हलेसीन्युजडेस्क, खोटाङ /

खोटाङ जिल्लाको सदरमुकाम दिक्तेलवजारमा सञ्चालित पुरानो शैक्षिक संस्था सरस्वती आधारभूत बिध्यालयका भवनहरु जीर्ण अवस्थामा रहेको पाइएको छ । विध्यालयको पुराना भवनहरु जीर्ण बन्दा विध्यार्थीहरुलाई पढाउने थलोको रुपमा रहेको विध्यालय जोखिमयुक्त बन्न पुगेको हो । 

विध्यालयको भौतिक अवस्था दैनिक दयनीय बन्दै पठन पाठन कष्टकर हुनथालेपछि विद्यार्थीहरु यहाँ पढ्न छाडेर छिमेकी विध्यालयहरुमा जाने थालेको प्र.अ. मेघराज धमलाले बताउनुभयो । उहाँ भन्नु हुन्छ–‘अभिभावकहरूको चाहना बढ्दो छ, विध्यालयसँग स्रोत, साधन छैन । जे छ, त्यहीँबाट सेवा प्रवाह गर्ने हो, त्यसले गर्दा विद्यार्थी घटेका हुन् ।’ 

बिक्रम सम्बत् २००९ सालमा स्थापना भएको यस सरस्वती आधारभूत बिध्यालयलार्ई २०३३ सालमा पुनःस्थापना गरिएको थियो । सदरमुकाममा रहेको हुँदा विध्यार्थीहरुको राम्रो चाप छ । तर  पछिल्लो समयमा यसको भौतिक अवस्था जीर्ण बन्दै गएको देखिन्छ । दुइवटा भबन जीर्ण हुँदा वर्षायाममा भत्किने सम्भावना रहेको छ । दुवै भवनमा वर्षादको समयमा पानी चुहेर विध्यार्थीहरु असुरक्षित रहन वाध्य हुन्छन् । शिक्षकहरु गुनासो सुनाउनुहुन्छ ।

२०७२ साल बैशाख १२ गतेको भूकम्पले विद्यालयका भवनहरु जीर्ण बने । तर सरोकारवाला निकायहरु कसैको ध्यान जान नसकेको बि.ब्या.स अध्यक्ष अजय बस्नेत बताउनुहुन्छ ।

बिध्यालयमा नयाँ शैक्षिक सत्रमा ७० देखि ७५ भन्दा बढी विद्यार्थीहरु अध्ययनरतः रहेका छन् ।  बिध्यालयमा राम्रो भबन नहुदा पठन पाठनमा समस्या हुने गरेको बस्नेतले बताउनु भयो । नयाँ संरचना निर्माण र विषयगत शिक्षक राख्न सके विद्यार्थी दर अझ बढाउन सकिने उहाँको कथन छ । बिध्यालयको समस्या जनप्रतिनिधि, नेता सबैलाई अवगत गराइसकिएको भए पनि कार्यान्वयनतर्फ अझसम्म कसैको चासो नपुग्दा बालबालिका एवं शिक्षकले कष्ट खेप्नु परिरहेको बिध्यालयका एक कर्मचारीले बताउनु भयो  । 

उता दिक्तेलरुपाकोट मझुवागढी नगरपालिकाका नगरप्रमुख तीर्थराज भट्टरार्ईसँग हामीले यस सम्बन्धमा सम्पर्क गरी जिज्ञासा राख्दा विद्यालय सुधारका लागि चाँडै सहयोग गर्ने  बताउनु भएको छ । विद्यार्थी संख्या कम भए पनि सबै बालबालिकाको पढ्न पाउने अधिकार रहेकाले सहज रुपले पढ्ने वातावरण निर्माणका लागि नगरपालिकाले यथाशिघ्र सहयोग गर्ने नगरप्रमुख भट्टरार्ईको भनाई छ ।  

कक्षा १ देखि ८ सम्म पढाइ हुने यस विद्यालयमा बालबिकास कक्षामा कार्यरत सहित ९ जना शिक्षकहरु रहेकाछन् ।  

भबन राम्रो नभए पनि यस बिध्यालमा  बिध्यार्थीहरुलार्ई खाजाको लागि आफ्नै क्यान्टिन   तथा बिध्यालय कम्पाउण्ड घेराबारा भने राम्रो रहेको देखिन्छ ।