने समय छ । ज्ञान सिक्ने मौका मिल्नुका साथै नयाँ कार्यको योजना बन्नेछ । श्रम र इमानदारिताको उचित मूल्याङ्कन हुनेछ । सामाजिक र राजनैतिक क्षेत्रबाट सफलता मिल्नेछ । नयाँ आफन्तहरूसँग भेटघाट, रमणीय र सुखद् यात्राको योग पनि रहेको छ । यो महिनाको लागि शुभ अङ्क ३, १० र शुभरङ्ग रातो वा गुलाबी हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको दर्शन गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
वृष राशीका लागि बैशाख महिनाको सुरुका दिन त्यति राम्रो देखिँदैन, कार्यमा बाधा आउनसक्छ । व्यर्थको सास्ती खेप्नु पर्ला । सपना पनि नराम्रो देखिन सक्छ । मध्य महिनाबाट भने सद्विचारले अभिप्रेरित हुनेहरूलाई बिस्तारै बढी लाभ हुनेछ । साथी भाइको भेटघाटले मन प्रसन्न रहने र मन मिल्ने साथीको सहयोग पाइनेछ । प्रतिष्ठित काम गर्ने मौका छ । नाम, दाम, इनाम र प्रतिष्ठा कमाउने बेला छ । यो महिनाको लागि शुभ अङ्क २,९ र शुभ रङ्ग पहेँलो वा नीलो हो । कुनै शुभकर्म गर्नु अघि हनुमानजीको स्मरण गरि कार्य आरम्भ गर्नाले सफलता मिल्नेछ ।
वि.सं. २०८१ बैशाख
मिथुन राशीका लागि बैशाख महिनामा लामो समयदेखि रोकिएका अधुरा कामहरू पूरा हुनेछन् । स्वादिष्ट भोजनको आनन्द समेत पाइएला । पढाई लेखाइमा उल्लेख्य सुधार आउनेछ । शत्रु र रोगबाट छुटकारा मिल्नेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । विशेषगरि विदेशिएका विद्यार्थीहरूले सफलता हासिल गर्नेछन् । मुद्दामामिलामा पनि विजयी भइनेछ । यो महिनाको लागि शुभ अङ्क ४,५ र शुभ रङ्ग सेतो वा केशरी हो । कुनै शुभकर्म गर्नु पूर्व वा यात्रामा जानु अघि विष्णु भगवानको दर्शन गरि कार्य आरम्भ गर्दा लाभ मिल्नेछ ।
वि.सं. २०८१ बैशाख
कर्कट राशीका लागि बैशाख महिनामा आफ्नो क्षेत्रमा सफलता हासिल गर्न सहजता हुनेछ । विश्वास गरेकाले साथ दिनेछन् । मन पर्ने वस्त्र, अलङ्कार आदि उपहार पाइने योग छ । भ्रमण र तीर्थाटनको योग पनि रहेको छ । नजिकको व्यक्तिको सहयोगबाट कार्य पुरा हुनेछ । मध्य महिनामा धन र समयको नोक्सानी हुनेछ । प्रशंसकहरूले पनि आलोचना गर्नसक्छन् । यो महिनाको लागि शुभ अङ्क २,७ र शुभ रङ्ग सेतो वा पहेँले हो । कुनै शुभकर्म गर्नु पूर्व वा यात्रामा जानु अघि सूर्य भगवानको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ बैशाख
सिंह राशीका लागि बैशाख महिना उत्साहवर्दक नै रहनेछ । नयाँ ज्ञान प्राप्त हुने योग रहेको छ । पशुपालनमा त्यति लाभ नभए पनि व्यापारमा प्रशस्त फाइदा हुने योग छ । आफन्तहरू सँग भेटघाट हुनेछ । स्थानान्तरण र देश विदेशको भ्रमण हुनेछ । ठूला व्यक्तिले तपाईंको मेहनतलाई प्रशंसा गर्नेछन् । कृषि तथा तर अनावश्यक धन र परिश्रम पनि खर्च हुने र स्वास्थ्य बिग्रनसक्छ । यो महिनाको लागि शुभ अङ्क ५,८ र शुभ रङ्ग खैरो वा हरियो हो । कुनै शुभकर्म गर्नु पूर्व पितृ देवको स्मरण गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
कन्या राशिका लागि बैशाख महिनामा नयाँ योजना कार्यान्वयनमा ल्याउन मुस्किल पर्नसक्छ र विगतका समस्या बल्झिन सक्छन् । सवारीसाधनको प्रयोग गर्दा सावधानी अपनाउनु पर्नेछ । मध्य महिनाबाट भने समय उत्साहवर्द्धक रहनेछ । वैदेशिक क्षेत्रका अधुरा कार्य पूरा हुन सक्छ । नयाँ वस्त्र, अलंकार तथा धन सम्पत्ति समेत हात पर्ने योग रहन्छ । यो महिनाको लागि शुभ अङ्क २,७ र शुभ रङ्ग खैरो वा सेतो हो । शुभकर्म गर्नु पूर्व बगलामुखीको स्मरण गरि कार्य आरम्भ गर्दा राम्रो हुनेछ ।
वि.सं. २०८१ बैशाख
तुला राशीका लागि बैशाख महिनामा नयाँ कार्यको प्रारम्भ गर्न सकिनेछ । ठूला व्यक्तिले तपाईंको मेहनतलाई प्रशंसा गर्नेछन् र भेटघाटले मन प्रसन्न हुनेछ । स्थानान्तरण र लामो यात्राको सम्भावना छ । रोकिएको ठाउँबाट आकस्मिक धन लाभ हुनेछ । महिनाको अन्त्यमा बोलीको विपरीत अर्थ लाग्न सक्छ । सेयर बजारमा केही उतारचढाव हुनेछ । यो महिनाको लागि शुभ अङ्क १,८ र शुभ रङ्ग गुलाबी सेतो वा निलो हो । कुनै शुभकर्म गर्नु पूर्व वा यात्रामा जानु अघि महा लक्ष्मीजीको दर्शन गरि कार्य आरम्भ गर्दा अधिक सफलता प्राप्त हुनेछ ।
वि.सं. २०८१ बैशाख
वृश्चिक राशीका लागि बैशाख महिनामा जोशजाँगर र हिम्मत बढ्नेछ । चलाखीपूर्ण बोली र कामले कार्यहरू सफल हुनेछन् । शुभ र मङ्गल कार्यको योग पनि छ । वाहन लाभ हुने समय आएको छ । व्यापार तथा उद्योगतर्फ सामान्य फाइदाको योग छ । मध्य महिनामा भने प्रतिस्पर्धीहरूको चलखेल बढ्नाले केही चुनौती सामना गर्नुपर्ला । अनावश्यक आरोप लाग्ने र धनमाल हराउने योग भएकाले सजग रहनुहोला । यो महिनाको लागि शुभ अङ्क ५,८ र शुभ रङ्ग रातो वा नीलो हो । कुनै शुभकर्म गर्नु पूर्व शिवजीको स्मरण गरि कार्य आरम्भ गर्दा अधिक लाभ हुनेछ ।
वि.सं. २०८१ बैशाख
धनु राशी भएकाहरुलाई बैशाख महिनामा विद्या, बुद्धि र सन्तान सुख मिल्नेछ । नयाँ सवारी साधन प्राप्तिको योग छ । दाम्पत्य जीवन सुखद तथा समृद्ध बन्ने देखिन्छ । आम्दानी प्रशस्तै बढ्नेछ । आफ्नो पेशामा बढुवा तथा सरुवाको योग पनि रहेको छ । महिनाको अन्त्यमा अनावश्यक झन्झट तथा झमेलाको सामना गर्नुपर्नेछ । प्रेम र मित्रताको बन्धनमा मनमुटाव बढ्न सक्छ, बोल्दा विचार पुर्याउनु पर्छ । यो महिनाको लागि शुभ अङ्क ४,७ र शुभ रङ्ग सेतो हो । कुनै शुभकर्म गर्नु पूर्व भैरवजीको दर्शन गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मकर राशी हुनेहरुका लागि बैशाख महिनामा मान र सम्मानमा आघात पर्न सक्छ । स्वस्थ प्रतिकूल हुन सक्छ । शैक्षिक क्षेत्रबाट इच्छित प्रतिफल नमिल्ला । प्रशंसकहरूले पनि आलोचना गर्नसक्छन् । महिनाको उत्तरार्धमा भने रमाइलो यात्रा हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । शेयर बजार र वैदेशिक कार्यमा विशेष सफलता मिल्नेछ । यो महिनाको लागि शुभ अङ्क ३, ९ र शुभरङ्ग हल्का पहेँलो वा हरियो हो । शुभकर्म गर्नु पूर्व महाकालीजीको स्मरण गरि कार्य आरम्भ गर्दा अधिक शुभ फल प्राप्त हुनेछ ।
वि.सं. २०८१ बैशाख
कुम्भ राशीका लागि बैशाख महिनामा इच्छा र आकांक्षा पूर्ण हुने भएको छ । गरेको कार्यमा सफलता पाइनेछ । साथीभाइको सहयोगले हिम्मत दिलाउनेछ । मन पर्ने वस्त्र, अलंकार आदि उपहार पाइनेछ । रोकिएका काम सम्पादन हुने र नयाँ काम पाइने योग पनि छ । शुभ, मङ्गल र नयाँ कार्यको योग छ । स्वादिष्ट भोजनको आनन्द समेत पाइएला । प्रेम सम्बन्धमा मधुरता मिल्नेछ । यो महिनाको लागि शुभ अङ्क ३,८ र शुभ रङ्ग सेतो वा नीलो हो । कुनै शुभकर्म गर्नु अघि आफ्नो कुलदेवताको आरधना गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मीन राशीका लागि बैशाख महिनामा पारिवारिक जमघटमा मन रमाउनेछ । विशिष्ट व्यक्तित्वसँग भेटघाट हुनेछ । छरछिमेकमा सम्पन्न हुने धार्मिक र शुभ कार्यमा संलग्न हुनु पर्नेछ । न्यायिक कार्यमा सफलता मिल्नेछ । मध्य महिनाबाट पारिवारिक स्वास्थ्यमा समस्या आई औषध उपचारमा खर्च बढ्नेछ, अतः ऋण र रोगको भय हुनेछ । तपाईँका प्रतिद्वन्दी पनि बढ्न सक्छन् । यो महिनाको लागि शुभ अङ्क ३, ७ र शुभ रङ्ग हरियो वा गुलाबी हो । कुनै शुभकर्म गर्नु पूर्व महादेवको आरधना गरि कार्य आरम्भ गर्दा अधिक लाभ मिल्नेछ ।